Agriculture news in Marathi China's huge investment in Bangladesh's textile industry | Page 2 ||| Agrowon

बांगलादेशच्या वस्त्रोद्योगात चीनची मोठी गुंतवणूक

टीम अॅग्रोवन
गुरुवार, 5 नोव्हेंबर 2020

भारतीय कापसाचा सर्वांत मोठा खरेदीदार म्हणून बांगलादेश समोर आला आहे. यंदा बांगलादेशात सुमारे ३० लाख गाठींची (एक गाठ १७० किलो रुई) निर्यात होण्याची शक्यता जाणकारांनी व्यक्त केली आहे. 

जळगाव ः भारतीय कापसाचा सर्वांत मोठा खरेदीदार म्हणून बांगलादेश समोर आला आहे. यंदा बांगलादेशात सुमारे ३० लाख गाठींची (एक गाठ १७० किलो रुई) निर्यात होण्याची शक्यता जाणकारांनी व्यक्त केली आहे. याशिवाय गेल्या पाच ते सात वर्षांत चीनने बांगलादेशातील वस्त्रोद्योगात गुंतवणूक वाढविल्याची माहितीदेखील मिळाली आहे.

चीननंतर बांगलादेशातील कापड उद्योग मोठा आहे. जगात उत्पादित होणाऱ्या कापडात ५२ टक्के कापड पॉलिस्टरचे असते. पॉलिस्टर व इतर कापडाचे उत्पादनही बांगलादेशात घेतले जाते.

चीनमध्ये दरवर्षी सात हजार कोटी किलोग्रॅम सुताचे उत्पादन घेतले जाते. यानंतर भारतात सुमारे पाच ते साडेपाच हजार कोटी किलोग्रॅम सूत उत्पादन घेतले जाते. चीन जगातला क्रमांक एकचा कापड, सूत उत्पादक देश आहे. यानंतर भारत, व्हीएतनाम, बांगलादेश या देशांचे काम वस्त्रोद्योगात आघाडीवर आहे.

कापसाची लागवडच नाही
बांगलादेश वस्त्रोद्योगात आघाडीवर आहे. परंतु बांगलादेशात कापसाची कुठलीही लागवड होत नाही. बांगलादेशला दरवर्षी १०० लाख गाठींची आयात करावी लागते. तर यासोबत सुताचीदेखील बांगलादेश आयात करतो. भारतीय सुताचा सर्वांत मोठा खरेदीदार चीन आहे. यानंतर व्हिएतनाम व बांगलादेशात भारतीय सुताची निर्यात केली जाते. बांगलादेशात सूतगिरण्यांची संख्या गेल्या सात ते आठ वर्षांत झपाट्याने वाढली आहे. तेथे ढाका वस्त्रोद्योगासाठी प्रसिद्ध असून, ढाकानजीक नारायणगंज भागात सूतगिरण्यांची मोठी संख्या आहे, अशी माहिती मिळाली. बांगलादेशातील वस्त्रोद्योग तेथील नागरिकांसाठी रोजगाराचे मोठे साधनही बनला आहे. तेथे सुमारे सव्वा कोटी नागरिक वस्त्रोद्योग व त्याच्याशी संबंधित रोजगारावर अवलंबून आहेत.

भारतातून जेवढ्या गाठींची निर्यात गेल्या दोन वर्षात झाली आहे, त्यातील ४० ते ५० टक्के गाठींची आयात बांगलादेशने केली आहे. बांगलादेशला भारतीय कापूस जगात गेले दोन वर्षे स्वस्त पडला आहे. शिवाय भारतातून बांगलादेशात कापसाची पाठवणूक सुकर झाली आहे. जहाज, रस्ते व रेल्वे मार्गे तेथे पाठवणूक केली जाते. पाच दिवसांत भारतातून बांगलादेशात कापसाची निर्यात करणे शक्य होते. बांगलादेशला अमेरिका, ब्राझील, आफ्रिकन देशांमधून कापसाची आयात करताना अधिक दिवस लागतात. त्यात २० ते ३० दिवस लागतात. शिवाय अनेकदा अमेरिकन कापूस भारताच्या तुलनेत महाग पडतो. बांगलादेश भारतासोबत अमेरिका, ब्राझील, आफ्रिकन देशांमधून कापसाची आयात करतो, अशी माहिती मिळाली. बांगलादेशनजीक चीन हा कापसाचा मोठा उत्पादक देश आहे. परंतु चीनला आपल्या वस्त्रोद्योगासाठी कापसाची आयात करावी लागते. यामुळे चीनकडून बांगलादेशला कापूस मिळत नाही.

