agriculture news in marathi, chief ministers says maratha reservation will be given, nagpur, maharashtra | Agrowon

मराठा आरक्षणासाठी सरकार कटिबद्ध : मुख्यमंत्री

टीम अॅग्रोवन
शुक्रवार, 20 जुलै 2018

नागपूर : मराठा समाजाला शिक्षण आणि सरकारी नोकरीत आरक्षण मिळावे म्हणून राज्य सरकार कटिबद्ध असल्याची ग्वाही मुख्यमंत्री देवेंद्र फडणवीस यांनी गुरुवारी (ता. १९) विधानसभेत दिली. सरकारी सेवेतील ७२ हजार पदे भरताना न्यायालयाकडून मराठा आरक्षणाचा निर्णय झाला नाही, तर १६ टक्के अनुशेष समजून पदे भरली जातील, असे आश्वासनही श्री. फडणवीस यांनी दिले.

नागपूर : मराठा समाजाला शिक्षण आणि सरकारी नोकरीत आरक्षण मिळावे म्हणून राज्य सरकार कटिबद्ध असल्याची ग्वाही मुख्यमंत्री देवेंद्र फडणवीस यांनी गुरुवारी (ता. १९) विधानसभेत दिली. सरकारी सेवेतील ७२ हजार पदे भरताना न्यायालयाकडून मराठा आरक्षणाचा निर्णय झाला नाही, तर १६ टक्के अनुशेष समजून पदे भरली जातील, असे आश्वासनही श्री. फडणवीस यांनी दिले.

धनगर समाजाच्या आरक्षणाबाबत टाटा समाज विज्ञान संस्थेने सर्वंकष सर्वेक्षण केले आहे. त्यांचा अहवाल कोणत्याही क्षणी सादर होईल. अहवाल प्राप्त झाल्यानंतर अहवालानुरूप केंद्र सरकारला शिफारशी केल्या जातील, असेही फडणवीस यांनी स्पष्ट केले. आरक्षणाच्या प्रश्नाचे कुणी राजकारण करू नये. राजकारणासाठी आणि संघर्षासाठी आपल्याला १०० जागा मिळतील. मात्र, लाखो वारकरी आणि भाविक जेथे येतात, त्या पंढरपुरात आंदोलन करण्याची गरज नाही. वारकऱ्यांना त्रास होईल अशा प्रकारची कृती कुणीही करू नये, असे आवाहन मुख्यमंत्र्यांनी केले.

आरक्षणाच्या मागणीसाठी मराठा आणि धनगर समाजाने पुन्हा आंदोलन सुरू केले आहे. आरक्षणाचा निर्णय न झाल्यास सोमवारी (ता. २३) आषाढी एकादशीच्या दिवशी मुख्यमंत्र्यांना शासकीय पूजा करू दिली जाणार नाही, असा इशारा आंदोलकांनी दिला आहे. यापार्श्वभूमीवर गुरुवारी विधानसभेत विरोधी पक्षनेते राधाकृष्ण विखे- पाटील यांनी स्थगन प्रस्तावाची सूचना मांडून आरक्षणाचा मुद्दा लावून धरला. मराठा आणि धनगर आरक्षणात सरकार चालढकल करीत असल्याचा आरोप विखे- पाटील यांनी केला. या वेळी काँग्रेस आणि राष्ट्रवादीच्या आमदारांनी घोषणाबाजी करत अध्यक्षांच्या समोरील मोकळ्या जागेत धाव घेतली. या गोंधळामुळे सभागृहाचे कामकाज तीनवेळा तहकूब करावे लागले.

