प्रश्‍नांची सोडवणूक करण्यात केंद्र सरकार अपयशी : शेतकरी नेत्यांचा आरोप

केंद्रीय कृषी कायद्यांविरोधात शेतकरी आंदोलनाने दिलेल्या मुदतीत आणि सात बैठका होऊनही प्रश्‍नांची सोडवणूक करण्यास केंद्र सरकार अपयशी ठरल्याचा आरोप शेतकरी नेत्यांनी केला आहे. सरकारकडून कोणतेही महत्त्वपूर्ण पाऊल उचलले जात नसल्याचे या नेत्यांनी सांगितले.
प्रश्‍नांची सोडवणूक केंद्र सरकार अपयशी : शेतकरी नेत्यांचा आरोप
प्रश्‍नांची सोडवणूक केंद्र सरकार अपयशी : शेतकरी नेत्यांचा आरोप

नवी दिल्ली : केंद्रीय कृषी कायद्यांविरोधात शेतकरी आंदोलनाने दिलेल्या मुदतीत आणि सात बैठका होऊनही प्रश्‍नांची सोडवणूक करण्यास केंद्र सरकार अपयशी ठरल्याचा आरोप शेतकरी नेत्यांनी केला आहे. सरकारकडून कोणतेही महत्त्वपूर्ण पाऊल उचलले जात नसल्याचे या नेत्यांनी सांगितले.  गेल्या २५ दिवसांपासून सुमारे ४० शेतकरी संघटनांकडून येथे आंदोलन सुरू आहे, शेतकरी आपल्या मागण्यांवर ठाम आहेत, तर सरकारकडून कोणताही ठोस निर्णय होत नसल्याने अद्याप कोणताही तोडगा निघालेला नाही. भारतीय किसान युनियनचे अध्यक्ष मनजितसिंग राय म्हणाले, की केंद्र सरकार विनाकारण आमच्या प्रकरणात उशीर करत आहे. आतापर्यंत कायदे मागे घेऊन शेतकऱ्यांना घरी जाऊ दिले पाहिजे होते. नवे वर्ष सुरू होण्यापूर्वी प्रश्‍नांची सोडवणूक केली जाईल, असे सरकार म्हणत असले, तरी आम्हाला कोणतीही आशा दिसत नाही.  दरम्यान, आंदोलनादरम्यान मृत्यू पावलेल्या शेतकऱ्यांना रविवारी देशभरात श्रद्धांजली वाहण्यात आली. 

तोमर आज आंदोलकांना भेटणार : शहा शेतकरी आंदोलन संपविण्याबाबत चर्चाकरण्यासाठी केंद्रीय कृषिमंत्री नरेंद्रसिंह तोमर सोमवारी किंवा मंगळवारी तेथील संघटनांच्या प्रतिनिधींना भेटतील, अशी माहिती पश्‍चिम बंगालच्या दौऱ्यावर आलेल्या गृहमंत्री अमित शहा यांनी दिली आहे. 

किसानदिनी अन्न शिजवू नका २३ डिसेंबरला किसान दिन आहे. या दिवशी शेतकऱ्यांच्या समर्थनार्थ कोणीही अन्न शिजवू नये अशी विनंती शेतकरी करणार असल्याची माहिती शेतकरी नेते राकेश टिकैत यांनी दिली. तर स्वराज इंडियाचे प्रमुख योगेंद्र यादव यांनी सोमवार (आज) शेतकरी उपोषण करतील असे सांगितले. 

२५ ते २७ टोल बंद शेतकरी आंदोलनाचा भाग म्हणून हरियानातील महामार्गावर २५ ते २७ डिसेंबर दरम्यान टोलनाके शेतकरी बंद पाडतील, अशी माहिती शेतकरी नेते जगजितसिंग दालेवाला यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com