agriculture news in marathi Citizens' protest against Wan's water | Agrowon

‘वान’च्या पाण्याविरुद्ध नागरिकांचे धरणे

टीम अॅग्रोवन
बुधवार, 25 नोव्हेंबर 2020

अकोला : तेल्हारा तालुक्यातील वान प्रकल्पाचे पाणी बाळापूर मतदार संघात ६९ गावांना देण्यास विरोध वाढत आहे. तेल्हारा तहसील कार्यालयासमोर शेकडो नागरिकांनी मंगळवारी (ता.२४) धरणे आंदोलन केले.

अकोला : तेल्हारा तालुक्यातील वान प्रकल्पाचे पाणी बाळापूर मतदार संघात ६९ गावांना देण्यास विरोध वाढत आहे. तेल्हारा तहसील कार्यालयासमोर शेकडो नागरिकांनी मंगळवारी (ता.२४) धरणे आंदोलन केले. याला उत्स्फूर्त प्रतिसाद मिळाला. 

वान प्रकल्पातील पाणी आरक्षित करीत ते बाळापूर मतदार संघातील गावांना देण्याबाबतचा प्रस्ताव शासनाकडे सादर झाला आहे. याची माहिती मिळताच वान प्रकल्पाच्या क्षेत्रातील शेतकरी व नागरिकांमधून विरोध वाढलं आहे. वान प्रकल्पासाठी आम्ही जमिनी दिल्या. त्यामुळे त्यातील पाणी आता इतर कुठेही नेले जाऊ नये, अशी मागणी आंदोलकांनी शासनाकडे केली आहे.

यापूर्वी रास्ता रोको, निवेदन, पत्रकार परिषद घेत शेतकऱ्यांनी भूमिका मांडली. कुठल्याही स्थितीत आता नवीन योजनांसाठी वान प्रकल्पातील पाणी आरक्षित केले जाऊ नये, अशी भूमिका नागरिकांनी घेतली आहे. 

वारी भैरवडगड येथे वान नदीवर साकारलेला हा प्रकल्प मुळात तेल्हारा व संग्रामपूर तालुक्यातील शेतकऱ्यांसाठी बांधण्यात आला. दोन्ही तालुक्यातील हजारो हेक्टर शेतीचे सिंचन याद्वारे होणे अपेक्षित होते. परंतु, प्रकल्प बांधल्यानंतर त्यातील पाण्याची क्षमता ८४.४३४ दलघमी झाली. त्यातील ३ दलघमी पाण्याचे बाष्पीभवन होते. तसेच ३ दलघमीची गळती होते. त्यामुळे प्रकल्पात ७८.४३४ दलघमी पाणी उपलब्ध राहते. 

याच पाण्यातून यापूर्वी अकोट, तेल्हारा, जळगाव जामोद शहरांसह ग्रामीण भागातील पाणी पुरवठा योजनांसाठी आरक्षण करण्यात आले आहे. यामुळे सिंचनाच्या पाण्यातील वाटा आधीच कमी झाला. असे असताना आता बाळापूर मतदार संघात पुन्हा ६९ गावांसाठी पिण्याचे पाणी पुरविण्याचा प्रस्ताव शासनाकडे देण्यात आला. यासाठी पाणी आरक्षित केल्यास पुन्हा सिंचनासाठीचे पाणी कमी होईल, अशी भीती आंदोलक व्यक्त करीत आहेत.

यामुळेच पाणी नेण्यास गावागावात विरोध वाढू लागला आहे. हा प्रकार  थांबविण्यात यावा, यासाठी मंगळवारी तहसिल कार्यालयासमोर ठिय्या आंदोलन करण्यात आले. या आंदोलनात सर्वपक्षीय नेते, शेतकरी, नागरिक मोठ्या संख्येने सहभागी झाले होते.
 


इतर बातम्या
कृषी कायद्यांना एकसंध विरोध; मुंबईत...मुंबई : दिल्लीतील शेतकरी आंदोलनाला पाठिंबा,...
नगरमध्ये पन्नास हजार क्विंटल मका खरेदी...नगर ः शासनाने बंद केलेली मका खरेदी सुरू केली. नगर...
सांगली बाजार समितीत नव्या हळदीचे सौदेसांगली ः सांगली कृषी उत्पन्न बाजार समितीमध्ये...
पुणे विभागात गहू क्षेत्रात ३६ हजार...पुणे ः गहू पेरणीस पोषक हवामान उशिराने तयार झाले....
संघटित कुक्कुटपालनातून ‘बर्ड फ्लू’चा...नाशिक : विभागात संघटित व शास्त्रीय पद्धतीने...
अण्णांच्या शेतकरी आंदोलनाला चार...नगर ः पीपल्स हेल्पलाइन, भारतीय जनसंसद व ‘मेरे देश...
महाराष्ट्राच्या चित्ररथावर संत...राळेगणसिद्धी, जि. नगर : प्रजासत्ताकदिनी (ता. २६)...
मराठवाड्यातील उपयुक्‍त पाण्यात दोन...औरंगाबाद : मराठवाड्यातील एकूण प्रकल्पांमधील...
जालना जिल्ह्यातील दोन केंद्रांत अडीच...जालना : येथील कृषी उत्पन्न बाजारसमिती व उपबाजार...
पाणीपुरवठ्यापासून एकही गाव वंचित...परभणी ः  ‘‘‘हर घर नल से जल’ योजनेअंतर्गत...
लिंबूवर्गीय फळांच्या आयातीवरील बंधने...२०२१ च्या सुरवातीस ब्रिटनने युरोपीय संघाच्या एकल...
पीकविमा सरसकट द्या; ‘प्रहार जनशक्ती’ची...नांदेड : पीकविमा मंजूर व्हावा म्हणून यापूर्वी...
मनमाडमध्ये शेतकऱ्यांच्या ट्रॅक्टर...नाशिक : मनमाड येथे किसान सभेच्या वतीने ...
नगर जिल्हा बँकेची निवडणूक महाविकास...नगर :  नगर जिल्हा मध्यवर्ती सहकार बॅंकेची...
समन्यायी पाणी वाटप आव्हानात्मक विषय : ...नांदेड : समन्यायी पाणी वाटप हा दिवसेंदिवस अत्यंत...
`मका खरेदीची प्रक्रिया शुक्रवारपर्यंत...नाशिक: ‘‘मका खरेदीसाठी शासनाने ३२ जानेवारी पर्यंत...
तीन हजार महिलांना देणार रोजगार : विजय...चंद्रपूर : ‘जिच्या हाती पाळण्याची दोरी, ती जगाला...
पत्र्या ठोकण्याची वेळ आणू नका : राजू...सांगली : केंद्र सरकार कृषी कायदे शेतकऱ्यांवर...
मका खरेदीचे कमी उद्दिष्ट, शेतकऱ्यांसमोर...बुलडाणा : मका खरेदीसाठी शासनाने नवे उद्दिष्ट देऊन...
मागील वर्ष ठरले आजवरचे सर्वाधिक उष्णपुणे : कोरोनाचे संकट, बर्ड फ्लूची साथ आणि शेतकरी...