agriculture news in Marathi, chandrayaan 2 inter in moons orbit, Maharashtra | Agrowon

`चांद्रयान २' चंद्राच्या कक्षेत दाखल

वृत्तसेवा
गुरुवार, 22 ऑगस्ट 2019

नवी दिल्ली ः भारताची महत्त्वाकांक्षी चांद्रयान मोहीम सफलतेच्या मार्गावर असून ‘चांद्रयान २'ने मंगळवारी चंद्राच्या पहिल्या कक्षेत यशस्वीरीत्या प्रवेश केला. ‘इस्रो'च्या शास्त्रज्ञांनी मंगळवारी सकाळी ८.३० ते ९.३० च्या दरम्यान ‘चांद्रयान २'ला चंद्राची LBN#१ या कक्षेत पोचविले. 

नवी दिल्ली ः भारताची महत्त्वाकांक्षी चांद्रयान मोहीम सफलतेच्या मार्गावर असून ‘चांद्रयान २'ने मंगळवारी चंद्राच्या पहिल्या कक्षेत यशस्वीरीत्या प्रवेश केला. ‘इस्रो'च्या शास्त्रज्ञांनी मंगळवारी सकाळी ८.३० ते ९.३० च्या दरम्यान ‘चांद्रयान २'ला चंद्राची LBN#१ या कक्षेत पोचविले. 

‘चांद्रयान २' आता चंद्रापासून किमान ११८ किलोमीटर आणि कमाल १८०७८ किलोमीटर दूर असलेल्या अंडाकृती कक्षेत पुढील २४ तास फिरणार आहे. या दरम्यान चांद्रयानाचा वेग १०.९८ किलोमीटर प्रतिसेकंदावरून कमी करून १.९८ किलोमीटर प्रति सेकंदापर्यंत कमी केला आहे. चंद्राच्या गुरुत्वाकर्षणाच्या प्रभावाखाली येऊन चंद्राशी टक्कर होऊ नये म्हणून हा वेग कमी करण्यात आल्याचे सांगण्यात आले. 

‘चांद्रयान २'चा चंद्राच्या कक्षेत प्रवेश करणे हे ‘इस्रो'च्या शास्त्रज्ञांपुढे आव्हान होते. ७ सप्टेंबरला ‘चांद्रयान २' चंद्राच्या दक्षिण ध्रुवावर उतरेल. हे ऐतिहासिक घटनेचे थेट प्रक्षेपण पंतप्रधान नरेंद्र मोदी पाहण्याची शक्‍यता वर्तविली जात आहे. चांद्रयान चंद्राच्या कक्षेत पोचल्याने नरेंद्र मोदी यांनी ट्विट करून ‘इस्रो'च्या शास्त्रज्ञांचे अभिनंदन केले. 

हृदयाचे ठोके थांबले ः सिवन 
‘चांद्रयान २'ला चंद्राच्या कक्षेत स्थापन करण्याच्या वेळी आमच्या हृदयाचे ठोके जणू थांबले होते,' अशा शब्दांत भारतीय अंतराळ संशोधन संस्थेचे (इस्रो) अध्यक्ष के सिवन यांनी पत्रकारांशी बोलताना व्यक्त केल्या. ‘चांद्रयान २'ने चंद्राच्या कक्षेत प्रवेश केला. भारतीय शास्त्रज्ञांच्या या यशस्वी कामगिरीनंतर सिवन यांनी पत्रकारांशी संवाद साधला. 

