Agriculture news in marathi Cashew crop insurance should be refunded in all the four circles in Ratnagiri | Agrowon

रत्नागिरीतील चारच मंडळात काजू पिकाचा विमा परतावा

टीम अॅग्रोवन
गुरुवार, 17 सप्टेंबर 2020

रत्नागिरी : यंदा जिल्ह्यातील ६५ महसूली मंडळापैकी चार मंडळांतील ३७१ शेतकऱ्यांना विमा परतावा मंजूर झाला.

रत्नागिरी : हवामानाच्या बदलांमुळे होणाऱ्या नुकसानीमुळे शेतकरी उध्वस्त होऊ नये, यासाठी पीक विमा योजनेत काजू फळपिकाचा समावेश केला आहे; मात्र यंदा जिल्ह्यातील ६५ महसूली मंडळापैकी चार मंडळांतील ३७१ शेतकऱ्यांना विमा परतावा मंजूर झाला. या चार मंडळातील ट्रीगर कार्यरत झाला आहे.

कोकणात आंबा, काजूची मोठ्या प्रमाणात लागवड झाली आहे. गेल्या दहा वर्षांत हवामान बदलाचे दुरगामी परिणाम दोन्हीच्या उत्पादनावर होत आहे. त्यामुळे उत्पन्नावर परिणाम होतो. हे टाळण्यासाठी शासनाने सहा वर्षांपूर्वी पीक विमा योजनेत आंबा, काजूचा समावेश केला होता. कोरोनामुळे काजूच्या हंगामावर काजू शेतकऱ्यांना मोठा फटका बसला आहे.

काजू ‘बी’ला म्हणावा तसा दर न मिळाल्याने अडचणी निर्माण झाल्या होत्या. उत्पादनही ५० टक्केच आले आहे. विमा परतावा योग्य पध्दतीने मिळत नसल्याने आधीच शेतकरी विमा उतरवण्याकडे दुर्लक्ष करतात. डिसेंबर २०१९ ते मे २०२० या हंगामात २,७४० शेतकऱ्यांनी २,२६० हेक्टरवर विमा उतरवला होता. त्यातील ३७१ शेतकऱ्यांना विमा परताव्यापोटी ३८ लाख ३२ हजार २७६ रुपये मिळाले आहेत. ही रक्कम ६५ पैकी अवघ्या ४ महसूली मंडळांतील शेतकऱ्यांना प्राप्त झाली आहे.

हवामानातील बदल टिपण्यासाठी प्रत्येक महसूली मंडळात स्वयंचलित हवामान केंद्र बसविण्यात आली आहेत. त्यातील चारच मंडळातील ट्रीगर कार्यरत झाले आहेत. उर्वरित मंडळात कमी-अधिक तापमान, पाऊस याची नोंद झालेली नाही.

या मंडळांत मिळाला विमा

विमा परतावा मंजूर झालेल्या मंडळात गुहागर तालुक्यातील पाटपन्हाळेतील ४७ शेतकऱ्यांना ४ लाख ८ हजार १७० रुपये, लांजा तालुक्यातील भांबेड मंडळातील २७ शेतकऱ्यांना ४,०५,७९०, संगमेश्‍वर तालुक्यातील देवळे येथील १९१ शेतकऱ्यांना २४,५४,७३२ रुपये, तर मुरडवमधील १०६ शेतकऱ्यांना ५ लाख ६३ हजार ५८४ रुपये परतावा मिळाला आहे.


इतर ताज्या घडामोडी
सोलापूर जिल्ह्यात मराठा आरक्षणासाठी...सोलापूर  : मराठा समाजाला आरक्षण...
मुक्त विद्यापीठात कृषीविषयक अभ्यासक्रम...नाशिक : ‘‘यशवंतराव चव्हाण महाराष्ट्र मुक्त...
सोलापूर जिल्ह्यात दहा हजार हेक्‍टरवर...सोलापूर : जिल्ह्यात गेल्या तीन-चार दिवसांपासून...
सोलापूर जिल्हा बॅंक देणार अल्प मुदतीचे...सोलापूर : सोलापूर जिल्हा मध्यवर्ती सहकारी...
परभणी, हिंगोलीत ओल्या दुष्काळाचे सावटपरभणी : परभणी, हिंगोली जिल्ह्यातील अनेक मंडळांत...
जळगाव जिल्ह्यात उडीद, मूग खरेदीची...जळगाव : शासकीय उदीद, मूग खरेदीसंबंधीची प्राथमिक...
परभणीत भरपाईसाठी ‘स्वाभिमानी’ची पिकांसह...परभणी : अतिवृष्टीमुळे शेती पिकांचे अतोनात नुकसान...
नाशिक जिल्ह्यात खरिपासह भाजीपाला पिके...नाशिक : जिल्ह्याच्या सर्वदूर भागात शनिवारी (...
`औरंगाबाद जिल्ह्यातील नुकासानग्रस्त...औरंगाबाद : सतत सुरू असलेल्या पावसाने कोणत्या...
ऊसतोडणी दर ठरविताना उत्पादकांवरील बोजा...पुणे : दहा लाख ऊसतोडणी कामगारांच्या वतीने विविध...
मराठा आरक्षणावरील अंतरिम स्थगिती उठवावीमुंबई : मराठा आरक्षणासंदर्भात सर्वोच्च...
‘मुळा’तून विसर्ग बारा हजार क्युसेकवर...नगर ः नगर जिल्ह्यातील मुळा धरणाच्या पाणलोटात पाऊस...
शेतकऱ्यांना कॉर्पोरेट कंपन्यांच्या...कोल्हापूर : पाशवी बहुमताच्या बळावर भलेही तुम्ही...
मोताळा तालुक्यात वादळी पावसाने नुकसानबुलडाणा ः जिल्ह्यात शनिवारी (ता. १९) वादळी...
नाशिकमध्ये वाटाण्याची आवक कमीच; दरात...नाशिक : येथील कृषी उत्पन्न बाजार समितीमध्ये...
नागपूर जिल्ह्यात पुराचा २९ हजार...नागपूर : पुरामुळे जिल्ह्यात २९ हजार २६२...
सोलापुरात पितृपंधरवड्यामुळे गवार,...सोलापूर ः पितृपंधरवड्यामुळे सोलापूर कृषि उत्पन्न...
डाळिंब फळपिकातील तेलकट डाग व्यवस्थापनसोलापूर, सांगली, नाशिक आणि नगर यासारख्या...
औरंगाबादमध्ये मूग, उडीद, ज्वारी,...औरंगाबाद : येथील कृषी उत्पन्न बाजार समितीमध्ये गत...
बार्शी बाजार समितीत उडीद, मूग हमीभाव...सोलापूर : बार्शी कृषी उत्पन्न बाजार समितीमध्ये...