Agriculture news in marathi Central government will build houses: Narayan Rane | Page 2 ||| Agrowon

केंद्र सरकार घरे बांधून देणार : नारायण राणे 

टीम अॅग्रोवन
सोमवार, 26 जुलै 2021

‘‘तळिये गावात पंतप्रधान आवास योजनेतून घरे बांधून देण्यात येतील. केंद्र सरकार पूरग्रस्तांना सर्वोतोपरी मदत करेल,’’ असे आश्‍वासन केंद्रीय मंत्री नारायण राणे येथील अतिवृष्टी बाधित नागरिकांना दिले. 

रायगड/रत्नागिरी : ‘‘तळिये गावात पंतप्रधान आवास योजनेतून घरे बांधून देण्यात येतील. तसेच स्थानिक नागरीक सांगतील तेथेच पुनर्वसन केले जाईल. केंद्र सरकार पूरग्रस्तांना सर्वोतोपरी मदत करेल,’’ असे आश्‍वासन केंद्रीय मंत्री नारायण राणे येथील अतिवृष्टी बाधित नागरिकांना दिले. 

केंद्रीय मंत्री नारायण राणे, विरोधी पक्षनेते देवेंद्र फडणवीस आणि विधान परिषदेतील विरोधी पक्षनेते प्रवीण दरेकर यांनी रविवारी (ता.२५) रायगड, रत्नागिरी आणि चिपळूणच्या अतिवृष्टीबाधित गावांना भेटी देऊन नुकसानीची पाहणी करून नागरिकांशी संवाद साधला 
या वेळी बोलताना फडणवीस म्हणाले, ‘‘कोकणात आलेल्या अतिवृष्टीच्या संकटाची वेळ ही कुणावर आरोप करण्याची किंवा तुलना करण्याची नाही. नागरिकांना तातडीने मदत करणे आणि प्रशासनाच्या पाठीशी उभे राहण्याची वेळ आहे. भारतीय जनता पार्टी शक्य ती सर्व तातडीची मदत या नागरिकांपर्यंत पोहोचवित आहे. बाधित नागरिकांना केंद्र सरकारकडून सर्व ती मदत देण्यासाठी पाठपुरावा केला जाईल. प्रधानमंत्री आवास योजनेतून घरे आणि एनडीआरएफचे अनुदान दोन्ही मिळावे, यासाठी निश्चितपणे प्रयत्न केले जातील.’’ 

अतिवृष्टीबाधित नागरिकांना प्राधान्य मदत करण्याला असले पाहिजे आणि पुनर्वसनाकडेही गांभीर्याने लक्ष द्यावे लागेल. एनडीआरएफसह साऱ्याच यंत्रणा समन्वयाने काम करीत आहेत. जिल्हा आणि पोलिस प्रशासन सुद्धा त्यांच्यासोबत काम करीत आहेत. बाधित नागरिकांना केंद्र सरकारकडून सर्व ती मदत देण्यासाठी पाठपुरावा केला जाईल. प्रधानमंत्री आवास योजनेतून घरे आणि एनडीआरएफचे अनुदान दोन्ही मिळावे, यासाठी निश्चितपणे प्रयत्न केले जातील, असेही फडणवीस म्हणाले. 

व्यापाऱ्यांना पुन्हा उभे करणार 
रत्नागिरी : चिपळूणमधील व्यापाऱ्यांना पुन्हा पायावर उभे करण्यासाठी आम्ही प्रयत्न करणार आहोत. ही सगळी आमच्या घरातील माणसे आहेत. त्यांच्या डोळ्यात भविष्यात अश्रू येणार नाहीत, याची काळजी आम्ही घेऊ, असा दिलासा केंद्रीय मंत्री नारायण राणे यांनी दिला. तसेच चिपळूणवासीयांच्या अश्रूला प्रशासन जबाबदार असल्याचाही ठपका त्यांनी ठेवला. राणे म्हणाले, ‘‘राज्यातील दोन्ही विरोधी पक्षनेते आणि केंद्रात मी चिपळूणातील लोकांसाठी नुकसान भरपाई मिळवून देऊ. त्यासाठी विविध योजनांचा आधार घेतला जाईल. भरपाई देण्यासाठी मुख्यमंत्री आढावा घेऊन बैठका घेतील. पण मी थेट पंतप्रधानांना अहवाल देणार आहे. व्यापाऱ्यांना पुन्हा पायावर उभे करण्यासाठी प्रयत्न करणार आहे. ही सगळी आमच्या घरातील माणसे आहेत.’’ 


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...