Agriculture news in Marathi Close auction of money laundering traders: Deshmukh | Page 2 ||| Agrowon

पैसे थकवणाऱ्या व्यापाऱ्यांचे लिलाव बंद करा ः देशमुख

टीम अॅग्रोवन
मंगळवार, 27 जुलै 2021

शेतकऱ्यांच्या शेतमालाच्या पट्ट्या सातत्याने पाठपुरावा करुनही मिळत नसतील तर संबंधित आडत व्यापाऱ्यांवर कारवाई करा. त्यांचे लिलाव बंद करा, असे आदेश सोलापूर कृषी उत्पन्न बाजार समितीचे सभापती तथा आमदार विजयकुमार देशमुख यांनी दिले.

सोलापूर ः शेतकऱ्यांच्या शेतमालाच्या पट्ट्या सातत्याने पाठपुरावा करुनही मिळत नसतील तर संबंधित आडत व्यापाऱ्यांवर कारवाई करा. त्यांचे लिलाव बंद करा, असे आदेश सोलापूर कृषी उत्पन्न बाजार समितीचे सभापती तथा आमदार विजयकुमार देशमुख यांनी दिले.  

बाजार समितीच्या सभागृहात सभापती विजयकुमार देशमुख यांच्या अध्यक्षतेखाली संचालक मंडळाची मासिक बैठक झाली. या बैठकीत त्यांनी हे आदेश दिले. या वेळी उपसभापती श्रीशैल नरोळे, संचालक बाळासाहेब शेळके, प्रकाश वानकर, अमर पाटील, बसवराज इटकळे, वसंत पाटील, शिवानंद पुजारी, राजकुमार वाघमारे, सचिव चंद्रशेखर बिराजदार, उपसचिव दत्ता सूर्यवंशी आदी उपस्थित होते. 

कांद्याच्या सहा आडत दुकानदारांनी ४० शेतकऱ्यांचे २० लाख रुपये थकवले आहेत. यापैकी ४ लाख दिले असून, अद्याप १६ लाख रुपये थकीत आहेत. काही आडत दुकानदारांनी धनादेश दिले. परंतु ते वटले नाहीत, अशी माहिती या बैठकीत देण्यात आली. त्यावर आमदार देशमुख यांनी प्रशासनालाच थेट सवाल करत शेतकऱ्यांची फसवणूक आडत दुकानदार करीत असतील तर अशांवर कारवाईसाठी कशाची वाट थांबता, त्यांचे लिलाव बंद करा आणि पुढील कायदेशीर कारवाई करा, असे आमदार देशमुख यांनी प्रशासनाला सुनावले. खरीप हंगामात शेतकऱ्यांना खते, बियाणे देता आले नाहीत. पण रब्बी हंगामात खते व बियाणे देण्यात येणार असल्याचे सांगितले.

रस्त्यासाठी दहा कोटी रुपये
बाजार समितीच्या आवारातील भुसार आवार, भाजीपाला आवार व इतर ठिकाणचे रस्ते पूर्णत: खराब झाले आहेत. येथे सिमेंटचे रस्ते करण्यासाठी आठ कोटी तर डांबरी रस्ते करण्यासाठी दोन कोटी रुपये खर्च करण्यात येणार आहेत. त्याचा प्रस्ताव पणन संचालकाकडून मंजूर करून घेण्याचा निर्णय बैठकीत झाला.

५८ विषयांवर चर्चा
शेतकऱ्यांसाठी एक रुपयाच्या जेवणाचे दर वाढवून देणे, डीसीसी बँकेच्या विविध शाखांत बाजार समितीच्या ८.७५ कोटींच्या ठेवी आहेत, त्याची मुदत संपली असून, ती रक्कम पुन्हा पुनर्गुंतवणूक करणे, नवीन परवान्यासाठी आलेल्या अर्जाचा विचार करणे, नवीन दुकान हस्तांतर करणे व मुदत वाढवून मिळणे, बाजार फी, देखरेख खर्च व विलंबाकाराचे आडत्यांनी दिलेले धनादेश बँकेतून वटले नाहीत, त्यांच्यावर कारवाई करण्यासह वेगवेगळ्या खर्चाला मंजुरी देण्याच्या ५८ विषयांस मंजुरी देण्यात आली.


इतर ताज्या घडामोडी
केंद्र्याच्या कृषी कायद्यांविरोधातील २७...कोल्हापूर : शेतकरीविरोधी कायदे मागे घ्यावेत,...
देवसंस्थांच्या जमिनीवर वहिवाटदारांचा...जेजुरी, जि. पुणे : देवसंस्थानच्या मालकीच्या...
पुरस्कारांच्या प्रस्तावावरून कृषी...अकोला : विविध पुरस्कारांसाठी शेतकऱ्यांनी दाखल...
कोयना धरणात १०१ टीएमसीवर पाणीसाठाकोयनानगर, जि. सातारा : शंभर दिवस ओलांडलेल्या...
उजनी धरणात उपयुक्त साठा ६४ टक्केच;...सोलापूर : उजनी धऱणाच्या पाणलोट क्षेत्रात अद्यापही...
अकोला जिल्ह्यात ओला दुष्काळ जाहीर करा...अकोला ः जिल्ह्यात अतिपावसाने धुमाकूळ घातला असून...
राज्यात तीन अन्न प्रक्रिया प्रकल्पांचे...नाशिक : राज्यातील तीन अन्न प्रक्रिया प्रकल्पांचे...
वाशीम झेडपी निवडणुकीचा चेंडू पुन्हा...वाशीम : सर्वोच्च न्यायालयाच्या आदेशानुसार रिक्त...
‘एफआरपी’च्या तुकड्यांनी शेतकरी...कऱ्हाड, जि. सातारा : एकरकमी ‘एफआरपी’चे तीन तुकडे...
हिंगोलीत मुहूर्ताच्या सोयाबीनला ११ हजार...हिंगोली : येथील कृषी उत्पन्न बाजार समितीअंतर्गत...
पीक नुकसान नोंदीसाठी विमा कंपन्यांच्या...परभणी : ७२ तासांच्या आत पीक नुकसानीची नोंद...
राज्यसभेच्या एका जागेसाठी ४ ऑक्टोबरला...नवी दिल्ली : महाराष्ट्रातून राज्यसभेवर रिक्त...
गणेशोत्सवासाठी सिंधुदुर्ग सज्ज; तीन...सिंधुदुर्गनगरी : घरोघरी गणेशोत्सव साजरा करण्याची...
ई-पीक पाहणीसाठी सोलापुरचे जिल्हाधिकारी...सोलापूर ः माढा तालुक्यात सुरू असलेल्या ई-पीक...
परभणी जिल्ह्यात १२७ गावे बाधितपरभणी ः जिल्ह्यात सोमवार (ता. ६) ते मंगळवार (ता....
हतनूर धरणातून पाण्याचा विसर्ग सुरूभुसावळ, जि. जळगाव : तालुक्यातील हतनूर धरणात...
संगणकीय सातबारावर कुळांची नावे नोंद करागडहिंग्लज, जि. कोल्हापूर : हस्तलिखित सातबारा...
पावसाचा २७ हजार हेक्टरला फटकानाशिक : नांदगाव तालुक्यातील झालेल्या...
सहा हजार क्विंटल धान्याचे होणार कंपोस्ट...भंडारा : वैनगंगा नदीला आलेल्या पुरामुळे गेल्या...
शेतकरी पुरस्कारासाठी दाखल केलेले...अकोला : शेतीत विविध प्रयोग करणाऱ्या, उत्पादन...