agriculture news in Marathi chief minister says loan waiver scheme will be implemented Maharashtra | Agrowon

कर्जमाफीचा शब्द पाळू ः मुख्यमंत्री

टीम अॅग्रोवन
रविवार, 19 जानेवारी 2020

इस्लामपूर, जि. सांगली ः कर्जमाफीचा आम्ही दिलेला शब्द खरा करू. दोन लाखांपर्यंत माफी आहेच; परंतु नियमित कर्जदारांसह दोन लाखांच्या वर कर्ज असणाऱ्या शेतकऱ्यांना न्याय देऊ. जे जास्त अडचणीत आहेत अगोदर त्यांना दिलासा देऊन मग इतर शेतकऱ्यांबाबत निर्णय घेऊ. ही फक्त घोषणा नाही, आमचा शब्द आहे, अशी ग्वाही मुख्यमंत्री उद्धव ठाकरे यांनी शुक्रवारी (ता. १७) इस्लामपूर (ता. वाळवा) येथे दिली. 

इस्लामपूर, जि. सांगली ः कर्जमाफीचा आम्ही दिलेला शब्द खरा करू. दोन लाखांपर्यंत माफी आहेच; परंतु नियमित कर्जदारांसह दोन लाखांच्या वर कर्ज असणाऱ्या शेतकऱ्यांना न्याय देऊ. जे जास्त अडचणीत आहेत अगोदर त्यांना दिलासा देऊन मग इतर शेतकऱ्यांबाबत निर्णय घेऊ. ही फक्त घोषणा नाही, आमचा शब्द आहे, अशी ग्वाही मुख्यमंत्री उद्धव ठाकरे यांनी शुक्रवारी (ता. १७) इस्लामपूर (ता. वाळवा) येथे दिली. 

इस्लामपूर येथील १४ कोटी रुपये खर्चून उभारलेल्या नूतन तहसील कार्यालयाच्या इमारत उद्‌घाटन सोहळ्यात ते बोलत होते. सांगली जिल्ह्याचे पालकमंत्री जयंत पाटील, सहकारमंत्री बाळासाहेब पाटील, ग्रामविकासमंत्री हसन मुश्रीफ, गृह राज्यमंत्री शंभूराज देसाई, परिवहन व माहिती तंत्रज्ञान राज्यमंत्री सतेज पाटील, सहकार व कृषी राज्यमंत्री विश्‍वजित कदम, खासदार धैर्यशील माने, आमदार मानसिंगराव नाईक, सुमनताई पाटील, अनिल बाबर, माजी मंत्री अण्णासाहेब डांगे, आनंदराव पवार प्रमुख उपस्थित होते. राजारामबापूंची दुर्मीळ छायाचित्रे असलेल्या दिनदर्शिकेचे प्रकाशन मुख्यमंत्र्यांच्या हस्ते झाले. 

मुख्यमंत्री ठाकरे म्हणाले, ‘‘शेतकरी मर मर मरतो, कष्ट करतो; पण तरीही त्याला दाम मिळत नसेल, तर त्याने काय करावे? महापुराच्या सुनामीत आभाळ फाटले, घरे वाहून गेली. प्रचंड नुकसान झाले. सरकार तेव्हाही होते आणि आताही आहे. सरकारची पालकत्वाची भूमिका असते. केंद्र सरकार मात्र पालकत्वाची भूमिका पाळताना दिसत नाही. जनतेसाठी आम्ही मदत मागत असताना केंद्र सरकार जाणीवपूर्वक दुजाभाव करीत आहे. पूरक म्हणून पशुधन जगवणे महत्त्वाचे आहे. पशुधन शेतकऱ्याचे कुटुंब आहे. ते टिकवण्यासाठी महाराष्ट्रात आम्ही फिरते पशुचिकित्सालय सुरू करू.’’

जलसंपदामंत्री जयंत पाटील म्हणाले, ‘‘राज्यातील उद्योजकांना एकत्र करून काहीही झाले तरी गुंतवणूक महाराष्ट्रातच करा, आम्ही सगळी ताकद देऊ असा दिलासा दिला आहे. राज्यातील बेकारीच्या गंभीर प्रश्‍नावर मात करण्यासाठी प्रयत्न सुरू आहेत.

