Agriculture news in Marathi, The city receives less than fifty percent rainfall in all its revenue boards | Page 2 ||| Agrowon

नगरमध्ये सव्वीस महसूल मंडळांत पन्नास टक्क्यांपेक्षा कमी पाऊस

टीम अॅग्रोवन
शनिवार, 14 सप्टेंबर 2019

नगर ः नगर जिल्ह्यामध्ये अजूनही पुरेसा पाऊस नाही. आतापर्यंत झालेल्या पावसाच्या नोंदीनुसार जिल्ह्यामधील २६ महसूल मंडळांत पन्नास टक्क्यांपेक्षा कमी पाऊस झाला आहे. साधारण पंचवीस महसूल मंडळांत ७५ टक्के तर ९ महसूल मंडळांत शंभर टक्क्यांच्या जवळपास पाऊस झाला. चार महसूल मंडळांत तर पंचवीस टक्क्यांपेक्षाही कमी पाऊस झाला आहे.

नगर ः नगर जिल्ह्यामध्ये अजूनही पुरेसा पाऊस नाही. आतापर्यंत झालेल्या पावसाच्या नोंदीनुसार जिल्ह्यामधील २६ महसूल मंडळांत पन्नास टक्क्यांपेक्षा कमी पाऊस झाला आहे. साधारण पंचवीस महसूल मंडळांत ७५ टक्के तर ९ महसूल मंडळांत शंभर टक्क्यांच्या जवळपास पाऊस झाला. चार महसूल मंडळांत तर पंचवीस टक्क्यांपेक्षाही कमी पाऊस झाला आहे.

नगर जिल्ह्यामध्ये यंदा पावसाळ्याचे तीन महिने उरकत आले असतानाही अजूनही अनेक भागांत जोराचा पाऊस नाही. त्याचा खरिपावर परिणाम झाला असून रब्बीची चिंता लागली आहे. गेल्या वर्षी खरिपात आणि रब्बी हंगामात मोठे नुकसान झाले. चारा आणि पाणीटंचाईला तोंड द्यावे लागले. यंदा परिस्थिती सुधारण्याची आशा असताना पाऊस झाला नसल्याने शेतकऱ्यांना मात्र घोर लागला आहे. अल्प पावसावर पिके तराललेली दिसत असली तरी उत्पादनात घट होण्याची भीती व्यक्त केली जात आहे. जोराचा पाऊस नसल्याने टंचाईशी सामना करावा लागत असून परतीचा पाऊस चांगला झाला नाही तर रब्बी हंगामही धोक्यात येण्याची शक्यता आहे.

यंदा आतापर्यंत पेडगाव, चिंभळा, बेलवंडी, देवदैठण, मांडवगण, कर्जत, कोंभळी, माही, मिरजगाव, अरणगाव, नान्नज, तहाराबाद, बाभळेश्वर, चांदा, कापुरवाडी, चास, नागापूर, वाळकी, माणिकदौंडी, चापडगाव, एरंडगाव, वडझिरे, निघोज, टाकळी ढोकेश्वर, भाळवणी पिंपरणे या महसूल मंडळांत २०० मिलिमीटरपर्यंत म्हणजे पन्नास टक्‍क्यांपेक्षा कमी पाऊस झाला आहे. राशीन, भांबोरी, खर्डा, नायगाव, उंदीरगाव, देवळाली प्रवरा, सात्रळ, लोणी, शिर्डी, घोडेगाव, वडाळा बहिरोबा, जेऊर, रुईछत्तीशी, केडगाव, चिचोंडी पाटील, सावेडी, कोरडगाव, करंजी, बोधेगाव, भातकुडगाव, ढोरजळगाव, सुपा, शिबलापूर, तळेगाव, समनापूर, साकुर या महसूल मंडळांत ३०० मिलिमीटरपर्यंत म्हणजे ७५ टक्केच्या जवळपास पाऊस झालेला आहे. तर वांबोरी, पुणतांबा, नेवासा बुद्रुक, नेवासा खुर्द, सलाबतपूर, संगमनेर, धांदरफळ, कोपरगाव, रवंदे या नऊ महसूल मंडळांत शंभर टक्क्यांच्या जवळपास पाऊस झालेला आहे. 

अकोल्यातील अवघ्या पाच महसूल मंडळांत शंभर टक्‍क्यांपेक्षा जास्ती पाऊस झाला असल्याची महसूल विभागाकडे नोंद आहे. विशेष म्हणजे पावसाच्या नोंदीची टक्केवारी फुगलेली दिसत असली तरी अजूनही कोणत्याच भागात पाणी साठवण झाले नाही. 

