पोपटराव पवार, राहिबाई पोपेरे यांना पद्मश्री

नवी दिल्ली : केंद्र सरकारकडून शनिवारी (ता. २५) विविध पद्म पुरस्कारांची घोषणा करण्यात आली.  कृषी आणि पशुसंवर्धन क्षेत्रातील सहा जणांना पद्मश्री पुरस्कारांनी सन्मानित करण्यात येणार आहे.  यात देशी बियाणे संवर्धक राहिबाई सोमा पोपेरे (कृषी- महाराष्ट्र) , चिंताला वेंकट रेड्डी (कृषी - तेलंगण),  राधामोहन व साबरमती (संयुक्तपणे) (कृषी- ओडिशा), बटकृष्ण साहू (पशुसंवर्धन- ओडिशा) , त्रिनीती साईऊ (कृषी- मेघालय) यांच्यासह सामाजिक कार्य क्षेत्रासाठी महाराष्ट्रातील आदर्शग्राम योजनेचे कार्याध्यक्ष पोपटराव पवार यांचा समावेश आहे. 

दिवंगत माजी संरक्षणमंत्री जॉर्ज फर्नांडिस, भाजपचे रणनितीकार अरुण जेटली, माजी परराष्ट्रमंत्री सुषमा स्वराज यांना मरणोत्तर ‘पद्मविभूषण’ पुरस्कार जाहीर करण्यात आले. मुष्टियोद्धा मेरी कोम यांना ‘पद्मविभूषण’ने सन्मानित केले जाणार आहे. उद्योगपती आनंद महिंद्रा, गोव्याचे माजी मुख्यमंत्री मनोहर पर्रीकर (मरणोत्तर), बॅडमिंटनपटू पी. व्ही. सिंधू आदींचा ‘पद्मभूषण’ पुरस्कार विजेत्यांमध्ये समावेश आहे. कला, सामाजिक कार्य, विज्ञान, व्यापार आणि उद्योग, वैद्यकीय सेवा, साहित्य आणि शिक्षण, क्रीडा आदी क्षेत्रांमध्ये उल्लेखनीय काम करणाऱ्या मान्यवरांना ‘पद्म’ पुरस्कार जाहीर करण्यात आले. यात महाराष्ट्रातील १२ जणांचा समावेश आहे. मार्च किंवा एप्रिलमध्ये पुरस्कारांचे वितरण होईल. यंदा सात जणांना पद्मविभूषण, सोळा जणांना पद्मभूषण आणि ११८ जणांना पद्मश्री सन्मान जाहीर झाले. या पुरस्कार विजेत्यांमध्ये ३४ महिलांचाही समावेश आहे. बारा जणांना मरणोत्तर हे पुरस्कार प्रदान केले जातील. 

पद्मविभूषण

पद्मभूषण

पद्मश्री