बांगलादेशात देशातून सर्वाधिक कापूस गाठींची आयात गेले दोन - तीन वर्षे झाली आहे. यंदाही निर्यात चांगली होईल. बांगलादेशातील वस्त्रोद्योग आघाडीवर आहे. तेथे कापसाची लागवड होत नाही. दरवर्षी १०० लाख गाठींची गरज असते.
- अतुल गणात्रा, अध्यक्ष, कॉटन असोसिएशन ऑफ इंडिया


इतर अॅग्रोमनी
आंतरराष्ट्रीय बाजारात साखरेच्या दरात...कोल्हापूर : जागतिक बाजारपेठेत साखरेच्या दरात वाढ...
शेतजमीन भाडेपट्ट्यावर देण्यासाठी...नवी दिल्ली ः शेतजमिनी भाडेपट्ट्यावर देण्यासाठी...
‘व्हेजनेट’वर होणार ४३ पिकांची नोंदणी नागपूर ः निर्यातीसह देशांतर्गत ग्राहकांना...
शेती, संलग्न क्षेत्रांच्या निधीत कपात पुणे ः केंद्रीय अर्थसंकल्पात यंदा शेती आणि संलग्न...
बियाणे उद्योगाला जीएसटी परताव्याची...पुणे : अंतिम उत्पादनावर जीएसटी नसला तरी...
साखर विक्रीचा दबाव कायम कोल्हापूर : साखर विक्रीच्या दबावाखाली आलेल्या...
कृषी पतपुरवठ्याचे उद्दिष्ट यंदा वाढणारनवी दिल्ली : शेतकऱ्यांचे उत्पन्न २०२२ पर्यंत...
साखरेच्या निर्यात योजनेत लवचिकताकोल्हापूर : यंदा साखर जास्तीत जास्त निर्यात...
छत्तीसगडमध्ये आजवरची सर्वाधिक धान खरेदीरायपूर : : छत्तीसगडमध्ये आजवरची सर्वाधिक धान...
अमेरिकेनंतर ब्राझीलमध्ये सोयाबीन... पुणे ः प्रतिकूल हवामानामुळे  ...
देशातील साखर उत्पादन ‘सुसाट’; १४२ लाख...कोल्हापूर : यंदाच्या हंगामातील साखर उत्पादनाने...
आधारभावाअभावी मक्याची परवडचालू हंगामासाठी केंद्र सरकारने मक्याला १८५० रुपये...
अमेरिकेत सोयाबीन उत्पादनात घटवॉशिंग्टन ः अमेरिकेत यंदा सोयाबीन उत्पादनात घटीचा...
जागतिक मका उत्पादनात घट वॉशिंग्टन ः जागतिक मका उत्पादनात घट होणार...
बेदाणा पॅकिंगसाठीच्या बॉक्सच्या दरात...सांगली ः बेदाणा, डाळिंबासह अन्य फळभाज्यांच्या...
सोयाबीन विक्रमी टप्पा गाठेल कमी उत्पादन, चांगली निर्यात आणि वाढलेला वापर हे...
दराचे संरक्षण देणाऱ्या योजना राबवाव्यात पुणे ः ‘एनसीडीईएक्स’ने ‘पुट ऑप्शन’मधून शेतकरी...
‘बासमती’ची तांदळाचा तुटवडाकोल्हापूर: गेल्या महिन्यापासून सुरु असलेल्या...
सोयाबीन बाजारात तेजीचेच संकेतपुणे ः शेतकरी आणि व्यापाऱ्यांनी ८० टक्के सोयाबीन...
तांदळाच्या विक्रमी निर्यातीची यंदा शक्‍...कोल्हापूर : देशात यंदा भाताचे चांगले उत्पादन...