जिल्हा बॅंकेचे अध्यक्ष दिलीप पाटील, राजारामबापू बॅंकेचे अध्यक्ष प्रा. श्‍यामराव पाटील, दूध संघाचे अध्यक्ष विनायकराव पाटील, सभापती शुभांगी पाटील, कारखान्याचे अध्यक्ष पी. आर. पाटील, संग्राम पाटील, मुख्य कार्यकारी अधिकारी अभिजित राऊत, तहसीलदार रवींद्र सबनीस, गटविकास अधिकारी शशिकांत शिंदे, उपस्थित होते. जिल्हाधिकारी अभिजित चौधरी यांनी स्वागत केले. प्रांताधिकारी नागेश पाटील यांनी आभार मानले.

कडकनाथप्रकरणी निवेदन
कडकनाथ घोटाळाप्रकरणी मुख्यमंत्र्यांनी स्वतः लक्ष घालून शेतकऱ्यांना न्याय मिळवून द्यावा, अशी मागणी आज कडकनाथ कोंबडीपालक संघर्ष समितीने मुख्यमंत्री उद्धव ठाकरे यांच्याकडे केली. दिग्विजय पाटील यांच्यासह कार्यकर्ते उपस्थित होते, तर उमेश कुरळपकर व त्यांच्या सहकाऱ्यांनी मराठा क्रांती मोर्चातर्फे निवेदन देत मराठा आरक्षण कायद्यात अडसर ठरतील, अशा त्रुटी दूर करून त्याची कायदेशीर बाजू मांडावी व प्रभावी अंमलबजावणी करावी, अशी मागणी केली आहे.


इतर अॅग्रो विशेष
एक लाख लोकांना सुरक्षितस्थळी हलविले मुंबई: निसर्ग चक्रीवादळामुळे नुकसान होऊ नये...
टोळधाड मध्यप्रदेशात, ड्रोन पोचला...नागपूर ः गेल्या दहा दिवसांपासून विदर्भातील...
प्रवाह सुरळीत झाल्यानंतर मॉन्सूनची...पुणे : नैर्ऋत्य मोसमी वारे (मॉन्सून) सोमवारी (ता....
वादळी वाऱ्यासह पावसाची हजेरी पुणे: अरबी समुद्रात आलेल्या निसर्ग चक्रीवादळाचा...
‘निसर्ग’चे किनारपट्टीलगत थैमानपुणे : अरबी समुद्रात महाराष्ट्राच्या किनाऱ्यालगत...
कमी पावसाच्या प्रदेशात रुजल्या...औरंगाबाद जिल्ह्यातील इतिहास प्रसिद्ध दौलताबाद...
शास्त्रीय तंत्राद्वारे वाढवली कांद्याची...अवर्षणग्रस्त येवला तालुक्यातील (जि. नाशिक)...
पडीक जमिनीत फुलवली साडेतीन हजार झाडांची...माहुळंगे (ता. देवगड, जि. सिंधुदुर्ग) येथील अनिल...
‘निसर्ग’चक्रीवादळ अलिबागनजीक...पुणे : अरबी समुद्रात महाराष्ट्राच्या किनाऱ्यालगत...
चक्रीवादळ अलिबागजवळ १ ते ३च्या दरम्यान...पुणे : अरबी समुद्रात महाराष्ट्राच्या किनाऱ्यालगत...
दीडपट 'एमएसपी' म्हणजे निव्वळ धूळफेक :...पुणे: मोदी सरकारने खरिपासाठी जाहीर केलेल्या किमान...
टोळधाडीवर दोन दिवसात नियंत्रण मिळविणार नागपूर ः पूर्व विदर्भातील जिल्ह्यांमध्ये गेल्या...
‘निसर्ग’ चक्रीवादळ आज अलिबागजवळ धडकणार पुणे : अरबी समुद्रात महाराष्ट्र, कर्नाटकच्या...
मॉन्सून कर्नाटकात आज धडकणारपुणे : नैर्ऋत्य मोसमी वारे (मॉन्सून) सोमवारी (ता....
बॅंकांसाठी आठ-अ, फेरफार उतारे थेट...पुणे: सातबारा संगणकीकरण उपक्रमाला लॉकडाउनमुळे...
कोकण, मध्य महाराष्ट्र, मराठवाड्यात पाऊस पुणे: अरबी समुद्रात तयार झालेल्या ‘निसर्ग’...
‘निसर्ग’चक्रीवादळाची तीव्रता वाढली;...पुणे : अरबी समुद्रात महाराष्ट्र, कर्नाटकच्या...
अल्पमुदतीच्या कृषिकर्ज फेडीस...नवी दिल्ली : तीन लाखांपर्यंतच्या अल्पमुदतीच्या...
हमीभाव जाहीर : कपाशीत २६०, सोयाबीनमध्ये...नवी दिल्ली : केंद्र सरकारने खरीप २०२०-२१करिताचे...