Agriculture news in marathi Cloudy weather hit the mangoes gardens in Sindhudurga | Agrowon

सिंधुदुर्ग जिल्ह्यात ढगाळ वातावरणाचा आंबा बागांना फटका

टीम अॅग्रोवन
शनिवार, 7 डिसेंबर 2019

ढगाळ वातावरणाचा परिणाम आंबा, काजू पिकावर होणार आहे. या वातावरणामुळे दोन्ही पिकांवर बुरशी आणि कीड-रोगांचा प्रादुर्भाव होईल. त्यामुळे कृषी विभागामार्फत सध्या जिल्हाभर शेतकऱ्यांचे प्रशिक्षण वर्ग सुरू आहेत. त्यात दोन्ही पिकांची कशा प्रकारे काळजी घ्यावी, यासंदर्भात मार्गदर्शन सुरू आहे. 
- सी. डी. बागल, जिल्हा कृषी अधीक्षक, सिंधुदुर्ग.

आंब्याला मोहर येण्यासाठी आवश्‍यक थंडी अद्याप नाही. त्यामुळे जिल्ह्यात कुठेही आंब्याला मोहर नाही. आता काही झाडांना पालवी येत आहे. त्यातच आता गेले चार-पाच दिवस ढगाळ वातावरण आहे. त्याचा मोठा परिणाम आंबा बागांना होणार आहे. या वर्षीचा आंबा हंगाम अडचणीत आहे.
- माधव साटम, आंबा उत्पादक शेतकरी, शिरगाव, ता. देवगड.

आंबा हंगाम आता लांबणीवर पडणार हे निश्‍चित आहे. लांबलेल्या पावसाचा हा परिणाम आहे. थंडीचा पत्ता नाही. यानंतर मोहरलेला आंबा मे महिन्याच्या मध्यानंतर तयार होईल. त्या  वेळी कदाचित जिल्ह्यात पाऊस सुरू झालेला असेल. त्यामुळे आंब्याला दरही मिळणार नाही. वातावरणाच्या बदलाची मोठी किंमत बागायतदारांना मोजावी लागेल. 
- संजय नाईक, आंबा उत्पादक शेतकरी, वेतोरे, ता. वेंगुर्ला.

सिंधुदुर्ग : गेले पाच दिवस जिल्ह्यात असलेल्या ढगाळ वातावरणामुळे आंबा बागांवर कीड-रोगांचा प्रादुर्भाव वाढला आहे. त्यातच अजूनही आंब्यांना मोहर नसल्यामुळे जिल्ह्यातील आंबा बागायतदारांची चिंता वाढली आहे.

अरबी समुद्रात कमी दाबाचे क्षेत्र निर्माण झाल्यामुळे जिल्ह्यातील वातावरणात पाच दिवसांपूर्वी अचानक बदल झाला. जिल्ह्यात गेले पाच दिवस ढगाळ वातावरण, अधूनमधून पावसाच्या सरी आणि जोरदार वारे अशी स्थिती आहे. बदललेल्या या वातावरणाचा मोठा फटका आंबा बागांना बसला आहे. अगोदरच क्यार वादळामुळे पडलेल्या पावसामुळे बागांचे मोठे नुकसान झाले. 

नोव्हेंबरच्या पहिल्या आठवड्यापासून थंडी सुरू होते. तशा स्वरूपाची थंडी अद्याप सुरू झालेली नाही. त्यातूनही विविध प्रयोग करीत बागायतदार आंबा पीक मिळण्याच्या दृष्टीने उपाययोजना करताना दिसत होते. आंब्याला आता पालवी फुटली होती. परंतु, गेल्या पाच दिवसांतील ढगाळ वातावरणामुळे पुन्हा कीड-रोगांचा प्रादुर्भाव वाढला आहे. आंब्याच्या पालवीवर बुरशी, तुडतुड्यांचा प्रादुर्भाव दिसून येत आहे. ज्या भागात वाऱ्यांचा वेग अधिक आहे. तेथे काही अंशी कीड-रोगांचा प्रादुर्भाव कमी प्रमाणात आहे.

