agriculture news in marathi, central cotton research institute gives clean cheat to ankur seeds,nagpur, maharashtra | Agrowon

केंद्रीय कापूस संशोधन संस्थेची ‘अंकुर सीड्स’ला क्‍लीन चिट

टीम अॅग्रोवन
मंगळवार, 7 ऑगस्ट 2018

सुरवातीला प्रोटीन चाचणी करण्यात आली. त्या वेळी बियाण्याचे केवळ दहा नमुनेच घेण्यात आले. त्यात एच.टी. जनुकाचा ३० टक्‍के तथ्यांश आढळला होता. परंतु चाचणीची ही पद्धत चुकीची असल्याचे लक्षात आल्यानंतर पुन्हा चाचणी करण्यात आली. या वेळी १०० बियाणे नमुने घेऊन  डीएनए चाचणी केली असता त्यात एच.टी. जनुक आढळून आले नाही. त्यामुळे या वाणात एच.टी. जनुक नसल्याचा दुसरा अहवाल देण्यात आला आहे. या संदर्भाने कृषी विभागालादेखील कळविण्यात आले आहे. या प्रकरणी सुरवातीच्या अहवालावरुन पोलिस तक्रार झाल्याचीदेखील मला माहिती आहे.
- डॉ. बालसुब्रमण्यम, प्रयोगशाळा प्रमुख, केंद्रीय कापूस संशोधन संस्था, नागपूर.

नागपूर ः मे. अंकुर सीड्स प्रा. लिमिटेडच्या ३०२८ या वाणात निघालेल्या एच.टी. जनुक प्रकरणाने अल्पावधीतच नाट्यमय वळण घेतले आहे. केंद्रीय कापूस संशोधन संस्थेच्या अहवालावरूनच या प्रकरणात सुरवातीला पोलिसांत तक्रार दाखल करण्यात आली. त्यांनतर आता केंद्रीय कापूस संशोधन संस्थेच्या दुसऱ्या अहवालात एच.टी. संदर्भाने क्‍लीन चिट देण्यात आल्याने अनेकांच्या भुवया उंचावल्या आहेत. यामुळे कृषी विभागाच्या अडचणींमध्ये मात्र वाढ झाली आहे.

या वर्षी कृषी विभागाने हंगामाच्या सुरवातीला राज्य स्तरावर सर्वच कृषी निविष्ठांचे कंपन्यांच्या गोदामातच नमुने घेतले होते. मे. अंकुर सीड्स प्रा. लिमिटेड कंपनीचे बियाणे प्रक्रिया केंद्र मलकापूर (जि. बुलडाणा) येथे आहे. कंपनीच्या मलकापूर येथील गोदामातून कृषी विभागाने १५ मे २०१८ रोजी नमुने घेतले. हे नमुने २५ मे २०१८ रोजी केंद्रीय कापूस संशोधन संस्थेकडे पृथक्करणासाठी पाठविण्यात आले. १९ जुलैला याचा अहवाल केंद्रीय कापूस संशोधन संस्थेकडून कृषी विभागाला मिळाला. त्यामध्ये ३०२८ या वाणात ३० टक्‍के एच.टी. जनुकाचा अंश असल्याचा धक्‍कादायक खुलासा करण्यात आला होता.

याची कृषी विभागाने गांभीर्याने दखल घेत तातडीने कंपनीचे व्यवस्थापकीय संचालक तसेच उपप्रादेशिक व्यवस्थापक चिरंजीव रेड्डी यांच्या विरोधात फसवणुकीसह विविध कलमान्वये गुन्हे दाखल केले. मलकापूर (जि. बुलडाणा) पोलिस या प्रकरणी पुढील तपास करीत आहेत. पोलिसांचा तपास सुरू असतानाच कृषी विभागानेदेखील मे. अंकुर सीड्स प्रा. लिमिटेडला नोटीस बजावली. परवान्यातील तरतुदीचे उल्लंघन केल्यामुळे खुलासा करण्याचे यातून सांगण्यात आले.

