सोलापुरात ग्रामपंचायतींसाठी चुरशीने मतदान 

सोलापूर जिल्ह्यातील ५९० ग्रामपंचायतींसाठी दुपारपर्यंत सरासरी ३२.५२ टक्के मतदान झाले आहे. पंढरपूर तालुक्‍यात सर्वाधिक ३४.४३ टक्के मतदान झाले.
सोलापुरात ग्रामपंचायतींसाठी चुरशीने मतदान Churshi polling for Gram Panchayats in Solapur
सोलापुरात ग्रामपंचायतींसाठी चुरशीने मतदान Churshi polling for Gram Panchayats in Solapur

सोलापूर : सोलापूर जिल्ह्यातील ५९० ग्रामपंचायतींसाठी दुपारपर्यंत सरासरी ३२.५२ टक्के मतदान झाले आहे. पंढरपूर तालुक्‍यात सर्वाधिक ३४.४३ टक्के मतदान झाले. शाब्दिक चकमकी आणि काही किरकोळ वाद वगळता मतदान शांततेत आणि चुरशीने पार पडले.  जिल्ह्यातील ५९० ग्रामपंचायतींसाठी सकाळी साडेसात वाजता मतदानास प्रारंभ झाला. जिल्ह्यातील ५९० ग्रामपंचायतींसाठी ६ लाख २० हजार २२३ स्त्री मतदार व सहा लाख ६३ हजार १९६ पुरुष मतदार व इतर १७ असे मिळून एकूण १२ लाख ८६ हजार ४३१ मतदार आहेत. पहिल्या दोन तासांत जिल्ह्यात १२.५४ टक्के मतदान झाले होते. या पहिल्या टप्प्यात मतदानाचा वेग संथ असल्याचे आकडेवारीवरून दिसते. मात्र, दुसऱ्या दोन तासांच्या टप्प्यात मतदानाच्या टक्केवारीत वाढ झाली आहे. सकाळी साडेअकरा वाजेपर्यंत जिल्ह्यातील दोन लाख १४९ स्त्री, दोन लाख १८ हजार २३१ पुरुष व इतर दोन अशा एकूण चार लाख १८ हजार ३८२ मतदारांनी आपला मतदानाचा हक्क बजावला आहे. दुपारपर्यंत करमाळ्यात ३१.३४ टक्के , माढा ३०.६७, बार्शी ३१.३०, उत्तर सोलापूर ३३.७३, मोहोळ ३३.५९, पंढरपूर ३४.४३, माळशिरस ३०.८३, सांगोला ३४.११, मंगळवेढा ३०.८९, दक्षिण सोलापूर ३३.६३, अक्कलकोट ३१.३६ टक्के मतदान झाले होते.  दुपारी दोननंतर मात्र मतदानाने काहीशी गती घेतली. उत्तर सोलापुरातील तळेहिप्परगा येथे आम्हाला मतदान कर असे म्हणत दमदाटी केल्यावरून भोसले आणि भिंगारे या दोन गटात दगडफेकीचा प्रकार घडला. यात चारजण गंभीर जखमी झाले. तसेच काही ठिकाणी किरकोळ वादावादी वगळता मतदान शांततेत पार पडले. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com