agriculture news in marathi, chandrakant patil appointed as a bjp's state president, mumbai, pune | Agrowon

भाजपच्या प्रदेशाध्यक्षपदी चंद्रकांत पाटील

टीम अॅग्रोवन
बुधवार, 17 जुलै 2019

मुंबई  : भाजपचे ज्येष्ठ नेते, मंत्री चंद्रकांत पाटील यांची भाजपच्या प्रदेशाध्यक्षपदी निवड करण्यात आली आहे. भाजपचे राष्ट्रीय महासचिव अरुण सिंह यांनी श्री. पाटील यांच्या नियुक्तीची घोषणा केली. पाटील यांची प्रदेशाध्यक्षपदी निवड झाल्यामुळे राज्यात आगामी विधानसभा निवडणूक भाजप मुख्यमंत्री देवेंद्र फडणवीस आणि चंद्रकांत पाटील यांच्या नेतृत्वात लढवणार हे निश्चित झाले आहे. विधानसभा निवडणुकीच्या पार्श्वभूमीवर भाजपने मुंबईच्या अध्यक्षपदाची जबाबदारी मंगलप्रभात लोढा यांच्यावर सोपवली आहे. 

मुंबई  : भाजपचे ज्येष्ठ नेते, मंत्री चंद्रकांत पाटील यांची भाजपच्या प्रदेशाध्यक्षपदी निवड करण्यात आली आहे. भाजपचे राष्ट्रीय महासचिव अरुण सिंह यांनी श्री. पाटील यांच्या नियुक्तीची घोषणा केली. पाटील यांची प्रदेशाध्यक्षपदी निवड झाल्यामुळे राज्यात आगामी विधानसभा निवडणूक भाजप मुख्यमंत्री देवेंद्र फडणवीस आणि चंद्रकांत पाटील यांच्या नेतृत्वात लढवणार हे निश्चित झाले आहे. विधानसभा निवडणुकीच्या पार्श्वभूमीवर भाजपने मुंबईच्या अध्यक्षपदाची जबाबदारी मंगलप्रभात लोढा यांच्यावर सोपवली आहे. 

रावसाहेब दानवे यांच्यानंतर प्रदेशाध्यक्षपदासाठी चंद्रकांत पाटील यांचे नाव आघाडीवर होते. नुकत्याच आटोपलेल्या लोकसभा निवडणुकीत चंद्रकांत पाटील यांनी पश्चिम महाराष्ट्रामध्ये भाजपला यश मिळवून देण्यासाठी कंबर कसली होती. तसेच बारामती येथे सुप्रिया सुळे यांच्याविरोधात तगडा उमेदवार उभा करून राष्ट्रवादी काँग्रेसची त्यांच्याच बालेकिल्ल्यात कोंडी केली होती. पाटील यांच्या रणनीतीमुळे भाजपला लोकसभा निवडणुकीत पश्चिम महाराष्ट्रात लक्षणीय यश मिळाले होते.

चंद्रकांत पाटील यांची महाराष्ट्र प्रदेशाध्यक्षपदी निवड करतानाच भाजपने स्वतंत्र देव सिंह यांची पक्षाच्या उत्तर प्रदेश प्रदेशाध्यक्षपदी निवड केली आहे. चंद्रकांत पाटील हे फडणवीस सरकारमधील दुसऱ्या क्रमांकाचे नेते मानले जातात. त्यांच्याकडे महसूल, सार्वजनिक बांधकाम (सार्वजनिक उपक्रम वगळून) या खात्यांचा कार्यभार आहे.