दरम्यान, जिल्ह्यात अद्याप आंब्याला मोहर आलेला नाही. दरवर्षी काही बागांमधून डिसेंबर, जानेवारी महिन्यात आंब्याच्या पेट्या बाजारपेठांमध्ये रवाना होतात. परंतु, या वर्षी अजूनही मोहर नसल्यामुळे आंबा बागायतदारांची चिंता वाढली आहे. एकीकडे बागायतदार नैसर्गिक संकटाचा सामना करीत असताना दुसरीकडे आफ्रिकन आंबा बाजारपेठेमध्ये दाखल झाला आहे. हापूसचा हंगाम जरी सुरू होण्यास विलंब असला, तरी या आंब्याचे आव्हानदेखील येथील आंबा बागायतदारांसमोर असेल. 


इतर ताज्या घडामोडी
सोलापूर जिल्हा बॅंकेकडून ४३ हजार...सोलापूर : महात्मा जोतिराव फुले शेतकरी कर्जमुक्ती...
सांगोल्यात डाळिंब व्यापाऱ्याला पुन्हा...सांगोला, जि. सोलापूर : सांगोल्यातील एका...
विजेबाबतच्या समस्या निकाली काढा : डॉ....बुलडाणा  : विजेच्या बाबत नागरिकांना अनेक...
चाळीसगाव : किसान सन्मानच्या लाभापासून...चाळीसगाव, जि. जळगाव ः शासनाकडून राबविण्यात...
जिल्हा परिषदांचे तलाव मासेमारीसाठी खुले...मुंबई : राज्यातील ग्रामविकास विभागांतर्गत जिल्हा...
खानदेशात तूर नोंदणीला प्रतिसादजळगाव  ः जिल्ह्यात तूर नोंदणीसंबंधी १०...
नागपूर जिल्ह्यात रब्बीच्या क्षेत्रात...नागपूर : मॉन्सूनोत्तर पावसाने खरीप पिकाचे चांगलेच...
मागासवर्गीयांपर्यंत फडणवीस सरकारच्या...मुंबई: राज्यात गत सरकारच्या कार्यकाळात...
सिंचन प्रकल्पांच्या पूर्णत्वासाठी निधी...मुंबई : जलसंपदा विभागाचे प्रलंबित प्रकल्प पूर्ण...
औरंगाबादेत पाणीप्रश्‍नावर भाजपचे उद्या...औरंगाबाद : नेहमी दुष्काळाशी सामना करणाऱ्या...
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...
जळगाव जिल्ह्यात राष्ट्रीयकृत बॅंकांचे...जळगाव  ः महाविकास आघाडीने जाहीर केलेली...
जामनेरातील टेक्स्टाइल पार्क रखडलेजळगाव ः खानदेशातील कापसावर अधिकाधिक प्रक्रिया...
पुणे जिल्हा परिषद कृषी सभापतिपदी...पुणे : जिल्हा परिषदेच्या बांधकाम व आरोग्य...
पुणे बाजार समितीत कांद्याची विक्रमी ३२५...पुणे ः नागरिकत्व सुधारणा कायदा, राष्ट्रीय नागरिक...
नियोजनात हिवरे बाजार देशाचे मॉडेल ः डॉ...नगर ः हिवरे बाजार हे दूरदृष्टी नियोजनाचे देशाचे...
वऱ्हाडात रब्बीत हरभऱ्याचे क्षेत्र...अकोला  ः यंदा वऱ्हाडात रब्बीची लागवड बुलडाणा...
राज्यात आर. आर. पाटील स्मार्ट ग्राम...मुंबई : ग्रामविकास विभागामार्फत राज्यात कै. आर....
हृदयविकारामुळे होणारे मृत्यू...मुंबई : हृदयाला रक्तपुरवठा कमी झाल्याच्या...