विदर्भात तीन महिन्यांत ५ कोटींच्या जनावरांची चोरी

अमरावती : कोरोनाच्या प्रादुर्भावामुळे शेतकरी आर्थिकदृष्ट्या हवालदिल झाले आहेत. अशातच गेल्या तीन ते साडेतीन महिन्यांच्या काळात विदर्भात जवळपास पाच कोटी रुपयांची जनावरे चोरीला गेल्याचा धक्कादायक प्रकार समोर आला आहे. पशुधन विमा योजना बंद असल्याने या शेतकऱ्यांना परतावाही मिळणे शक्य नसल्याने त्यांच्यासमोरील अडचणीत अधिकच भर पडली आहे.  अमरावती जिल्हा परिषदेचे सदस्य प्रकाश साबळे यांनी अमरावती, यवतमाळ, वाशिम, बुलढाणा, गडचिरोली, चंद्रपूर, वर्धा या जिल्ह्यांतील पशुधन चोरीच्या घटनांची माहिती पोलिस स्टेशन मधून घेतली. त्यामध्ये गेल्या तीन महिन्यांत पाच कोटी रुपयांच्या जनावरांच्या चोरीचे धक्कादायक वास्तव समोर आले आहे. जनावरे चोरीच्या सर्वाधिक घटना अमरावती जिल्ह्यात घडल्या आहेत. एक कोटी १२ लाख रुपयांची जनावरे या जिल्ह्यातून चोरीला गेली आहेत. त्यामध्ये गाय, म्हैस, बैलजोडी यांचा समावेश आहे. विशेष म्हणजे हा केवळ  पोलिस ठाण्यात तक्रारी आकडा आहे. विदर्भातील विविध जिल्ह्यांत शेतकऱ्यांची कोट्यवधी रुपयांची जनावरे चोरीस गेली आहेत. या जनावरांचा पशुधन विमा काढण्यात येत नसल्याने त्या शेतकऱ्यांना भरपाई मिळणार नाही. त्यामुळे पशुधन विमा योजना सुरू करावी, अशी मागणी पशुसंवर्धन मंत्री सुनील केदार यांच्याकडे केली आहे. - प्रकाश साबळे,  जिल्हा परिषद सदस्य, अमरावती

जिल्हानिहाय्य जनावरे चोरी