काही भागांत थंडीच्या लाटेची शक्यता 

उत्तर भारतात असलेल्या थंडीच्या लाटेमुळे किमान तापमानात चांगलीच घट झाली आहे. पुढील दोन ते तीन दिवस या भागांत थंडीची लाट राहणार आहे.
काही भागांत थंडीच्या लाटेची शक्यता 
काही भागांत थंडीच्या लाटेची शक्यता 

पुणे ः उत्तर भारतात असलेल्या थंडीच्या लाटेमुळे किमान तापमानात चांगलीच घट झाली आहे. पुढील दोन ते तीन दिवस या भागांत थंडीची लाट राहणार आहे. यामुळे राज्यातील काही भागांतही लाट येण्याची शक्यता असून, थंडी वाढणार आहे. बुधवारी (ता. ३०) सकाळी आठ वाजेपर्यंत निफाड येथे नीचांकी ११.५ अंश सेल्सिअस तापमानाची नोंद झाली असल्याचे हवामान विभागाच्या सूत्रांनी सांगितले.  गेल्या काही दिवसांपासून उत्तर भारतातील हिमवृष्टीचा वर्षाव होत आहे. यामुळे या भागात मागील काही दिवसांपासून थंडीची लाट कमी अधिक प्रमाणात आहे. आजपासून उत्तराखंड, हिमाचल प्रदेश, पंजाब, हरियाना, चंडीगड, दिल्ली आणि उत्तर राजस्थान या भागांत थंडीची लाट राहील. त्यामुळे आज (ता. ३१) आणि उद्या (ता. १) या भागांतील किमान तापमानात ३ ते ५ अंश सेल्सिअसने घट होईल. यामुळे राजस्थानच्या पश्‍चिम भागातील चुरू येथे उणे १.५ अंश सेल्सिअसची सर्वांत कमी किमान तापमानाची नोंदविले गेले.  सध्या राज्यात थंडी कमीअधिक स्वरूपात असली तरी काही भागात चांगलीच थंडी आहे. कोकणातील अनेक भागात थंडीने जम बसविला आहे. सरासरीच्या तुलनेत दोन अंश सेल्सिअसने घट झाली आहे. त्यामुळे किमान तापमान १६ ते १८ अंश सेल्सिअसच्या दरम्यान आहे. मध्य महाराष्ट्रातही थंडी बऱ्यापैकी असल्याने किमान तापमान १३ ते १६ अंश सेल्सिअसच्या दरम्यान आहे. नगर, जळगाव, नाशिक भागांत थंडी अधिक प्रमाणात आहे. मराठवाड्यात थंडी असल्याने किमान तापमान ११ ते  १८ अंश सेल्सिअसच्या दरम्यान आहे. विदर्भातील काही भागांत थंडी कमी झाली आहे. त्यामुळे किमान तापमानात सरासरीच्या तुलनेत एक ते दोन अंश सेल्सिअसने वाढ झाली आहे. या भागात किमान तापमान ११ ते १५ अंश सेल्सिअसच्या दरम्यान आहे. 

बुधवारी (ता.३०) सकाळपर्यंत विविध शहरांतील किमान तापमान, कंसात वाढ, घट झालेले तापमान, (अंश सेल्सिअसमध्ये) ः मुंबई (सांताक्रूझ) १६.८ (-१), ठाणे १८, अलिबाग १७.४ (-१), रत्नागिरी १८.९ (-१), डहाणू १५.४ (-२), पुणे १४.९ (४), नगर १३.५ (३), जळगाव १२, कोल्हापूर १७.२ (२), महाबळेश्‍वर १४.४ (१), मालेगाव १३.२ (-३), नाशिक ११.८ (२), निफाड ११.५, सांगली १५.३ (१), सातारा १४.१ (१), सोलापूर १६.४ (१), औरंगाबाद १४.३ (३), बीड १८.२ (५), परभणी १४.७ (१), परभणी कृषी विद्यापीठ ११.९, नांदेड १२ (-१), उस्मानाबाद १४.४ (१), अकोला १५ (२), अमरावती १५.१ (१), बुलडाणा १३.५ (-१), चंद्रपूर १५.२ (२), गोंदिया ११.८, नागपूर १३.२ (१), वर्धा १४.४ (२), यवतमाळ १५ (१). 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com