हुंडी चिठ्ठी, मायक्रो फायनान्स कंपन्यांचे व्यवहार तपासा ः पालकमंत्री कडू

हुंडी चिठ्ठी, मायक्रो फायनान्स कंपन्यांचे व्यवहार तपासा ः पालकमंत्री कडू
हुंडी चिठ्ठी, मायक्रो फायनान्स कंपन्यांचे व्यवहार तपासा ः पालकमंत्री कडू

अकोला  ः जिल्ह्यात हुंडी चिठ्ठी तसेच मायक्रो फायनान्स कंपन्यांमार्फत देण्यात येणारे कर्ज व त्याची होणारी नियमबाह्य अव्वाच्या सव्वा वसुलीबाबत अनेक तक्रारी आहेत. या तक्रारींच्या अनुषंगाने हुंडी चिठ्ठी व मायक्रो फायनान्स कंपन्यांचे व्यवहार तपासावेत, असे निर्देश राज्यमंत्री तथा जिल्ह्याचे पालकमंत्री बच्चू कडू यांनी येथे दिले. येथील जिल्हाधिकारी कार्यालयात आज यासंदर्भात आढावा बैठक घेण्यात आली. या वेळी जिल्हाधिकारी जितेंद्र पापळकर, पोलीस अधीक्षक अमोघ गावकर, जिल्हा परिषदेचे प्रभारी मुख्य कार्यकारी अधिकारी डॉ. सुभाष पवार, निवासी उपजिल्हाधिकारी संजय खडसे, जिल्हा उपनिबंधक सहकारी संस्था डॉ. प्रवीण लोखंडे, जिल्हा अग्रणी बॅंकेचे व्यवस्थापक आलोक तारेनिया तसेच अन्य विभागप्रमुख उपस्थित होते. या वेळी शेतकऱ्यांना हुंडीचिठ्ठीद्वारे कर्ज देऊन त्याची अव्वाच्या सव्वा वसुली केली जात असल्याच्या तक्रारी निदर्शनास आल्या आहेत. याबाबत जिल्हा उपनिबंधकांनी अहवाल सादर केला. त्यावर कडू यांनी निर्देश देत, तक्रारींच्या अनुषंगाने कारवाई करताना झालेल्या व्यवहाराच्या अनुषंगाने जमीन व अन्य प्रकारची काही खरेदीचे व्यवहार झाले असल्यास त्याचीही तपासणी करावी. तसेच मायक्रो फायनान्स कंपन्यांचे व्यवहारही तपासावेत.  प्राप्त तक्रारींच्या कारवाईचा अहवालही सादर करावा, असेही निर्देश दिले. सिंचन प्रकल्पांचा आढावा  पूर्णा बॅरेज-२ (नेरधामणा) मध्यम प्रकल्प ता. तेल्हारा, उमा बॅरेज मध्यम प्रकल्प (ता.मूर्तिजापूर), घुंगशी बॅरेज मध्यम प्रकल्प (ता. मूर्तिजापूर),काटेपूर्णा बॅरेज प्रकल्प, कवठा बॅरेज प्रकल्प (ता. बाळापूर), शहापूर बृहत लघू प्रकल्प (ता. अकोट) या अपूर्ण प्रकल्पांपैकी लवकर पूर्ण होऊ शकणाऱ्या प्रकल्पांबाबत वरिष्ठ पातळीवर बैठकीचे नियोजन करण्याच्या सूचना श्री. कडू यांनी  दिल्या.‍

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com