Agriculture news in Marathi, The cloud of anxiety is dark due to the delay in the monsoon | Agrowon

पावसाला उशीर झाल्याने चिंतेचे ढग गडद
टीम अॅग्रोवन
सोमवार, 17 जून 2019

नांदेड ः नांदेड, परभणी, हिंगोली जिल्ह्यांत यंदा मोसमी पावसाच्या आगमनास विलंब झाला आहे. त्यामुळे खरिपाची पेरणी लांबणीवर पडली आहे. पिण्याच्या पाण्यासह जनावरांच्या चाऱ्याची समस्या अधिक बिकट झाली. जूनच्या पहिल्या आठवड्यात पूर्वमोसमी पाऊस झाल्यानंतर अनेक भागांतील शेतकऱ्यांनी कापूस लागवड केली. परंतु, त्यानंतर पावसाने उघडीप दिल्याने दुबार पेरणीचे सावट आहे. पावसाला उशीर होत असल्याने शेतकऱ्यांच्या चिंता वाढल्या आहेत.

नांदेड ः नांदेड, परभणी, हिंगोली जिल्ह्यांत यंदा मोसमी पावसाच्या आगमनास विलंब झाला आहे. त्यामुळे खरिपाची पेरणी लांबणीवर पडली आहे. पिण्याच्या पाण्यासह जनावरांच्या चाऱ्याची समस्या अधिक बिकट झाली. जूनच्या पहिल्या आठवड्यात पूर्वमोसमी पाऊस झाल्यानंतर अनेक भागांतील शेतकऱ्यांनी कापूस लागवड केली. परंतु, त्यानंतर पावसाने उघडीप दिल्याने दुबार पेरणीचे सावट आहे. पावसाला उशीर होत असल्याने शेतकऱ्यांच्या चिंता वाढल्या आहेत.

यावर्षी मोसमी पावसाचे आगमन अद्याप झालेले नाही. परंतु, जून महिन्याच्या पहिल्या पंधरावाड्यामध्ये विविध भागांत पूर्व मोसमी पावसाने हजेरी लावली. रविवार (ता. १६) पर्यंत नांदेड जिल्ह्यात सरासरी ८७.९ मिमी पाऊस अपेक्षित असताना प्रत्यक्षात सरासरी ५.८ मिमी पाऊस झाला. परभणी जिल्ह्यात सरासरी ६७.५ मिमी पाऊस अपेक्षित असताना प्रत्यक्षात सरासरी २१.३ मिमी पाऊस झाला. हिंगोली जिल्ह्यात ८९.९ मिमी पाऊस अपेक्षित असताना प्रत्यक्षात १५.६ मिमी पाऊस झाला. काही भागांत झालेल्या जोरदार पूर्वमोसमी पावसानंतर कापूस लागवड केली. परंतु, गेल्या आठवड्यापासून तुरळक ठिकाणी पाऊस पडत आहे. परंतु, बहुतांश भागात उघडीप आहे. वादळी वाऱ्यासह झालेल्या पूर्वमोसमी पावसामुळे नुकसानच अधिक झाले.

गतवर्षी (२०१८) १६ जून पर्यंत या तीन जिल्ह्यात अनुक्रमे १६२.८ मिमी, ११३.५ मिमी, १५६.७ मिमी पाऊस झाला होता. गतवर्षी जूनच्या पहिल्या पंधरावड्यामध्ये मृग नक्षत्रात पेरणी योग्य पाऊस झाल्याने नांदेड जिल्ह्यात ४८ हजार ९८९ हेक्टरवर, परभणी जिल्ह्यात ३६ हजार १९१ हेक्टरवर, हिंगोली जिल्ह्यात ९० हजारावर हेक्टरवर खरिपाची पेरणी झाली होती. 

नांदेड जिल्ह्यातील काही मंडळामध्ये अतिवृष्टी होऊन नुकसान झाले होते. यंदा मात्र मोसमी पावसाच्या आगमनासोबत खरिपाच्या पेरण्यादेखील लांबणीवर पडल्या आहेत. जून अखेरपर्यंत चांगला पाऊस पडून पेरण्या पूर्ण झाल्यानंतर ठिक अन्यथा त्यानंतर पेरणी लांबत गेली तर उत्पादनात निश्चितच घट येणार आहे.

