agriculture news in Marathi closed veterinary hospitals will open from today Maharashtra | Agrowon

बंद असलेली पशुवैद्यकीय रुग्णालये आजपासून सुरु होणार 

टीम अॅग्रोवन
बुधवार, 29 एप्रिल 2020

चेकनाक्यांवर पशुधन विकास अधिकाऱ्यांच्या नियुक्त्या केल्याने जिल्ह्यातील ६३ पशुवैद्यकीय रुग्णालये बंद आहेत.

नगर: चेकनाक्यांवर पशुधन विकास अधिकाऱ्यांच्या नियुक्त्या केल्याने जिल्ह्यातील ६३ पशुवैद्यकीय रुग्णालये बंद आहेत. त्याबाबत ‘अॅग्रोवन’ने वृत्त प्रकाशीत करताच पशुसंवर्धन आयुक्तांसह पशुसंवर्धधन अधिकऱ्यांनी तातडीने दखल घेतली. पशुवैद्यकीय विभागाच्या अधिकाऱ्यांनी जिल्हाधिकाऱ्यांसोबत चर्चा केली. चेकनाक्यांवर आता पशुधन विकास अधिकाऱ्यांऐवजी शिपाई संवर्गातील कर्मचारी नियुक्त केले जाणार आहेत. तसेच दवाखाने तातडीने सुरु करण्याचे आदेश दिल्याने आजपासून (ता.२९) सर्व दवाखाने सुरु करण्यात येणार आहेत. 

जिल्ह्यातील कोरोनाच्या चेटपोस्टवर ४४ पशुधन अधिकारी व १९ सहाय्यक पशुधन अधिकाऱ्यांच्या नियुक्त्या केल्या होत्या. त्यामुळे जिल्हाभरातील ६३ पशुवैद्यकीय रुग्णालये बंद होती. परिणाणी जनावरांचे आरोग्य उपचाराअभावी धोक्यात आले होते. संगमनेर तालुक्यातील शेतकऱ्याची एक गाय उपचाराअभावी दगावली. याबाबत ‘अॅग्रोवन’ने सोमवारी (ता. २७) वृत्त प्रकाशीत करताच महानंदाचे अध्यक्ष रणजीत देशमुख यांनी महसुलमंत्री बाळासाहेब थोरात यांनी पत्र देऊन लक्ष वेधले.

पशुसंवर्धन उपायुक्तांनीही दखल याची घेतली. त्यानंतर सायंकाळी अतिरिक्त पशुसंवर्धन उपायुक्त अजय थोरे, जिल्हा पशुसंवर्धन अधिकारी डॉ. सुनील तुंबारे यांनी जिल्हाधिकारी राहुल व्दिवेदी यांच्याशी चर्चा केली. त्यानंतर नियुक्त केलेल्या अधिकाऱ्यांएवजी शिपाई वर्गातील कर्मचारी नियुक्त केले जाणार असून पशुधन अधिकारी बंद दवाखाने सुरु करणार असल्याचे सांगण्यात आले. पावसाळ्यापुर्वी जनावरांना घटसर्प व अन्य लसीकरण करण्यासाठीही अडचण निर्माण झाली होती. ती आता सुटणार आहे असे सांगण्यात आले. 

म्हणून मिळाली होती नियुक्ती 
नगरसोबत पुण्यातील काही अधिकाऱ्यांच्याही अशा नियुक्त्या केल्या आहेत. मात्र चेकनाक्यावर पशुधन विकास अधिकाऱ्यांची नियुक्ती देण्याचे कारणही रंजक आहे. काही दिवसांपुर्वी नगरमधील प्रशासनातील एक प्रमुख अधिकारी पुण्याला जात असताना त्यांना जिल्ह्याच्या सीमेवरील तपासणी नाक्यावर अडवले. सबंधित अधिकऱ्यांनी आपली ओळख सांगितली मात्र तराही नियमानुसार त्यांची तपासणी केली. त्यामुळे कोरोना संसर्गातील कामात असा प्रमाणिक पणा हवा असे सांगत कोणत्या खात्याचे ही चौकशी केली आणि तशाच नियुक्त्या नगर जिल्ह्यात दिल्या. 


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...