विरोधी पक्षाने उपस्थित केलेल्या आरक्षणाच्या मुद्द्यावर देवेंद्र फडणवीस यांनी सरकारची भूमिका मांडली.  मराठा समाजाला शिक्षण आणि नोकरीत, तर धनगर समाजाला अनुसूचित जमातीचे आरक्षण मिळावे म्हणून सरकारने गेल्या चार वर्षांत केलेल्या प्रयत्नांची माहिती फडणवीस यांनी दिली. मराठा आरक्षणासाठी राज्य मागासवर्ग आयोग गठित करावा आणि आयोगाच्या अहवालामार्फत आरक्षणाची भूमिका मांडावी, असे उच्च न्यायालयाने सांगितले आहे. त्यानुसार आयोग गठित झाला असून, आयोगाने जनसुनावणी घेण्याचे काम सुरू केले आहे. आयोगाच्या अहवालानंतर मराठा आरक्षणाचा निर्णय न्यायालयामार्फत होईल. हा निर्णय वेगाने व्हावा म्हणून सरकार प्रयत्नशील आहे, त्यासाठी न्यायालयात भक्कमपणे बाजू मांडली जाईल, असे फडणवीस यांनी सांगितले.


इतर ताज्या घडामोडी
पुणे विभागात गव्हाचा १ लाख ६८ हजार...पुणे  ः पुणे विभागात गव्हाच्या पेरण्या...
खासदार औद्योगिक महोत्सवाच्या माध्यमातून...नागपूर  ः खासदार औद्योगिक महोत्सवाच्या...
अकोला कृषी विद्यापीठात विद्यार्थ्यांचे...अकोला  : ‘कृषी’चे पदव्युत्तर शिक्षण हे...
तीन जिल्ह्यांत तूर विक्रीसाठी २९...नांदेड  ः मराठवाड्यातील नांदेड, परभणी,...
आळसंद येथील पशुवैद्यकीय दवाखाना उद्‌...आळसंद, जि. सांगली : आळसंद (ता. खानापूर) येथे...
तीन जिल्ह्यांत सतरा लाख ४१ हजार क्विंटल...नांदेड  ः नांदेड, परभणी, हिंगोली जिल्ह्यांत...
जावळी तालुक्यात वन्यप्राण्यांकडून... मेढा, जि. सातारा : जावळी तालुक्‍यात...
कातळावरील गोड्या पाण्यातील मत्स्यशेतीचा...सिंधुदुर्ग : जिल्ह्यातील कांदळगाव (ता. मालवण)...
सुरक्षित प्रवासासाठी प्रवाशांना सुविधा...नाशिक : प्रवाशांना अधिकाधिक सुविधा देऊन त्यांचा...
महाशिवरात्रीनिमित्त पुण्यात रताळी,...पुणे  ः गुलटेकडी येथील पुणे कृषी उत्पन्न...
बदलत्या हवामानात कृषी जैवविविधतेचे...संयुक्त राष्ट्रसंघाच्या कृषी जैवविविधता आणि अन्न...
हरितगृह वायू कोणते?मागील लेखामध्ये हरितगृह परिणाम म्हणजे काय, ते आपण...
जागतिक तापमानवाढीवर हरितगृह वायूंचा...सध्या सर्वत्र तापमानवाढीची चर्चा असली, तरी...
गिरणा परिसरात कांदा लागवडीकडे कलमेहुणबारे, जि. जळगाव  ः चाळीसगाव तालुक्‍यात...
घराघरांत पोचणार नळ कनेक्‍शन, बसणार मीटर...जळगाव  : जिल्ह्यात ग्रामीण भागातील जनतेला...
जळगाव जिल्ह्यात कर्जमुक्ती योजनेतून...जळगाव : राज्यातील महाविकास आघाडी शासनाने महात्मा...
शेतकऱ्यांना सन्मानपूर्वक कर्जमुक्तीचा...अकोला ः शेतकरी कर्जदार नसून तो भूमीचा राजा आहे....
केंद्राच्या पथकाकडून लासलगावला कांदा...नाशिक  : कांद्याचे घसरते बाजार भाव पाहता...
`रेशीम प्रकल्पाच्या मंजुरीसाठी...औरंगाबाद : राज्यातील रेशीम उद्योगाच्या एकूणच...
अमरावती येथे जिल्हा परिषद अधिकाऱ्यांना...अमरावती ः जिल्हा परिषदेत आठवड्यातील दोन दिवस...