ही सारी प्रक्रिया सुरू असतानाच अचानक  शनिवारी (ता. ४) रात्री केंद्रीय कापूस संशोधन संस्थेने नवा अहवाल कृषी विभागाला ई-मेलद्वारे पाठविला. त्यामध्ये अंकुर सीड्स प्रा. लिमिटेड या कंपनीच्या ३०२८ या वाणात एच.टी. जनुकाचा अंश नसल्याचे नमूद आहे. या अहवालामुळे चांगलीच खळबळ उडाली आहे.
 


इतर ताज्या घडामोडी
कोल्हापूर बाजार समिती नोकर भरतीविरोधात...कोल्हापूर: येथील कृषी उत्पन्न बाजार समितीत...
नगर : मक्‍याला हमीभावापेक्षा कमी दर...नगर ः रब्बी हंगामामध्ये शासनाच्या किमान आधारभूत...
सातारा जिल्ह्यात खरिपाच्या ८२.८५ टक्के...सातारा  ः पावसाचा काहीसा जोर वाढल्याने...
पुणे बाजार समितीसह उपबाजार ...पुणे  ः ‘कोरोना’च्या फैलावामुळे शहरातील...
नगर जिल्ह्यात एक लाख १७ हजार हेक्टरवर...नगर  ः जिल्ह्यात यंदा जुलैच्या पहिल्याच...
अमरावतीत बियाणे कंपनीकडून ९०१ बॅग, २२...अमरावती : जिल्ह्यात सोयाबीन बियाणे उगवणीबाबत १...
कोविड-१९ रुग्णांच्या वास, चव संवेदनांवर...कोविड १९ च्या आजारातून बरे झाल्यानंतरही सुमारे ९०...
खानदेशात दुबार पेरणीसाठी ताग, बाजरी,...जळगाव  ः खानदेशात दुबार पेरणी आटोपली आहे....
जळगावमधील सिंचन प्रकल्पांची कामे...जळगाव  ः जिल्ह्यात तापी व गिरणा नदीवर...
निकृष्ट बियाणेप्रकरणी सर्व कंपन्यांवर...नगर: जिल्ह्यात गेल्या एक महिन्याच्या कालावधीत...
बॅंकांनी पीककर्ज प्रकरणे तत्काळ मार्गी...वर्धा  ः जिल्ह्यात पात्र शेतकऱ्यांपैकी एकही...
गोंदिया जिल्ह्यात युरियाची टंचाईगोंदिया  ः पावसामुळे धान रोवणीला वेग आल्याने...
औरंगाबाद जिल्ह्यात खतांचा पुरवठा सुरळीत...औरंगाबाद : जिल्ह्यात ‘कोरोना’च्या पार्श्वभूमीवर...
अकोल्यात तूर सरासरी ५८०० रुपये क्विंटलअकोला  ः  येथील कृषी उत्पन्न बाजार...
सांगली जिल्ह्यातील तीन केंद्रांवर २०२३...सांगली  ः जिल्ह्यात हमीभावाने मका खरेदीसाठी...
रत्नागिरी जिल्ह्यात भात, नाचणी पिकासाठी...रत्नागिरी  : रत्नागिरी जिल्ह्यात भात, नाचणी...
आरोग्यदायी दालचिनीमसाल्यांच्या पदार्थांत, घरात मसाला करताना...
कोकण, कोल्हापूर पट्ट्यात मुसळधार...कोकण व कोल्हापूर भागावर १००२ तर महाराष्ट्रावर...
कोल्हापुरात दिड हजार, खते, बियाणे...कोल्हापूर  : बियाण्यांच्या उगवणीप्रश्नी...
सांगली जिल्ह्यात दोन लाख १९ हजार हेक्‍...सांगली : जिल्ह्यात पावसांचा खंड असला तरी  ...