agriculture news in Marathi, Central team at Lasalgaon for review of Onion, Maharashtra | Agrowon

कांदा दरस्थिती आढाव्यासाठी केंद्राचे शिष्टमंडळ लासलगावी

टीम अॅग्रोवन
रविवार, 22 सप्टेंबर 2019

नाशिक : कांदा दर, आवक स्थितीचा आढावा घेण्यासाठी केंद्र सरकारच्या शिष्टमंडळाने लासलगाव कृषी उत्पन्न बाजार समितीत शुक्रवारी (ता. २०) बैठक घेतली. या बैठकीविषयी शेतकऱ्यांत तीव्र प्रतिक्रिया उमटल्या असून, जेव्हा बाजारभाव पडतो तेव्हा असे शिष्टमंडळ का येत नाही? सरकारने सध्याच्या बाजार दरात कोणताही हस्तक्षेप करू नये, अशा प्रतिक्रिया शेतकऱ्यांनी व्यक्त केल्या आहेत. 

नाशिक : कांदा दर, आवक स्थितीचा आढावा घेण्यासाठी केंद्र सरकारच्या शिष्टमंडळाने लासलगाव कृषी उत्पन्न बाजार समितीत शुक्रवारी (ता. २०) बैठक घेतली. या बैठकीविषयी शेतकऱ्यांत तीव्र प्रतिक्रिया उमटल्या असून, जेव्हा बाजारभाव पडतो तेव्हा असे शिष्टमंडळ का येत नाही? सरकारने सध्याच्या बाजार दरात कोणताही हस्तक्षेप करू नये, अशा प्रतिक्रिया शेतकऱ्यांनी व्यक्त केल्या आहेत. 

गेल्या सप्ताहापासून कांदादरात वाढ होत असल्याने नेमके कारण काय असावे? प्रमुख बाजार समित्यांमध्ये विक्रीसाठी किती कांदा येतो? शिल्लक कांदा किती आहे? याचा अभ्यास करण्यासाठी केंद्रीय शेतकरी कल्याण मंत्रालय व ग्राहक संरक्षण मंत्रालयाच्या शिष्टमंडळाने भेट देऊन बैठक घेतली. 

या शिष्टमंडळामध्ये अन्न व सार्वजनिक वितरण मंत्रालयाचे ग्राहक व्यवहार विभागाचे संचालक अभय कुमार, कृषी व शेतकरी कल्याण मंत्रालयाचे साहाय्यक संचालक पंकज कुमार, एमआईडीएचचे मुख्य संचालक आर. पी. गुप्ता, महाराष्ट्र राज्याच्या फलोत्पादन विभागाचे सहसंचालक शिरीष जमधडे, राज्य पणन महामंडळाचे प्रभारी उपसरव्यवस्थापक बहाद्दूर देशमुख, जिल्हा पणन अधिकारी श्री. जगताप यांच्यासह जिल्ह्यातील कृषी विभागाचे अधिकारी यांचा सहभाग होता. 

देशभरात कांदा भाववाढीचे चित्र जरी रंगविले जात असले, तरी उपलब्ध कांद्याच्या तुलनेत बाजारभाव हा संयुक्तिक नाही, असे शेतकऱ्यांचे म्हणणे आहे, त्यामुळे मोठा आर्थिक लाभ होतोय हा समज चुकीचा असल्याचे शेतकऱ्यांनी सांगितले. सरकारने ग्राहकांचा विचार करताना चुकीचा निर्णय घेऊ नये व कांदा उत्पादक शेतकऱ्यांना अडचणीत आणू नये अशी अपेक्षा शेतकऱ्यांनी केली आहे. 

कांदा दरावर नियंत्रणासाठी केंद्र सरकारने २००० मेट्रिक टन कांदा आयात करणे आणि निर्यातीवर प्रतिमेट्रिक टन ८५० डॉलर किमान निर्यात मूल्य दर केले, मात्र त्याचा बाजारावर परिणाम झाला नाही. यानंतर कांदा स्थितीचा आढावा घेण्यासाठी केंद्र सरकारचे शिष्टमंडळ येथे आले. 

कांदा खाणाऱ्यांचा नाही, तर पिकवणाऱ्यांचासुद्धा सरकारने विचार करावा, जेव्हा कांदा मातीमोल होतो तेव्हा हे शिष्टमंडळ कोठे भूमिगत झाले होते, अशा संतप्त प्रतिक्रिया लासलगाव बाजारातील कांदा उत्पादकांनी व्यक्त केल्या.

