agriculture news in Marathi, Change the system of permission of subsidy application, Maharashtra | Page 2 ||| Agrowon

अनुदान अर्जांच्या पूर्वसंमतीची पद्धत बदला: डाॅ. अनिल बोंडे
टीम अॅग्रोवन
मंगळवार, 17 सप्टेंबर 2019

पुणे : राज्यातील शेतकऱ्यांची गैरसोय टाळण्यासाठी अनुदान अर्ज पूर्वसंमतीची सध्याची पद्धत बदलण्याचे आदेश कृषिमंत्री डॉ. अनिल बोंडे यांनी दिले आहेत.

पुणे : राज्यातील शेतकऱ्यांची गैरसोय टाळण्यासाठी अनुदान अर्ज पूर्वसंमतीची सध्याची पद्धत बदलण्याचे आदेश कृषिमंत्री डॉ. अनिल बोंडे यांनी दिले आहेत.

राज्य शासनाच्या विविध योजना, निधी आणि शेतकऱ्यांचे अर्जदेखील उपलब्ध असताना निधी पडून राहतोच कसा, असा मुद्दा गेल्या काही दिवसांपासून चर्चेत आहे. शेतकरी अर्ज करतात. त्याला पूर्वसंमती देण्याचे काम अधिकारी वर्गाचे असते. मात्र, अधिकारी वेळेत कामे करीत नसल्याने हा गोंधळ होत असल्याचे वृत्त ‘ॲग्रोवन’मधून रविवारी (ता. १५) प्रसिद्ध झाले. याबाबत प्रतिक्रिया व्यक्त करताना कृषिमंत्री डॉ. बोंडे यांनी पूर्वसंमती पारंपरिक पद्धत बदलणार असल्याचे स्पष्ट केले.

अनुदान अर्जांना पूर्वसंमती देण्याची सध्याची पद्धत सदोष आहे. अर्जदार शेतकरी ताटकळत बसतात. यामुळे भविष्यात पूर्वसंमती जलद आणि पारदर्शक करण्याचे आमचे प्रयत्न आहेत. त्यासाठी महाडीबीटी पोर्टलची मदत घेतली जाईल,’’ असे कृषिमंत्री म्हणाले. शेतकरी मुदतीत अनुदानासाठी अर्ज करतात. मात्र, अधिकारी वर्ग मुदतीत पूर्वसंमती देत नाहीत. या विलंबासाठी विविध कारणे पुढे करून वेळ मारून नेली जाते.  राज्य सरकार या समस्येवर कसा तोडगा काढणार, असे विचारले असता कृषिमंत्री डॉ. बोंडे यांनी खुलासेवार माहिती दिली.

‘‘शेतकऱ्याने अर्ज केल्यानंतर अनुदानास तो पात्र असल्यास किमान ३० दिवसांच्या आत ऑनलाइन पद्धतीने पूर्वसंमती आपोआप मिळालीच पाहिजे, अशी पद्धत आम्ही सुरू करणार आहोत. पूर्वसंमतीनंतर मोका तपासणीचा मुद्दा येतो. ही तपासणीदेखील १५ दिवसांत करावी व पुढील १५ दिवसांत शेतकऱ्यांच्या थेट बँक खात्यांत अनुदान जमा व्हावे, अशी नवी पद्धत लागू करण्याचा आमचा प्रयत्न राहील. या समस्येबाबत पुढील काही दिवसात कामकाजात काही चांगले बदल दिसून येतील,’’ असा दावा डॉ. बोंडे यांनी केला. ‘‘सध्या पूर्वसंमतीअभावी किती अर्ज रखडलेले आहेत, याचा आकडा माझ्याकडे नाही.

मात्र, सर्व अर्जांना मान्यता देण्याचे आदेश आम्ही दिले आहेत. अर्थात, या प्रक्रियेत मानवी कामकाजाचा (मॅन्युयल वर्क) समावेश आहे. त्यामुळे आता पूर्वसंमती दिली तरी शेतकरी तातडीने लगेच सर्व कामे करू शकतील, अशी स्थिती नाही. उदाहरणार्थ शेततळे, विहीर खोदाई अशी कामे लगेच होणार नाहीत,’’ असे ते म्हणाले.

