Agriculture news in Marathi The central team did not turn up in Nanded district | Agrowon

केंद्रीय पथक नांदेड जिल्ह्यात फिरकलेच नाही

टीम अॅग्रोवन
सोमवार, 28 डिसेंबर 2020

खरीप हंमागादरम्यान मराठवाड्यात सर्वाधिक नुकसान झालेल्या जिल्ह्यात नांदेडचा समावेश असूनही केंद्राच्या पथकाने नांदेडकडे पाठ फिरविल्याने शेतकऱ्यांनी नाराजी व्यक्त केली आहे.

नांदेड : खरीप हंमागादरम्यान अतिवृष्टी तसेच परतीच्या पावसामुळे नांदेड जिल्ह्यातील ५ लाख ६४ हजार हेक्टरवरील सोयाबीन, ज्वारी, कापूस, उडिद, मूग या पिकांचे नुकसान झाले आहे. मराठवाड्यात सर्वाधिक नुकसान झालेल्या जिल्ह्यात नांदेडचा समावेश असूनही केंद्राच्या पथकाने नांदेडकडे पाठ फिरविल्याने शेतकऱ्यांनी नाराजी व्यक्त केली आहे.

नांदेडमध्ये  जून ते ऑक्टोबर कालावधीत अतिवृष्टी, पुरामुळे सोळा तालुक्यांतील ७ लाख ४४ हजार शेतकऱ्यांच्या ५ लाख ६४ हजार ५१९ हेक्टरवरील खरीप पिकांचे नुकसान झाले. यात जिरायती क्षेत्रातील ५ लाख ६३ हजार ४०९ हेक्टर, बागायती क्षेत्रातील ७०० हेक्टर व ४०९ हेक्टरवरील फळपिकांचे ३३ टक्क्यांपेक्षा अधिक नुकसान झाल्याचा अहवाल कळविला होता. त्यामुळे शेतकऱ्यांना ५६५ कोटी रुपयाच्या भरपाईची मागणी जिल्हा प्रशासनाने शासनाकडे केली आहे. यातील २८२ कोटींचा हप्ता जिल्ह्याला प्राप्त झाल्यामुळे त्याचे वाटप सध्या होत आहे.

दरम्यान केंद्र शासनाने नुकसानीची पाहणी करण्यासाठी उच्च पदस्थ अधिकाऱ्यांच्या पथकाला मराठवाड्यात पाचारण केले होते. या पथकाने औरंगाबाद, जालना आदी जिल्ह्यांना भेट देऊन पाहणी केली. या नंतर हे पथक मराठवाड्यात सर्वाधिक नुकसान झालेल्या नांदेड येथे येऊन पाहणी करेल, अशी आशा शेतकऱ्यांना होती. परंतु हे पथक विदर्भात गेले. यामुळे नांदेडमधील शेतकऱ्यांनी नाराजी व्यक्त केली आहे.

पीकविम्या बाबतही नाराजी
जिल्ह्यात साडेनऊ लाख अर्जदारांनी खरिपासाठी पीकविमा भरला आहे. अतिवृष्टी तसेच परतीच्या पावसामुळे खरिपात पिकांचे मोठ्या प्रमाणात नुकसान झाले. या बाबत शेतकऱ्यांना वैयक्तिक नुकसानीबाबत विम्याचा परतावा अपेक्षेनुसार मिळाला नाही. यामुळे शेतकऱ्यांनी सरसकट पीकविमा मिळावा, अशी मागणी करीत धरणे आंदोलन केले आहे. या बाबत राजकीय पक्षांसह शेतकरी संघटनाही या आंदोलनात उतरल्या आहेत. कंपनीकडून मात्र पीक कापणी प्रयोगाच्या निष्कर्षानुसार उत्पादकता जाहीर झाल्यानंतर विम्याबाबत निर्णय होईल, असे कळविले आहे.

अतिवृष्टीमुळे पिकांचे मोठ्या प्रमाणात नुकसान झाल्यामुळे हाती काही लागले नाही. केंद्राचे पथक आले असले तर त्यांच्यापुढे व्यथा मांडता आल्या असत्या. परंतु पथकाने पाठ फिरविल्यामुळे आमचा हिरमोड झाला आहे.
- सदाशिव पाटील, शेतकरी, बेनाळ (ता. मुखेड)


इतर ताज्या घडामोडी
सोयाबीन पेंडची आयात शुल्काविना करावीनागपूर : भारतात सोयाबीन पेंडचे दर गगनाला...
दूधदरात पुन्हा दोन रुपयांची कपातनगर ः कोरोना संसर्ग वरचेवर वाढत असल्याने लॉकडाउन...
देशातील पहिले कृषी निर्यात मार्गदर्शन...पुणे ः राज्यातील शेतकरी व उदयोन्मुख...
उत्तर भारतातील कापूस लागवड पूर्णत्वाकडेजळगाव ः देशात उत्तर भारतातील कापूस लागवडीने वेग...
कृषी खात्यातील बदल्या लांबणीवरपुणे ः ऐन कोरोना कालावधीत बदल्यांचा घाट रचलेल्या...
खाद्यतेल दरात गतवर्षीपेक्षा ८० टक्के वाढनागपूर : शेंगदाण्याची निर्यात तसेच पाम तेलावरील...
पूर्व विदर्भात ४५ लाख क्विंटल धान खराब...गोंदिया : भात उत्पादक पूर्व विदर्भातील पाच...
पशुवैद्यक करणार घरपोच सेवा बंदनागपूर : पशुवैद्यकांना फ्रंटलाइन वर्कर्स व कोरोना...
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...