...हे होते भेटीतील प्रमुख विषय : 

  •     कांदा बाजारभावात झालेली अचानक दरवाढ
  •     भविष्यातील कांद्याच्या बाजारभावाची स्थिती
  •     शेतकऱ्यांकडे शिल्लक असलेला कांदा 
  •     नवीन कांदा बाजारात कधी येणार 
  •     नवीन कांदा लागवडीची स्थिती
  •     बाजार समितीमध्ये होणारी कांद्याची आवक
  •     देशांतर्गत वाढलेली कांद्याची मागणी
  •     किमान निर्यात मूल्य वाढल्यानंतर कांदा दराची स्थिती 
  •     नवीन कांदा बाजारात येईपर्यंत जुन्या कांद्याने मागणी पूर्ण होऊ शकेल का? 
  •     नाफेडची कांदा खरेदी
  •     नाफेडमार्फत होणारा कांदा वितरण व पुरवठा
  •     लासलगाव येथील कांद्याची लिलाव पद्धत
तारीख आवक किमान  कमाल    सरासरी
१९ सप्टेंबर १२११७   १५००      ५१००    ४००१
२० सप्टेंबर  १०५००  १५००    ४५०० ४०००
२१ सप्टेंबर २३००   १२०० ४३६०      ४१००

  


इतर अॅग्रो विशेष
बंदीची प्रक्रिया हवी  सुटसुटीत अन्...केंद्र सरकारने १८ मे रोजी २७ कीडनाशकांच्या बंदीचा...
कृषिसेवक भरतीतील गैरव्यवहारावर पांघरूण...पुणे : राज्यात २०१६ मध्ये झालेल्या कृषिसेवक भरती...
कोकण, विदर्भात मुसळधारेचा इशारा पुणे ः मध्य प्रदेश व परिसराच्या वायव्य भागात कमी...
संपूर्ण नियमनमुक्तीची अंमलबजावणी करापुणे:  सर्वच शेतमालाच्या संपूर्ण...
बाजार समिती कायद्यात बदल करण्याची मागणीपुणे: शेतमालाच्या संपूर्ण नियमनमुक्तीच्या...
भाजपच्या दूध आंदोलनापासून ‘संघर्ष समिती...नगर ः दुधाच्या दरासाठी सातत्याने आग्रही राहून...
मागण्या मान्य होईपर्यंत आंदोलन सुरु...मुंबई: दूध उत्पादकांच्या मागण्या मान्य होईपर्यंत...
बीटी कपाशी बियाणे अप्रमाणित ...अकोला ः या हंगामात बाजारपेठेत विक्रीसाठी आणलेल्या...
'नाबार्ड’चा व्यवस्थापक नसल्यास अग्रणी...पुणे: कृषी पायाभूत निधी योजनेला प्रत्येक...
देशातील जलसंपत्तीची माहिती आता एका...पुणे ः केंद्रीय जलशक्ती मंत्रालयाने देशभरातील...
भाजीपाला रोपांच्या मागणीत वाढकोल्हापूर: कोविडच्या संकटामुळे थांबलेल्या नव्या...
वऱ्हाडात जोरदार, मराठवाड्यात सर्वदूर...पुणे ः राज्यात पावसाने पुन्हा जोर धरण्यास सुरुवात...
`सीसीआय`कडून सहा कोटी क्विंटल कापूस...नागपूर : कॉटन असोसिएशन ऑफ इंडियाकडून (सीसीआय)...
अकरा ‘सेन्सर्स’ सह ‘वेदर स्टेशन’ द्वारे...वडाळी नजीक (ता.निफाड, जि. नाशिक) येथील रोशन...
सदोष बियाण्यांत शेतकरी दोषी कसा? सोयाबीनच्या सदोष बियाण्यांचा विषय यंदा...
बियाणे दहशतवाद गंभीरच!तणनाशक सहनशील अवैध एचटीबीटी कापूस बियाण्याच्या...
कोकण, विदर्भात जोरदार पावसाची शक्यता पुणे : मध्य महाराष्ट्र व विदर्भात पावसासाठी...
मराठवाड्यात कपाशी लागवडीत सव्वा लाख...औरंगाबाद : मराठवाड्यात सर्वसाधारण क्षेत्राच्या...
सूक्ष्म सिंचन प्रस्तावांना पूर्वसंमतीची...अकोला ः  कोरोनामुळे उद्भवलेल्या परिस्थितीचा...
साडेतीन हजार शेतकऱ्यांना शेतमाल तारण...पुणे ः शेतमालाच्या काढणीनंतर बाजारपेठेत एकाचवेळी...