“पूर्वसंमती प्रक्रियेत काही बाबी वेळेत झाल्याचे दाखविता येतात. ट्रॅक्टर, रोटाव्हेटर किंवा औजारे या बाबी दाखविता येतील. मात्र, पावसाळ्यात शेततळे खोदता येणारच नाही. पावसामुळे ड्रिपदेखील कोणी घेणार नाही किंवा बसविता येणार नाही. पण महाडीबीटीच्या माध्यमातून पूर्वसंमती प्रक्रियेत पारदर्शकता आणि जबाबदारी वाढविण्यात येईल,” असेही ते म्हणाले.

आमदार म्हणून मलाही संघर्ष करावा लागला
योजना व पैसा असूनही शेतकऱ्यांचे अनुदान मागणी अर्ज मंजूर का होत नाहीत, असा मुद्दा उपस्थित केला जात असतो. त्यासाठी मलादेखील आमदार म्हणून संघर्ष करावा लागला. या कामासाठी एक पोर्टल अत्यावश्यक आहे. पोर्टलवर शेतकऱ्याचा आधार, पॅन, सातबारा किंवा इतर कोणतीही अत्यावश्यक माहिती असावी. योजनेसाठी पात्र असल्यास शेतकऱ्याचा अर्ज तात्काळ मंजूर व्हावा, असे माझे म्हणणे होते. आता मात्र ही संकल्पना आम्ही प्रत्यक्षात राबवून दाखवू, असेही कृषिमंत्र्यांनी स्पष्ट केले.

इतर बातम्या
विदर्भातून मॉन्सून परतला  पुणे : नैर्ऋत्य मोसमी वाऱ्यांनी (मॉन्सून)...
झेंडू उत्पादक प्रतिकूल हवामानामुळे...ढेबेवाडी, जि. सातारा   : पावसाळी हवामान...
नगर : शेतकऱ्यांना लष्करी अळीचा...नगर  ः खरिपात लष्करी अळीमुळे ७० टक्के...
सरकारची दादागिरी थांबवण्याची वेळ आली...नगर  : सरकार ‘ईडी’ आणि इतर संस्थांच्या...
गुरुवारपासून पुन्हा वादळी पावसाचा इशारापुणे : राज्यात वादळी पावसाने काहीशी उसंत घेतली...
शेतकऱ्यांच्या समस्या सुटण्यासाठी मूलभूत...वणी, जि. यवतमाळ   ः सिंचन सुविधात वाढ...
भाजप, शिवसेना जनतेला फसवतेय ः अशोक...भोकर, जि. नांदेड   ः भाजप आणि शिवसेनेची...
कांदा दरात घसरणीने शेतकऱ्यांत तीव्र...नाशिक : गेल्या आठवड्यात कांदा बाजारात ४५०...
राज्यातील कांदा उत्पादकांना ५५० कोटींचा...नाशिक ः दसरा-दिवाळीच्या तोंडावर कांद्याला चांगला...
...तर देशातील वस्त्रोद्योग क्षेत्र...नाशिक : मोदी सरकार प्रादेशिक व्यापक आर्थिक...
‘ती’चा गावगाड्याला मिळतोय आधारसोलापूर : चूल अन्‌ मूल या मर्यादेला बगल देत महिला...
कृषी आयुक्तांनी केली पीक कापणी...नगर  ः हमीदपूर (ता. नगर) येथे सुरू असलेल्या...
एसटी बसमधील ‘वायफाय’ सेवा बंदजळगाव ः राज्य परिवहन महामंडळाने (एसटी) प्रवाशांना...
संशोधन केंद्राने दिले अवजारे दुरुस्तीचे...चंद्रपूर ः शेतकऱ्यांकडील बरीच कृषी अवजारे देखभाल...
डोंगरपायथ्याच्या भातपिकांवर रोगांचा...सिंधुदुर्ग ः ऊन-पाऊस, ढगाळ वातावरण यामुळे...
मंचर बाजारात मागणीअभावी बटाटा वाणाची...मंचर, जि. पुणे  : येथील बटाटा बाजारपेठेवर...
नगर जिल्ह्यात खरिपात पीक कापणीचे...नगर  ः खरिपातील पिकांची उत्पादकता निश्चित...
नगरचे पाणी बीड नेणार ही फक्त अफवा ः...नगर  : मुळा धरणातून बीडला पाणी नेणार, हा...
शेतीमाल विक्रीसाठी तीन जिल्ह्यांतील...नांदेड : नांदेड, परभणी, हिंगोली जिल्ह्यात किंमत...
नाशिक जिल्ह्यात पावसाचा टोमॅटो पिकाला...नाशिक: जिल्ह्यात मागील दोन आठवड्यांत झालेल्या...