Agriculture news in marathi Clove, Bedgi, Red Chilli boom in the town market | Page 2 ||| Agrowon

लवंगी, बेडगी, लाल मिरचीला नगरच्या बाजारात तेजी 

टीम अॅग्रोवन
बुधवार, 14 एप्रिल 2021

नगर येथील बाजार समितीत गेल्या दोन ते अडीच महिन्यांपासून बुलडाणा लवंगी मिरचीने भाव खाल्ला आहे. मागील आठवड्यात प्रतिक्विंटल वीस हजारांपर्यंत दर गेला होता. आता शेवटच्या खुडव्याची मिरची येत असली तरीही सध्या लवंगीला चौदा ते पंधरा हजारांपर्यंतचा दर मिळत आहे.

नगर ः नगर येथील बाजार समितीत गेल्या दोन ते अडीच महिन्यांपासून बुलडाणा लवंगी मिरचीने भाव खाल्ला आहे. मागील आठवड्यात प्रतिक्विंटल वीस हजारांपर्यंत दर गेला होता. आता शेवटच्या खुडव्याची मिरची येत असली तरीही सध्या लवंगीला चौदा ते पंधरा हजारांपर्यंतचा दर मिळत आहे. याशिवाय आध्रांचा ‘तेजा’, गंटूर, कर्नाटकच्या ‘बेडगी’लाही चांगली मागणी आहे. नगरसह सोलापूर, उस्मानाबाद भागांतून येत असलेल्या स्थानिक लाल मिरचीलाही चौदा हजारांपर्यंतचा दर मिळत आहे. 

नगर येथील दादा पाटील शेळके कृषी उत्पन्न बाजार समितीत फेब्रुवारी-मार्च महिन्यात लाल मिरचीची मोठ्या प्रमाणात आवक होत असते. नगरला दहापेक्षा अधिक मिरचीचे खरेदीदार आहेत. खास करून औरंगाबाद, बीड, जालन्यासह विदर्भ, खानदेशातून बुलडाणा ‘लवंगी मिरची’ आवक अधिक असते. मागील महिन्यात लवंगीची दर दिवसाला ८० ते १०० क्विटंल आवक होत होती. दरही एकवीस हजार रुपये क्विटंलपर्यंत गेला होता. सरासरी दर सतरा हजारांपर्यंत मिळत होता. मिरचीला मिळणारा आतापर्यंतचा हा सर्वाधिक दर होता. आता लवंगीचा शेवटचा तोडा झालेली मिरचीची आवक होत असली, तरी दहा ते पंधरा हजारांपर्यंतचा दर मिळत आहे. याशिवाय आंध्र प्रदेशातून आवक होत असलेल्या तेजा, गुंटूर मिरचीची प्रत्येकी दहा क्विंटलची आवक होत आहे. 

मसाल्यासाठी वापरल्या जाणाऱ्या कर्नाटकाच्या ‘बेडगी’ मिरचीलाही चांगली मागणी आहे. नगरला दररोज दहा ते पंधरा क्विंटल बेडगीची आवक होत असून, बेडगीला पंधरा हजारांपासून पंचवीस हजारांपर्यंत दर मिळत आहे. नगरसह सोलापूर, उस्मानाबाद भागांतून येणारी स्थानिक मिरचीची आठ ते दहा क्विंटलची आवक होत असून तेरा ते चौदा हजारांपर्यंत प्रतिक्विंटलला दर मिळत आहे. 

नगर बाजारात आतापर्यंत पहिल्यांदाच लाल मिरचीला सर्वाधिक दर मिळत आहे. अजून साधारण पंधरा ते वीस दिवस लाल मिरचीची आवक सुरू राहील. नगरमधून लाल मिरची मुंबई, पुणे, नाशिकसह काही प्रमाणात परराज्यांतही जाते, असे बाजार समितीचे संतोष बेरड यांनी सांगितले.

नगरला लवंगी, तेजा, गुंटूर, बेडगीची आवक होत असते. यंदा मिरचीच्या दरात तेजी राहिली. यंदा मिरचीची उत्पादनही चांगले निघाले आहे. मराठवाडा, विदर्भ, बुलडाणा भागांतून येणारी लवंगी तिखट मिरचीला अधिक मागणी असते. 
- गोपाल मनियार, मिरची खरेदीदार, नगर 


इतर बाजारभाव बातम्या
पुण्यात बहुतांश भाजीपाल्यांचे दर स्थिरपुणे ः पुणे कृषी उत्पन्न बाजार समितीमध्ये सोमवारी...
राज्यात कांदा प्रतिक्विंटल ५०० ते २३००...अकोल्यात प्रतिक्विंटल ६०० ते १६०० रुपये अकोला ः...
नगरमध्ये दोडका, वांगी, भेंडीच्या दरात...नगर ः नगर येथील दादा पाटील शेळके कृषी उत्पन्न...
नागपुरात सोयाबीन दरात तेजीनागपूर : सोयाबीन दरातील तेजी कायम असून कळमना...
चाकणच्या जनावरांच्या बाजारात ७० लाखांची...चाकण, जि. पुणे : येथील महात्मा फुले बाजार आवारात...
राज्यात जांभळांना ३००० ते १६००० रुपयेजळगावात क्विंटलला ६००० ते ९००० रुपये...
नाशिकमध्ये घेवड्याची आवक घटली; दरात...नाशिक : येथील बाजार समितीमध्ये गत सप्ताहात...
औरंगाबादमध्ये आंब्यांना सरासरी २४५० ते...औरंगाबाद : येथील बाजार समितीमध्ये आंब्यांचे...
पुण्यात भेंडी, गवारीच्या दरात सुधारणापुणे ः पुणे कृषी उत्पन्न बाजार समितीमध्ये सोमवारी...
राज्यात लसूण ३५०० ते १२००० रुपयेपरभणीत क्विंटलला ५००० ते ६५०० रुपये परभणी...
नाशिकमध्ये हिरव्या मिरचीची आवक...नाशिक : कोरोनाच्या पार्श्वभूमीवर नाशिक बाजार...
पुण्यात कांदा, बटाटा, घेवड्याच्या दरात...पुणे ः पुणे कृषी उत्पन्न बाजार समितीमध्ये सोमवारी...
राज्यात लिंबू ६०० ते ३००० रुपयेऔरंगाबादमध्ये क्विंटलला १२०० ते २००० रुपये...
नागपुरात सोयाबीनला ७४०० रुपयांचा दरनागपूर : कळमना बाजार समितीत सोयाबीनमधील तेजी कायम...
पुण्यात भाजीपाल्याच्या दरात १० ते २०...पुणे ः पुणे कृषी उत्पन्न बाजार समितीमध्ये सोमवारी...
राज्यात हिरवी मिरची १००० ते ३००० रुपयेजळगावात क्विंटलला १८०० ते २८०० रुपये...
सोलापुरात डाळिंबाच्या दरात तेजी टिकूनसोलापूर ः सोलापूर बाजार समितीच्या आवारात...
पुण्यात भाजीपाल्याचा पुरवठा, मागणी...पुणे ः पुणे बाजार समितीमध्ये सोमवारी (ता.१७)...
राज्यात कांदा १०० ते १५०० रुपयेसोलापुरात क्विंटलला १०० ते १००० रुपये सोलापूर...
पुणे बाजार समितीत भाजीपाल्याचे दर स्थिरपुणे ः  पुणे कृषी उत्पन्न बाजार समितीमध्ये...