सोलापूर ः कोरोनाच्या वाढत्या संसर्गाच्या पार्श्वभूमीवर पंढरपुरातील श्री विठ्ठल-रुक्मिणी मंदिर समितीने आषाढी प्रमाणेच चैत्री यात्राही प्रतिकात्मक व मर्यादित स्वरूपात साजरी करण्याचा निर्णय घेतला आहे, अशी माहिती मंदिर समितीचे सहअध्यक्ष गहिनीनाथ महाराज औसेकर यांनी दिली.
चैत्री यात्रेसंदर्भात मंदिर समितीच्या औसेकर महाराज यांच्या अध्यक्षतेखाली नुकतीच ऑनलाइन बैठक झाली. या वर्षी चैत्री यात्रेचा सोहळा १७ ते २७ एप्रिलदरम्यान होणार आहे. चैत्री यात्रेचा मुख्य दिवस म्हणजे कामदा एकादशी २३ एप्रिल रोजी आहे. पण कोरोनामुळे ३० एप्रिलपर्यंत राज्य शासनाने कडक निर्बंध लागू केले आहेत. तसेच संचारबंदीही घोषित केली आहे. त्यामुळे सध्या मंदिर भाविकांना दर्शनासाठी बंद आहे.
आता पुढे यात्रा कालावधीतही मंदिर बंद राहणार आहे. या काळात श्रींचे नित्योपचार परंपरेनुसार सुरू राहतील. तर चैत्री यात्रेतील परंपरा जोपसण्यासाठी २३ एप्रिलला मंदिर समितीच्या कर्मचाऱ्यांद्वारे प्रतिकात्मक व मर्यादित स्वरूपात महापूजा व अन्य धार्मिक विधी होतील, असे औसेकर महाराज म्हणाले. या बैठकीला कार्यकारी अधिकारी विठ्ठल जोशी, सदस्य शकुंतला नडगिरे, डॉ. दिनेशकुमार कदम आदी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.