agriculture news in marathi, china is big costumer for Indian yarn, Maharashtra | Agrowon

भारतीय सुताचा चीन सर्वांत मोठा खरेदीदार

चंद्रकांत जाधव
शुक्रवार, 27 जुलै 2018

सुताची मागणी चांगली असल्याने दर स्थिर आहेत. कोम्ब्ड (३०) सुताला सर्वच देशांकडून मागणी आहे. मागील हंगामात दर्जेदार कापूस पुरवठ्यासंबंधी अडथळे असतानाही सूतगिरण्यांनी आपले तंत्रज्ञान, सातत्य यातून चांगले उत्पादन घेतले असून, भारत यंदा जगातिल दुसऱ्या क्रमांकाचा सूत उत्पादन असणार आहे. 
- दीपकभाई पाटील, अध्यक्ष, लोकनायक जयप्रकाश नारायण सहकारी सूतगिरणी (शहादा, जि. नंदुरबार) 
 

जळगाव ः चीनने भारतीय रुईसह सुताला पसंतीक्रम कायम ठेवला असून, आयात सुरू ठेवली आहे. अर्थातच चीन यंदा भारतीय सुताचा सर्वात मोठा खरेदीदार ठरण्याची शक्‍यता आहे. यंदा भारतात सुमारे पाच हजार कोटी किलोग्रॅम सुताचे उत्पादन हमखास येईल, अशी स्थिती आहे. सूत निर्मितीसाठी रुईची मागणी चांगली असल्याने रुईचे दर काहीसे वाढले आहेत. रुई व सुताच्या बाजार स्थिर असल्याचे बाजारपेठ विश्‍लेषकांचे म्हणणे आहे. 

भारतीय टेक्‍सटाईल काउंसिलने जारी केलेल्या माहितीनुसार भारतीने यंदा (२०१७-१८) ३४२४ दशलक्ष डॉलरच्या सुताची निर्यात केली आहे. सर्वाधिक निर्यात चीनमध्ये झाली आहे. यापाठोपाठ बांगलादेश, पाकिस्तानात निर्यात झाली आहे. यातील पाकिस्तान व चीन हे देश भारताचे शत्रू मानले जातात. पण याच देशांमध्ये सर्वाधिक सूत निर्यात झाली आहे. रुईच्या उत्पादनात यंदा भारत जगात पहिल्या क्रमांकाचा देश बनला आहे. तर सुताच्या उत्पादनात चीन भारताच्या पुढे आहे.

चीनमध्ये सात हजार कोटी किलो सुताचे उत्पादन झाल्याचा अंदाज आहे. यापाठोपाठ भारतात उत्पादन झाले असून, जगात भारत दुसऱ्या क्रमांकाचा सूत उत्पादक ठरला आहे. 
कापूस पुरवठ्यासंबंधी अडचणी असताना भारतात सुताचे उत्पादन यंदा वाढल्याचे समोर आले आहे. एकूण उत्पादनातील ३० टक्के सूत निर्यात एकट्या चीनमध्ये होईल. निर्यात ड्युटी फ्री असल्याने कुठलीही अडचण नाही.

गिरण्यांची धडधड सुरू असून, सुताचे दर महिनाभरापासून स्थिर आहेत. कोम्ब्ड (३०) सुताला २०५ रुपये प्रतिकिलोचा दर आहे. सूत मागणी वाढल्याने रुईची गरजही कायम आहे. परिणामी खंडीचे (३५६ किलो रुई) दर ५०० रुपयांनी वधारले आहेत. ४८००० रुपयांपर्यंत खंडीचे दर आहेत. मागील महिन्यात हे दर ४६५०० ते ४७५०० रुपयांपर्यंत होते. 

दाक्षिणात्य व उत्तरेकडील कापड उद्योगाला सुताची गरज कायम आहे. कारण मागील हिवाळ्यात उत्तरेकडे कापडासंबंधीचे लघू उद्योग सुरू झाले. प्रतिमहिना २७ लाख गाठींची (एक गाठ १७० किलो रुई) सूतगिरण्यांना भासत आहे. सुताचे दर वाढत आहेत. सोबतच रुईलाही मागणी कायम आहे. अशात बाजार स्थिर आहे. डॉलर तेजीत असल्याचा लाभ निर्यातीसंबंधी होत आहे. सध्यातरी सर्वच गिरण्या व्यवस्थित कार्यरत असल्याचे सांगण्यात आले. 

