बैलांची धावण्याची क्षमता तपासणार

संग्रहित छायाचित्र
संग्रहित छायाचित्र

पुणे : सर्वोच्च न्यायालयाच्या निरीक्षणानुसार, बैलाची शरीररचना विचारात घेता, बैल हा प्राणी घोड्याप्रमाणे शर्यतीमध्ये धावण्यास सक्षम नाही, असे नमूद करीत मुंबई उच्च न्यायालयाने राज्यात बैलगाडा शर्यतीवर बंदी घातली आहे. त्यामुळे या शर्यती पुन्हा सुरू करण्यासाठी बैलांच्या धावण्याची क्षमता तपासण्यासाठी राज्य सरकारच्या पशुसंवर्धन विभागाने दहा सदस्यीय समिती स्थापन केली आहे.

राज्यातील ग्रामीण भागांमध्ये बैलगाडा शर्यत हा स्थानिक उत्सव, जत्रा आणि धार्मिक यात्रांमध्ये उपक्रम असतो. बैलगाडा असणे हे प्रतिष्ठेचे लक्षण मानले जाते. यात्रा उत्सवांमध्येही बैलगाडा शर्यतींना परंपरा, रूढी आणि धार्मिक सोहळ्याचे स्वरूप मानले जाते. त्यामुळे बैलगाडा शर्यतींच्या आयोजनामध्ये परवानगी देण्यासाठी केंद्र सरकारच्या प्राण्यांना क्रूरतेने वागवण्यास प्रतिबंध करण्याबाबतच्या अधिनियमात सुधारणा करण्यात आल्या.

मात्र या सुधारणांविरोधात ‘भारतीय जीवजंतू कल्याण मंडळा’ने २०१४ मध्ये सर्वोच्च न्यायालयात दाखल केलेल्या याचिकेच्या सुनावणीमध्ये अंतिम निर्णय देताना, ‘बैल हा घोड्यासारखा कार्यकौशल्य प्रदर्शित करणारा प्राणी नाही. बैलाची शरीररचना विचारात घेता, तो शर्यतीमध्ये धावण्यास सक्षम नाही,’ असे निरीक्षण नोंदविले होते.

त्याच्या आधारे उच्च न्यायालयाने राज्यात बैलगाडा शर्यतीला परवानगी नाकारली आहे. त्यामुळे राज्याच्या पशुसंवर्धन विभागाने २ नोव्हेंबर रोजी अतिरिक्त आयुक्त डॉ. डी. एम. चव्हाण यांच्या अध्यक्षतेखाली नऊ तज्ज्ञांची समिती स्थापन केली आहे.

या समितीने राज्य, देश व तसेच परदेशातील पशुवैद्यकशास्त्र तज्ज्ञांची मदत घेऊन एक महिन्यात हा अहवाल राज्य सरकारला सादर करण्याचे आदेश देण्यात आले आहेत.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com