शेततळ्यासाठी शेतकऱ्यांना प्रोत्साहित करण्याची गरज ः ऊर्जामंत्री चंद्रशेखर बावनकुळे

उर्जामंत्री चंद्रशेखर बावनकुळे
उर्जामंत्री चंद्रशेखर बावनकुळे

नागपूर ः विकासाच्या संकल्पनांमध्ये रस्ते, नाले व इतर बाबींचा समावेश असतो. पण त्याआधी ग्रामपंचायत स्तरावर शेततळ्यांसाठी शेतकऱ्यांना प्रोत्साहित करण्याची गरज असल्याचे मत ऊर्जामंत्री चंद्रशेखर बावनकुळे यांनी व्यक्‍त केले.

महालगाव येथे त्यांच्या उपस्थितीत झालेल्या जनसंवाद कार्यक्रमात त्यांनी सरपंच, सचिवांना हे आवाहन केले. या वेळी कामठी विधानसभा प्रमुख रमेश चिकटे, मोबीन पटेल, राजकुमार घुले, सरपंच दीपाल चनेकर, उपसरपंच जिजाबाई निधान, शेषराव वानखेडे, नारायण मुळे, अंताराम ठाकरे, अनिल घोडमारे, भगवान निधान उपस्थित होते. 

या वेळी ऊर्जामंत्री यांनी नागरिकांच्या तक्रारी स्वीकारल्या. त्यानंतर त्या संबंधित विभागाच्या अधिकाऱ्यांकडे सोडवणूकीसाठी पाठविण्यात आल्या. या वेळी महालगाव आणि ११ गावांमध्ये झालेल्या कामांची माहिती अधिकाऱ्यांनी दिली. तहसीलदारांनी शेतकरी सन्मान योजनेविषयी सांगितले. वर्ग दोनची वर्ग एकमध्ये ११ गावांतील १२३२ शेतकऱ्यांची नोंदणी करण्यात आली. ३६९० नागरिकांना अन्नसुरक्षा योजनेचा लाभ मिळत आहे. तसेच पालकमंत्री पांदण रस्ते योजनेतून २६ रस्त्यांचे मातीकाम पूर्ण झाले आहे.

गटविकास अधिकाऱ्यांनी कामठी तालुक्‍यात राबविण्यात येणाऱ्या ५२ योजनांची माहिती दिली. सर्वसामान्य जनतेशी निगडित असलेल्या १६०० कुटुंबांना या योजनांचा लाभ मिळत असल्याचे सांगितले. वृक्षलागवडीसाठी ११ गावांत ३४०० रोपे देण्यात आली. नरेगा योजनेतून ३०० विहिरी पूर्ण करण्यात आल्या आहेत. सर्व शेतकऱ्यांनी पीकविमा योजनेचा लाभ घ्यावा. विम्याचे फक्‍त दोन टक्‍के प्रिमीयम शेतकऱ्याला भरायचे आहे. उर्वरित ९८ टक्‍के शासन भरणार आहे. त्यातून पिकांना संरक्षण मिळणार आहे. प्रत्येक ग्रामपंचायतींनी रेनवॉटर हार्वेस्टिंग करावे, अशी सूचनाही श्री. बावनकुळे यांनी केली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com