 चीनमध्ये कापूस उत्पादन कमी, पण सूत उत्पादन अधिक
चीनमध्ये सरत्या हंगामात सुमारे ३५० लाख गाठी कापूस उत्पादन आले. परंतु चीनकडे ४०० लाख गाठींचा संरक्षित (बफर) साठा होता. यातील गाठींचा वापर तेथील गिरण्यांनी केला. हा साठा संपत असतानाच अमेरिकेकडून (युएसए) आयात वाढविली. अमेरिकेशी व्यापार युद्ध सुरू झाल्यानंतर चीनने भारतीय कापसाचा पर्याय शोधला. सूत व रुईचा मोठा आयातदार देश असल्याने चीनची सूत उत्पादनातील आघाडी कायम ठेवली असल्याचे सांगण्यात आले. 

 चीनमध्ये कापूस उत्पादन कमी, पण सूत उत्पादन अधिक
चीनमध्ये सरत्या हंगामात सुमारे ३५० लाख गाठी कापूस उत्पादन आले. परंतु चीनकडे ४०० लाख गाठींचा संरक्षित (बफर) साठा होता. यातील गाठींचा वापर तेथील गिरण्यांनी केला. हा साठा संपत असतानाच अमेरिकेकडून (युएसए) आयात वाढविली. अमेरिकेशी व्यापार युद्ध सुरू झाल्यानंतर चीनने भारतीय कापसाचा पर्याय शोधला. सूत व रुईचा मोठा आयातदार देश असल्याने चीनची सूत उत्पादनातील आघाडी कायम ठेवली असल्याचे सांगण्यात आले. 

सूत उत्पादनातील ठळक बाबी (कोटी किलोग्रॅम)
चीनमधील उत्पादन
सात हजार 

भारतीय उत्पादन 
पाच हजार 

बांगलादेश
सुमारे दोन हजार 
 


इतर अॅग्रो विशेष
कोकणात जोरदार पावसाची शक्यता पुणे  अरबी समुद्रातून होत असलेला...
मुंबईसह, कोकणात दमदार पाऊसपुणे : कोकण किनारपट्टीलगतच्या समुद्रात...
राज्यातील शिल्लक कापसाविषयी संभ्रम नागपूरः राज्यात कापसाच्या शिल्लक साठ्याविषयी...
पीकविम्याच्या साइटवरून चार गावांची...बुलडाणा ः संग्रामपूर तालुक्यातील काही गावांतील...
पुणे जिल्हा परिषदेची ‘हर घर गोठे- घर घर...पुणे : महात्मा गांधी राष्ट्रीय ग्रामीण रोजगार हमी...
पंचनाम्याची प्रक्रिया संशयास्पद :...पुणे: राज्यातील सोयाबीन बियाणे उगवणीबाबत...
टाळेबंदीतही कारखान्यांकडून ९७ टक्के...कोल्हापूर: टाळेबंदीच्या संकटामध्येही यंदा...
थेट भाजीपाला विक्रीतून शेती झाली सक्षमथेट ग्राहकांना शेतीमाल विक्रीसाठी शेतकरी स्वतःहून...
जीएम पिके- भारतात धोरण कोंडी कधी फुटणार?भारतात बीजी थ्री, एचटीबीटी कपाशी, बीटी वांगे या...
सिंधुदुर्ग, रत्नागिरीला पावसाने झोडपलेसिंधुदुर्ग :  सिंधुदुर्ग जिल्ह्यात मुसळधार...
तेरा बियाणे कंपन्यांवर अखेर फौजदारी...पुणे : राज्यातील शेतकऱ्यांना निकृष्ट बियाणे...
मुंबईत पावसाची दमदार हजेरी; आज...मुंबई : मुंबईतील अनेक भागांत शुक्रवार (ता.३...
वाढत्या तणावात कापसाच्या होताहेत वातीचालू हंगामातील कापूस वेचणी दोन ते अडीच महिन्यांत...
बाजारपेठा काबीज करण्याची हीच संधीको रोनाच्या वैश्‍विक संकटाशी लढताना जगातील अनेक ...
जिल्हा बॅंकांची थकबाकी २३ हजार कोटींवरसोलापूर : राज्यात कर्जमाफी योजना लागू असली, तरी...
कृषी पदविका, तंत्रनिकेतनच्या अंतिम...पुणे  : राज्यातील कृषी पदविका व तंत्रनिकेतन...
भारतीय अन्न महामंडळाबाबतचा शांता कुमार...पुणे : भारतीय अन्न महामंडळाची (एफसीआय) उपयुक्तता...
पंधरा हजार कोटींची शेतीमाल निर्यात...पुणे : जागतिक कृषी उत्पादनाच्या नकाशावर बलाढ्य...
सिंधुदुर्ग, रत्नागिरीत पावसाचा जोरपुणे  : मॉन्सूनचे आगमन झाल्यानंतर कोकणात दडी...
शेतकऱ्यांनी घोषणापत्र न दिल्यास बँका...पुणे  : खरीप विमा योजनेत सहभागी होण्यासाठी...