Agriculture News in Marathi In the catchment area of dams in Pune The rain intensified | Agrowon

पुण्यातील धरणांच्या पाणलोटात पावसाचा जोर वाढला 

टीम अॅग्रोवन
गुरुवार, 23 सप्टेंबर 2021

गेल्या दोन दिवसांपासून धरणक्षेत्रात पावसाचा जोर वाढला आहे. अनेक ठिकाणी जोरदार स्वरूपाचा पाऊस पडल्याने धरणातील पाणीपातळीत वाढ होत आहे. धरणातून पाण्याचा विसर्ग वाढविण्यात येत आहे.

पुणे : गेल्या दोन दिवसांपासून धरणक्षेत्रात पावसाचा जोर वाढला आहे. अनेक ठिकाणी जोरदार स्वरूपाचा पाऊस पडल्याने धरणातील पाणीपातळीत वाढ होत आहे. धरणातून पाण्याचा विसर्ग वाढविण्यात येत आहे. या पावसामुळे मुठा, पवना, भीमा, भामा, नीरा, घोड, कुकडी या नद्या दुथडी भरून वाहत आहेत. 

राज्यात चार ते पाच दिवसांपासून पावसासाठी पोषक वातावरण तयार झाले आहे. जिल्ह्यातही पाऊस पडण्याचा अंदाज हवामान विभागाने दिला आहे. त्यानुसार मागील दोन ते तीन दिवसांपासून वातावरणात चांगलाच बदल झाला आहे. काही वेळा ऊन पडत असले तरी पावसाच्या प्रभाव वाढला आहे. पूर्व भागातील दौंड, इंदापूर, शिरूर, बारामती, पुरंदर तालुक्यांत तुरळक ठिकाणी हलक्या सरी बरसत आहेत.

पश्‍चिम पट्ट्यातील तालुक्यात पावसाचा अनेक ठिकाणी जोर वाढला आहे. त्यामुळे भात पिकांना दिलासा मिळाला असून, भात खाचरे भरून वाहत आहेत. जिल्ह्यातील जवळपास सर्वच धरणे भरत आल्याने आगामी काळातील पाणीटंचाई कमी होण्याची शक्यता आहे. 

वडीवळे धरणाच्या पाणलोट क्षेत्रात सर्वाधिक ४० मिलिमीटर पाऊस पडल्याची नोंद झाली आहे. टेमघर धरणाच्या पाणलोट क्षेत्रात २५ मिलिमीटर, वरसगाव, पानशेत १३, पवना २६,कळमोडी २२, आंध्रा १३, भाटघर १६, पिंपळगावा जोगे २०, माणिकडोह १८, येडगाव १५, चिल्हेवाडी १०, उजनी १२ मिलिमीटर पाऊस पडला आहे. तर खडकवासला, कासारसाई, चासकमान, भामा आसखेड, नाझरे, गुंजवणी, नीरा देवघर, वीर, वडज, डिंभे या धरणांच्या पाणलोट क्षेत्रात पावसाच्या तुरळक सरी पडल्या आहेत.

सध्या भात पिकांना पाऊस पोषक ठरत आहे. त्यामुळे भात पिके वाढीच्या व निसवण्याच्या अवस्थेत आहेत. तर बाजरी, मूग, उडीद पिके काढणीच्या अवस्थेत आहेत. अनेक ठिकाणी काढणी सुरू असल्याने हा पाऊस काढणीच्या पिकांना नुकसानकारक ठरत आहे. त्यामुळे शेतकऱ्यांमध्ये नुकसान होण्याची चिंता वाढली आहे.  


इतर ताज्या घडामोडी
पांगरीत पीक विमा कंपनीचे प्रतिनिधी फोन...पांगरी, ता. बार्शी ः पीक नुकसानीची तक्रार...
जोरदार पावसाने जेवळी परिसरात तलाव भरले जेवळी, जि. उस्मानाबाद : जेवळी व परिसरात दोन- तीन...
कुसुंबामध्ये शंभर क्विंटल कांदा चाळीतून...कुसुंबा, जि. धुळे ः कुसुंबा येथील शेतकरी सुभाष...
पीकविम्याप्रश्‍नी केंद्र सरकार म्हणणे...उस्मानाबाद : गेल्या वर्षी पीकविमा कंपन्यांनी...
गिरणा पट्ट्यात ओला दुष्काळ जाहीर कराभडगाव/पाचोरा, जि. जळगाव : तालुक्यात अतिवृष्टीमुळे...
हिंगोली जिल्ह्यात बासष्ट हजार क्विंटलवर...हिंगोली ः जिल्ह्यात यंदाच्या (२०२१-२२) रब्बी...
साठा मर्यादा निर्णयाची  राज्यात... हिंगणघाट, जि. वर्धा :  केंद्र सरकारने गरज...
`ई-पीक पाहणी चौदा ऑक्टोबरपर्यंत पूर्ण...नाशिक : ‘‘शेतकऱ्यांच्या सहभागाने मोबाईल ॲपच्या...
भारनियमन केले जाणार नाही; वीजनिर्मिती...मुंबई : कोळसा टंचाईमुळे राज्यातील वीजनिर्मिती कमी...
पीक पेरा नोंदणीत नांदेड मराठवाड्यात...नांदेड : ‘‘ई पीक पाहणी कार्यक्रमांतर्गत...
मराठवाड्यात ओला दुष्काळ जाहीर करून...औरंगाबाद : मराठवाड्यात ओला दुष्काळ जाहीर करून...
गूळ सौदे बंदचे विघ्न कोल्हापुरात कायमकोल्हापूर : गुळाच्या बॉक्सचे वजन सौद्यात धरले...
वाशीम जिल्ह्यात नुकसानग्रस्तांना ६.७७...वाशीम : जिल्ह्यात यंदा मार्च, एप्रिल आणि मे या...
संकरित वाणाची होणार सधन पद्धतीने लागवड  नागपूर : सरळ वाणाचा उपयोग करून कापसाची...
द्राक्षबागेत फळछाटणीनंतर उडद्या...द्राक्ष बागेत ऑक्टोबर फळछाटणीनंतर उडद्या...
झेंडू, शेवंतीच्या फुलांना पुण्यात मागणी...पुणे ः फुलांना विशेष मागणी असणारा दसरा सण अवघ्या...
`कुरनूर’मधून २१०० क्युसेकचा विसर्गसोलापूर ः अक्कलकोट तालुक्यातील कुरनूर मध्यम बोरी...
सोलापूर जिल्हा दूध संघावरील प्रशासकाची...सोलापूर ः सोलापूर जिल्हा सहकारी दूध उत्पादक...
कापूस वेचणीचा खर्च सात रुपये प्रतिकिलोजळगाव ः खानदेशात पावसामुळे पिकांची हानी सुरूच आहे...
खानदेशात एकच केळी दर जाहीर करावाजळगाव ः खानदेशात केळीचे वेगवेगळे दर रोज जाहीर...