मे महिन्यात झालेल्या लोकसभा निवडणुकीत भाजपने दणदणीत विजय मिळवल्यानंतर रावसाहेब दानवे यांचा केंद्रीय मंत्रिमंडळात समावेश झाला होता. तेव्हापासूनच ते प्रदेशाध्यक्षपद सोडतील, अशी चर्चा होती. काही दिवसांपूर्वी झालेल्या राज्य मंत्रिमंडळ विस्तारात आशिष शेलार यांच्याकडे शालेय शिक्षण मंत्रालयाची जबाबदारी सोपवण्यात आली. त्यानंतर आता त्यांच्या जागी मंगलप्रभात लोढा यांची निवड करण्यात आली. या पदासाठी खासदार मनोज कोटक आणि आमदार योगेश सागर यांची नावे चर्चेत होती. राज्यात मराठा कार्ड खेळणाऱ्या भाजपने मुंबईत गुजराती, मारवाडी कार्ड वापरले आहे. येत्या विधानसभा निवडणुकीच्या पार्श्वभूमीवर भाजपने ही खेळी केल्याचे बोलले जात आहे.


इतर ताज्या घडामोडी
हुंडी चिठ्ठी, मायक्रो फायनान्स...अकोला  ः जिल्ह्यात हुंडी चिठ्ठी तसेच मायक्रो...
नाशिक येथे तीनदिवसीय पुष्पोत्सवाला...नाशिक  : प्रत्येकाच्या हक्काची तीन झाडं हवी...
न्हावी परिसरात मका पिकावर लष्करी अळीचा...न्हावी, जि. जळगाव ः न्हावीसह परिसरात मक्‍याची...
पोल्ट्री उद्योगाला हवा मदतीचा हातपुणे: बाजारभावातील नरमाईमुळे पोल्ट्री उद्योग...
हापूस निर्यातीसाठी निर्यातीसाठी पणन...रत्नागिरी ः निर्यातीत हापूसचा टक्का घसरत असून तो...
नीरा देवधर, गुंजवणीतून समन्यायी पाणीवाटपमुंबई ः नीरा देवघर व गुंजवणी धरणांचे कालवे...
तापमानवाढीचा धोका वेळीच ओळखावा लागेल:...औरंगाबाद: निसर्गाच्या दोलायमानतेत मानवी...
नगरमधील नऊ तालुक्यांत तेलबियांची पेरणीच...नगर ः तेलबियांची (गळीत धान्य) पेरणी वाढावी यासाठी...
सातारा जिल्ह्यात ५५ लाख क्विंटल...सातारा : जिल्ह्यात सध्या सुरू असलेल्या गाळपाची...
निर्यातबंदीमुळे कांदा फुगवटा;...पुणे: कांद्यावरील संपूर्ण निर्यातबंदी तातडीने...
खानदेशात कांदा लागवड १४ हजार हेक्‍टरवरजळगाव  ः खानदेशात रब्बी हंगामातील कांदा...
‘कर्जमुक्ती योजनेसाठी येणाऱ्या...अकोला  ः  महात्मा ज्योतिराव फुले शेतकरी...
द्राक्षपट्ट्यासह आदिवासी भागात खुलली...नाशिक  : स्ट्रॉबेरी लागवडीसाठी महाबळेश्वरची...
सांगलीत हळदीच्या उत्पादनात घटसांगली : जिल्ह्यात ऑगस्ट महिन्यात आलेला महापूर...
चांद्यात फ्लॉवरच्या निकृष्ट...नगर : तेलंगण राज्यातील एका बियाणे कंपनीचे...
'थेट जनतेतून सरपंच निवडीचा निर्णय कायम...सोलापूर  ः राज्य सरकारने थेट जनतेतून सरपंच...
औरंगाबाद जिल्ह्यातील टंचाई...औरंगाबाद : जिल्ह्यातील संभाव्य पाणीटंचाईचे...
लातूर विभागातील दोन हजार हेक्टरवर फळबाग...नांदेड : कृषीच्या लातूर विभागांतर्गतच्या परभणी,...
अकोला बाजार समितीचे गरजूंना पाठबळअकोला ः कृषी उत्पन्न बाजार समितीच्या पुढाकाराने...
उशिराच्या गव्हाला वाढत्या तापमानाचा...जळगाव  ः खानदेशात गहू पिकाची स्थिती...