चार महसूल मंडळांत अल्प पाऊस
नगर जिल्ह्यामध्ये ४९७ मिलिमीटर पावसाची सरासरी असून आतापर्यंत काष्टी, बेलापूर, मिरी, पळशी या चार महसूल मंडळांत शंभर मिलिमीटरपेक्षा कमी पाऊस झालेला आहे. अकोले तालुक्यातील शेंडी महसूल मंडळांत सर्वाधिक ४ हजार ५८७, साकीरवाडी मंडळात १४४०, राजूर मंडळात १२३२, अकोले मंडळात १०६८, ब्राह्मणवाडा मंडळात ८८७, समशेरपूर मंडळात ८०८ मिलिमीटर पावसाची नोंद झाली आहे. आतापर्यंत सर्वात कमी पळशी (ता. पारनेर) महसूल मंडळात ७३ मिलिमीटर पावसाची नोंद झाली आहे. जिल्ह्याच्या सरीसरीच्या तुलनेत आतापर्यंत ८१.२२ टक्के पाऊस झाल्याची नोंद आहे. गेल्यावर्षी आतापर्यंत साठ टक्के पाऊस झाला होता.


इतर ताज्या घडामोडी
सोलापूर जिल्ह्यात उसावर ‘हुमणी’चा...सोलापूर  : जिल्ह्यात खरिपातील मूग, उडदावर...
राधानगरीतून २८०० क्युसेक विसर्गकोल्हापूर : जिल्ह्याच्या पश्चिम भागात पावसाचा जोर...
सांगली जिल्ह्यात तुरीच्या पेरणी...सांगली : जिल्ह्यात गतवर्षी परतीचा झालेला पाऊस आणि...
मका बनले नाशिक जिल्ह्यातील प्रमुख पीकयेवला : कांद्याचा अन् द्राक्षाचा जिल्हा अशी...
रत्नागिरीत मत्स्य शेतीकडे छोट्या...रत्नागिरी : मत्स्य व्यवसाय विभागाला लाखोंचे...
रासायनिक खतांचा योग्य वापर महत्त्वाचापिकांना खताची मात्रा ठरविण्यापूर्वी जमिनीचे...
मका, सीताफळ, केळी, भाजीपाला पीक सल्ला (...प्रादेशिक हवामान केंद्र, मुंबई येथून प्राप्‍त...
दूध प्रश्नी मुख्यमंत्र्यांनी हस्तक्षेप...नगर ः दुधाला प्रतिलिटर किमान 30 रुपये दर मिळावा...
सुपारी, आंबा, नारऴ, काजू फळबाग सल्ला (...ढगाळ व दमट वातावरणामुळे, आंब्याच्या नवीन येणाऱ्या...
राज्यात लिंबं २०० ते १६०० रूपये क्विंटलऔरंगाबादमध्ये क्विंटलला ५०० ते ७०० रुपये दर...
खानदेशात भिज पावासाने पिकांना लाभजळगाव  ः खानदेशात मागील दोन दिवस भिज पाऊस...
सोलापूर जिल्ह्यात मूगाची पाने पिवळी पडू...सोलापूर  ः जिल्ह्यात पावसाने वेळेवर हजेरी...
प्राथमिक शिक्षकांच्या प्रशासकीय बदल्या...कुसुंबा, जि. धुळे ः सर्वांत मोठा नोकर वर्ग म्हणून...
बार्शीतील रेशनच्या धान्य...सोलापूर  ः बार्शी तालुक्यातील रेशनचे धान्य...
शेत जमिनीच्या मोजणीसाठी चार हजार...सोलापूर ः पती-पत्नीच्या नावावर असलेल्या...
‘आयआयएचआर’चे बियाणे आता ऑनलाइन नाशिक : भारतीय कृषी संशोधन परिषदेच्या बंगळुरू...
मराठवाड्यात पीक कर्जाचे ४०.८३ टक्केच...औरंगाबाद : मराठवाड्यात शेतकऱ्यांना खरीप पीक...
पुणे जिल्ह्यातील सहा धरणांत ८०...पुणे ः धरणाच्या पाणलोट क्षेत्रात पावसाचा जोर कायम...
सातारा जिल्हा बँकेतर्फे १३४ टक्के...सातारा : जिल्हा वार्षिक पत आराखाड्यात २०२०-२१...
जनावरांमध्ये `लंपी स्किन`चा संसर्ग नांदेड  ः अर्धापूर परिसरात गाय, बैल आदी...