agriculture news in marathi, Chandrapur faces highest temperature in country | Agrowon

चंद्रपूरमध्ये देशातील उच्चांकी तापमानाची नोंद

टीम अॅग्रोवन
शुक्रवार, 20 एप्रिल 2018

पुणे : गेल्या दोन ते तीन दिवसांपासून राज्यातील उकाड्यात सकाळपासून वाढ झाली आहे. कमाल तापमानाचा पारा चाळीस अंश सेल्सिअसच्या वर गेला आहे. विदर्भात उष्णतेची लाट कायम असल्याने उन्हाच्या झळा तीव्र झाल्या आहेत. गुरुवारी (ता. १९) सकाळी आठ वाजेपर्यंत विदर्भातील चंद्रपूरमध्ये ४५.४ अंश सेल्सिअसची देशातील उच्चांकी तापमानाची नोंद झाली आहे, असल्याचे हवामान विभागाच्या सूत्रांनी सांगितले.   

पुणे : गेल्या दोन ते तीन दिवसांपासून राज्यातील उकाड्यात सकाळपासून वाढ झाली आहे. कमाल तापमानाचा पारा चाळीस अंश सेल्सिअसच्या वर गेला आहे. विदर्भात उष्णतेची लाट कायम असल्याने उन्हाच्या झळा तीव्र झाल्या आहेत. गुरुवारी (ता. १९) सकाळी आठ वाजेपर्यंत विदर्भातील चंद्रपूरमध्ये ४५.४ अंश सेल्सिअसची देशातील उच्चांकी तापमानाची नोंद झाली आहे, असल्याचे हवामान विभागाच्या सूत्रांनी सांगितले.   

मार्च महिन्यात कोकणातील भिरा येथे ४५.६ अंश सेल्सिअसची उच्चांकी तापमानाची नोंद झाली होती. त्यानंतर दुसऱ्यांदा बुधवारी राज्यात ४५ अंश सेल्सिअसपर्यंत तापमानाचा पारा वाढला आहे. गेल्या दोन ते तीन दिवसांपूर्वी राज्यातील काही भागांत मेघगर्जनेसह जोरदार पाऊस झाला. त्यामुळे सकाळी दहा वाजल्यापासून उकाडा जाणवायला सुरवात होत आहे. दुपारी उन्हाच्या कडाक्यामुळे तापमानाच्या पाऱ्याने चाळीशी ओलांडली आहे.

विदर्भात सरासरीच्या तुलनेत कमाल तापमानात तीन अंश सेल्सिअसने वाढ झाली आहे. चंद्रपूरपाठोपाठ नागपुरातही कमाल तापमान ४३.२ अंशांवर होते. सकाळपासून तयार जाणवणाऱ्या उकाड्यामुळे कमाल तापमानाचा पारा चांगलाच वाढला आहे. परिणामी नागरिकांना सर्दीसारखे आजार उद्भवू लागले आहेत. विदर्भानंतर कोकणातील कमाल तापमान ३५ अंश सेल्सिअसच्या दरम्यान होते. मध्य महाराष्ट्रातील जळगाव येथे सर्वाधिक ४३.० अंश सेल्सिअस कमाल तापमान होते. मराठवाड्यातील परभणी येथे ४३.६ अंश सेल्सिअसची सर्वाधिक तापमानाची नोंद झाली आहे.   

कोकणचा दक्षिण भाग आणि गोव्याच्या परिसरात चक्राकार वाऱ्याची स्थिती तयार होत आहे. ही स्थिती समुद्रसपाटीपासून नऊशे मीटर उंचीवर आहे. तसेच हिंदी महासागर आणि मालदीवचा परिसर या भागातही कमी दाबाचे क्षेत्र तयार होत आहे.  कर्नाटक, रायलसीमा ते तमिळनाडूचा दक्षिण भाग या दरम्यान कमी दाबाचे क्षेत्र तयार होत आहे. त्याचा परिणाम राज्यातील हवामानावर होण्याची शक्यता आहे. त्यामुळे रविवारी (ता. २२) विदर्भातील काही भागांत मेघगर्जनेसह पाऊस पडण्याची शक्यता आहे. सोमवारी (ता. २३) मराठवाडा व विदर्भात तुरळक ठिकाणी सोसाट्याचा वारा सुटून मेघगर्जनेसह पाऊस पडण्याची शक्यता आहे. राज्याच्या उर्वरित भागात हवामान कोरडे राहील. आज आणि उद्या गोव्यासह संपूर्ण राज्यात हवामान कोरडे राहणार असले, तरी वातावरणात काही ऊन-सावल्यांचा खेळ सुरू राहणार असून, उकाड्यात वाढ होण्याची शक्यता आहे.

गुरुवारी (ता. १९) सकाळी आठ वाजेपर्यंतचे कमाल तापमान (अंश सेल्सिअस) : मुंबई (सांताक्रूझ) ३५.६, अलिबाग ३४.२, रत्नागिरी ३५.०, डहाणू ३५.०, पुणे ३८.६, जळगाव ४३.०, कोल्हापूर ३६.३, महाबळेश्वर ३३.५, मालेगाव ४२.२, नाशिक ३८.८, सांगली ३७.३, सातारा ३८.६, सोलापूर ४१.१, औरंगाबाद ३९.४, परभणी शहर ४३.६, अकोला ४४.०, अमरावती ४१.८, बुलडाणा ४०.२, ब्रह्मपुरी ४३.१, चंद्रपूर ४५.४, गोंदिया ४१.०, नागपूर ४३.२, वर्धा ४३.६, यवतमाळ ४२.५.


इतर अॅग्रो विशेष
सोयाबीन दर विक्रमी पातळी गाठण्याचे संकेतनवी दिल्ली : देशातील महत्त्वाच्या सोयाबीन...
`उज्ज्वला` योजनेत मोठा भ्रष्टाचारनवी दिल्ली (वृत्तसंस्था) : पंतप्रधान नरेंद्र मोदी...
गारठा पुन्हा वाढणारपुणे  ः राज्यात अंशतः ढगाळ हवामान असून...
पूरबाधित ऊस तोडीस कारखान्यांकडून टाळाटाळपुणे  ः राज्यातील गाळप हंगाम सुरू होऊन...
नाशिक जिल्ह्यात द्राक्षमणी पोखरणाऱ्या...नाशिक  : जिल्ह्यात द्राक्ष पीक फुलोरा व मणी...
मराठवाड्यातील ५५ प्रकल्प कोरडेचऔरंगाबाद : ऑक्‍टोबरमधील पावसाने दुष्काळाने...
पंजाबचे पशुपालक वापरतात सुधारित तंत्रलुधियाना (पंजाब) येथे प्रोग्रेसिव्ह डेअरी...
शेती, दुग्धव्यवसायाने बनविले...कोल्हापूर जिल्ह्यातील शेळेवाडी (ता. राधानगरी)...
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...