राज्यात थंडीची लाट कायम

थंडी
थंडी

पुणे ः राज्यात थंडीचा पारा अजूनही कायम आहे. येत्या दोन ते तीन दिवस ही थंडी कायम राहणार असून, पुढील आठवड्यापासून जोर कमी होण्याची शक्यता आहे. खानदेशातील धुळे कृषी महाविद्यालयात गुरुवारी (ता. ३१) सकाळी आठ वाजेपर्यंत ५.४ अंश सेल्सिअसची राज्यातील सर्वांत कमी किमान तापमानाची नोंद झाली, असे हवामान विभागाच्या सूत्रांनी सांगितले.  उत्तर भारतातील जम्मू आणि काश्मीर, हिमाचल प्रदेश, उत्तराखंड, मध्य प्रदेश, राजस्थान, दिल्ली, पंजाब, हरियाना या भागात थंडीचा प्रवाह कायम आहे. मध्य प्रदेशातील मांढला येथे ३.० अंश सेल्सिअस एवढ्या किमान तापमानाची नोंद झाली. त्याचा परिणाम राज्यातील वातावरणावर होत असून, राज्यात उत्तरेकडून थंड वारे महाराष्ट्राच्या दिशेने वाहत आहे. त्यामुळे राज्यातील काही भागांत थंडीची लाट आहे. ही लाट पुढील दोन ते तीन दिवस राहणार आहे. या लाटेचा परिणाम विदर्भातील काही भागांत अधिक जाणवेल.    थंड वाऱ्यामुळे राज्यातील किमान तापमान सरासरीच्या तुलनेत पारा सात अंश सेल्सिअसपर्यंत खाली आला आहे. दोन दिवसांपूर्वी हा पारा आठ ते नऊ अंशांपर्यंत खाली आला होता. त्यामुळे विदर्भात व खानदेश व मध्य महाराष्ट्रात थंडीने नागरिकांना चांगलीच हुडहुडी भरविली आहे. दिवसाही ही थंडी ऊब जाणवत असल्याने नागरिकांना सुखद दिलासा मिळत आहे. धुळे कृषी महाविद्यालयानंतर निफाड येथे ५.६ अंश सेल्सिअसची सर्वांत कमी किमान तापमान नोंदविले गेले. जळगाव, नाशिक, औरंगाबाद, अमरावती, गोंदिया, नागपूर, वर्धा, यवतमाळ येथेही किमान तामपान दहा अंश सेल्सिअसच्या खाली होते. त्यामुळे थंडीने पुन्हा चांगलाच जम बसविला असून, पुढील काही दिवस या थंडीचा मुक्काम कायम राहणार आहे.   गुरुवारी (ता. ३१) सकाळपर्यंत विविध शहरांतील किमान तापमान, कंसात घट झालेले तापमान, अंश सेल्सिअसमध्ये ः   मुंबई (सांताक्रूझ) १५.४ (-२), अलिबाग १६.६ (-१), रत्नागिरी १७.४ (-२), डहाणू १५.३ (-२), पुणे १०.१ (-१), जळगाव ७.० (-५), कोल्हापूर १६.१, महाबळेश्वर १२.६ (-१), मालेगाव १०.४ (-१), धुळे कृषी महाविद्यालय ५.४, नाशिक ८.६ (-२), निफाड ५.६, सांगली १२.५ (-३), सातारा ११.९ (-२), सोलापूर १३.६ (-४), औरंगाबाद ९.९ (-३), बीड १०.८ (-२), परभणी १०.१ (-५), उस्मानाबाद ११.९, नांदेड ११.५ (-२), अकोला १०.० (-४), अमरावती ९.२ (-६), बुलडाणा १२.२ (-३), चंद्रपूर १०.५ (-२), गोंदिया ७.० (-७), नागपूर ६.३ (-८), वर्धा ९.० (-५), यवतमाळ ९.४ (-७)

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com