सांगलीतील नागवेलीच्या पानांना मागणी वाढली

सांगली : कोरोना विषाणूमुळे परराज्यातून येणाऱ्या नागवेलीच्या पानांची आवक ठप्प झाल्याने सांगली जिल्ह्यातील पानांना मागणी वाढली आहे. परंतु बाजारपेठेतील दराचा कल आणि बंद वाहतूक व्यवस्थेमुळे शेतकऱ्यांसमोर अडचणी निर्माण झाल्या आहेत.

सांगली जिल्ह्यात सुमारे ६००एकर पानमळ्यांचे क्षेत्र आहे. मिरज पूर्व भागात सर्वाधिक पानमळे आहेत. या भागातील आरग, बेडग, नरवाड, लिगणूर या गावात मोठी बाजार पेठ आहे. इथली नागवेल संपूर्ण राज्यासह परराज्यात येथील जातात. डिसेंबर ते फेब्रुवारी या तीन महिन्याच्या कालावधीत वेलांची उतरण करून पुन्हा नवीन पान कापणी येते. सध्या वाढती उष्णता असल्याने त्याच्या वाढीवर परिणाम होऊ लागला आहे.

गेल्या पंधरा दिवसापासून देशात कोरोना विषाणूने थैमान घातले आहे. यामुळे संपूर्ण देश बंद आहे. देशासह राज्यातील वाहतूक सुविधादेखील बंद करण्यात आली आहे. त्यामुळे परराज्यातील नागवेल वाहतूक थांबली आहे. सध्या जिल्ह्यातील आगाप पानाची कापणी सुरू झाली आहे. ही पाने कोकणात विक्री केली जाते आहे. त्यामुळे शेतकèयांना दिलासा मिळाला आहे. परंतु दराचा कल अजूनही व्यापाऱ्यांनी गुलदस्त्यात ठेवल्याने शेतकरी दराची प्रतीक्षा करू लागला आहे. ... कोकणात मागणी मिरज पूर्व भागातील पानांचे सौदे संध्याकाळी होतात. त्यानंतर खासगी गाडीने राज्यासह इतर राज्यात पाठवले जातात. सध्या कोकणात मागणी असल्याने तेथील व्यापारी वाहतूक परवाना घेऊन थेट जागेवर खरेदी केली जात असल्याने शेतकऱ्यांना दिलासा मिळाला आहे. ... खतांची कृत्रिम टंचाई पानमळ्यासाठी दर्जेदार पाने तयार आणण्याकरिता शेंग पेंड, करंजी पेंड, लिंबोळी पेंड, यासह विविध प्रकारची जैविक औषधांची गरज असते. परंतु सध्या देश बंद आहे. तसेच औषध तयार करणाऱ्या कंपन्यांत औषध निर्मिती देखील बंद आहे. त्यामुळे जिल्ह्यातील कृषी निविष्ठा केंद्रात ही औषधे उपलब्ध नाही. परिणामी नागवेलीच्या फूटवा कमी येत आहे. त्यामुळे पानांच्या उत्पादनात घट होण्याची शक्यता आहे. ... प्रतिक्रिया... सध्या पानाची कापणी सुरू झाली आहे. हळूहळू विक्री देखील सुरू झाली आहे. परंतु नागवेलीच्या दराबाबत व्यापाऱ्यांनी कोणतीही भूमिका स्पष्ट केली नाही. त्यामुळे आम्ही दराच्या प्रतीक्षेत आहे. कोरोनाच्या पाश्र्वर्भूमीवर वाहतूक व्यवस्था सुरू करावी.  - चंद्रकात खाडे, बेडग, ता. मिरज.