गेल्या वर्षीही आमच्या भागात खूप कमी पाऊस झाला होता. जूनअखेरपर्यंत पेरणी केली होती. यंदा पाऊस लांबल्याने एक घागर पाण्यासाठी वणवण फिरावे लागत आहे. चाऱ्याअभावी जनावरांची विक्री सुरू आहे.
- अरुण जाधव, कुडळी, ता. देगलूर, जि. नांदेड.

औंदा अजून पावसाचा पत्ता नाही. बघाड पडलेली आहे. उन्हाचे चटके सुरू आहेत. पेरणीला खूप उशीर झाला आहे.
- उचितराव पोले, वडहिवरा, ता. सेनगाव, जि. हिंगोली.

गतवर्षी ६ ते १८ जून या कालावधीत पेरणी आटोपली होती. यंदा एकच पाऊस झाला. काही शेतकऱ्यांनी कापूस लागवड केली. परंतु पेरणी कुठेच झाली नाही. 
बाजीराव शेवाळे, गणपूर, ता. जिंतूर, जि. परभणी

इतर ताज्या घडामोडी
राज्यात गवार प्रतिक्विंटल १२०० ते ६०००...जळगावात प्रतिक्विंटल ५६०० रुपये जळगाव ः कृषी...
पीकविम्याला मुदतवाढ देण्याची ‘...अकोला ः या हंगामात पीकविमा भरण्यासाठी २४ जुलै ही...
परडा येथे मक्यावर लष्करी अळीचा...अकोला ः या हंगामात लागवड झालेल्या मक्यावर मोताळा...
अमरावती जिल्ह्यात पीककर्जाचा टक्का...अमरावती  : छत्रपती शिवाजी महाराज शेतकरी...
अकोल्यात सोयाबीन सरासरी ३६१० रुपये...अकोला ः येथील कृषी उत्पन्न बाजार समितीत बुधवारी (...
सातारा जिल्हा परिषदेचा १०० कोटींचा...सातारा : जिल्हा परिषदेच्या इतिहासात प्रथमच मूळ...
पुण्यात पीकविम्यासाठी शिवसेना रस्त्यावरपुणे ः ‘कोण म्हणतो देणार नाय विमा घेतल्याशिवाय...
पुणे विभागातील कोरडवाहू पट्ट्यात टंचाई...पुणे : विभागातील पुणे, सातारा, कोल्हापूर...
नांदेड जिल्ह्यात शेतकऱ्यांनी उतरविला १...नांदेड : पंतप्रधान पीकविमा योजनेंतर्गंत खरिपासाठी...
मराठवाड्यातील पाच जिल्ह्यांत १५ चारा...औरंगाबाद : मराठवाड्यातील घटलेली चारा छावण्यांची...
अचूक पीक पेरणी अहवाल देणे शक्य नाही ः...बुलडाणा  ः जिल्ह्यातील पीक पेरणीचा...
आडसाली ऊस लागवडीला कोल्हापूर जिल्ह्यात...कोल्हापूर  : जिल्ह्यात गेल्या पंधरवड्यात...
परभणी कृषी विद्यापीठ उत्पादित अडीच हजार...परभणी : वसंतराव नाईक मराठवाडा कृषी विद्यापीठाच्या...
‘शेतकरी सन्मान’साठी ९१.३३ टक्के ...अकोला  ः पंतप्रधान शेतकरी सन्मान निधी (पीएम...
एचटी कापूस बियाण्यांबाबतचा अहवाल १५...मुंबई  : प्रतिबंधित एचटी (हर्बीसाइड टॉलरंट)...
शिवसेना शेतकऱ्यांची दिशाभूल करतेय ः...मुंबई  ः पीकविम्यासंदर्भात विमा कंपन्यांवर...
पीकविम्याचे पैसे पंधरा दिवसांत न...मुंबई  : कर्जमाफी दिलेल्या शेतकऱ्यांची...
फळपीक विमा योजनेला मुदतवाढ देण्याची...पुणे  : राज्यातील दुष्काळी स्थिती आणि...
सोलापूर जिल्ह्यात `सन्मान`ची पाच लाख...सोलापूर : जिल्ह्यात ‘आठ अ’नुसार असलेल्या ११...
सोलापुरात यंदाही खरीप कोरडाचसोलापूर : खरीप हंगाम सुरू होऊन दीड महिना उलटला....