चंद्रावर स्वारीचे टप्पे 

  • ‘चांद्रयान २' १ सप्टेंबरपर्यंत चंद्राच्या चारही बाजूंनी चार वेळा कक्षा बदलेल 
  • २१ ऑगस्ट रोजी दुपारी साडेबारा ते दीड या वेळेत, २८ ऑगस्टला पहाटे साडेपाच ते साडेसहा, ३० ऑगस्ट व १ सप्टेंबरला सायंकाळी सहा ते सात या वेळेत कक्षा बदलली जाईल 
  • २ सप्टेंबर रोजी यानापासून विक्रम लॅंडर आणि प्रज्ञान रोव्हर वेगळे होतील 
  • चंद्राभोवती दोन फेऱ्या मारल्यानंतर विक्रम लॅंडर आणि प्रज्ञान रोव्हर ७ सप्टेंबरला चंद्राच्या दक्षिण ध्रुवावर उतरेल 
  • ‘विक्रम' आणि ‘प्रज्ञान' चंद्राच्या पृष्ठभागावर उतरून प्रयोग सुरू करतील 
  • ऑर्बिटर सुमारे एक वर्ष चंद्राला फेऱ्या मारीत संशोधन करेल 
  • चंद्राच्या कक्षेत सर्व बदल केल्यानंतर ऑर्बिटर दोन वर्षे काम करू शकेल एवढे इंधन उरलेले असेल. मात्र ७ सप्टेंबरनंतर याबाबत निर्णय घेण्यात येईल.

इतर बातम्या
कृषी पायाभूत सुविधांसाठी एक लाख कोटींचा...नवी दिल्ली: केंद्र सरकारने शेतमाल काढणीपश्‍चात...
औरंगाबादमध्ये निम्म्याच शेतकऱ्यांची मका...औरंगाबाद  : जिल्ह्यात आधारभूत किमतीने भरड...
वऱ्हाडातील शेतकऱ्यांचा सोयाबीनकडे अधिक...अकोला ः खरिपातील पेरण्या अंतिम टप्प्यात पोचल्या...
औरंगाबाद जिल्ह्यात आठवड्यात १५१ खत कृषी...औरंगाबाद : ‘‘कृषी विभाग व जिल्हा परिषद...
नांदेड, परभणी, हिंगोलीतील १२४ मंडळांत...नांदेड  ः नांदेड, परभणी, हिंगोली जिल्ह्यातील...
दुभत्या जनावरांच्या किमतीतही चाळीस...नगर ः दुधाचे दर कमी-जास्ती झाले की दुभत्या...
‘कृषी अधिकारीच म्हणतात, खतांसंदर्भात...पुणे ः शेतकऱ्यांना खतांची टंचाई भासत आहे. कृषी...
सिंधुदुर्गात मुसळधार सुरूच, पुरस्थिती...सिंधुदुर्ग  ः जिल्ह्यात मुसळधार पाऊस सुरूच...
कोल्हापुरातील छोटे प्रकल्प भरू लागलेकोल्हापूर :  जिल्ह्याच्या पश्चिम भागात पाऊस...
हमाल, मापाडी तोलणारांचे प्रश्‍न सोडवा ः...पुणे ः राज्यातील अनेक भागांत हमाल तोलाईदारांना...
रत्नागिरीत नऊ हजार हेक्टरवर फळबाग...रत्नागिरी  ः कोरोनाच्या सावटातही जिल्ह्यात...
फळपीक विमा योजना शेतकऱ्यांसाठी की कंपन्...नगर : नवीन निकषांप्रमाणे फळपीक विमा योजनेचा लाभ...
‘सारथी’ बंद होणार नाही, आठ कोटींचा निधी...मुंबई : राज्य सरकारने मराठी तरुणांच्या व्यावसायिक...
खते, बी- बियाणे विक्रेत्यांची दुकाने...कोल्हापूर : निकृष्ट बियाणे प्रकरणी बियाणे...
हिंगोली जिल्ह्यात आतापर्यंत ७१.२० टक्के...हिंगोली : जिल्ह्यात यंदाच्या खरीप हंगामात बुधवार...
वऱ्हाडातील अडीच हजारांवर कृषी...अकोला ः कृषी विक्रेत्यांच्या विविध मागण्यांसाठी...
कृषी योजनांचे उद्दिष्ट तीन...नगर ः कृषी विभागातून शेतकऱ्यांसाठी देण्यात...
सोलापूर जिल्ह्याच्या वाट्याला ५६७ कोटी...सोलापूर : महात्मा जोतिराव फुले शेतकरी कर्जमुक्ती...
पीकपद्धतीमधील बदल अधिक लाभदायक ः...अकोला ः रासायनिक खतांचा अवाजवी वापर, मशागतीच्या...
सोलापुरात निकृष्ट सोयाबीन...सोलापूर  ः जिल्ह्यात निकृष्ठ सोयाबीनबाबत...