agriculture news in Marathi cold will be increased in few days Maharashtra | Page 2 ||| Agrowon

दोन-तीन दिवसात किमान तापमानात होणार घट...

टीम अॅग्रोवन
मंगळवार, 3 डिसेंबर 2019

पुणे ः गेल्या दोन ते तीन दिवसांपासून कोकण, पश्चिम महाराष्ट्रातील काही भागांत ढगाळ हवामान झाले आहे. सिंधुदुर्ग व कोल्हापूर जिल्ह्यांत काही ठिकाणी हलका पाऊस पडला. यामुळे राज्यातील थंडी काही प्रमाणात कमी झाली. परंतु, ढगाळ हवामान निवळल्यानंतर दोन ते तीन दिवसांत पुन्हा थंडी वाढण्यास सुरुवात होईल, असा अंदाज हवामान विभागाच्या सूत्रांनी वर्तविला आहे.  

पुणे ः गेल्या दोन ते तीन दिवसांपासून कोकण, पश्चिम महाराष्ट्रातील काही भागांत ढगाळ हवामान झाले आहे. सिंधुदुर्ग व कोल्हापूर जिल्ह्यांत काही ठिकाणी हलका पाऊस पडला. यामुळे राज्यातील थंडी काही प्रमाणात कमी झाली. परंतु, ढगाळ हवामान निवळल्यानंतर दोन ते तीन दिवसांत पुन्हा थंडी वाढण्यास सुरुवात होईल, असा अंदाज हवामान विभागाच्या सूत्रांनी वर्तविला आहे.  

अरबी समुद्राच्या दक्षिण भागात आणि विषवृत्ताच्या हिंद महासागराजवळ कमी दाबाचे क्षेत्र तयार झाले आहे. सोमवारी हे क्षेत्र निवळण्याची शक्यता आहे. तरीही त्याचा काही प्रभाव एक दोन दिवस राहणार असून, कोकण व मध्य महाराष्ट्रात हवामान अंशतः ढगाळ राहणार आहे. यामुळे किमान तापमान वाढणार आहे.

सध्या ढगाळ हवामानामुळे किमान तापमानात सरासरीच्या तुलनेत सात अंश सेल्सिअसपर्यंत वाढ झाली आहे. सोमवारी (ता. २) सकाळी आठ वाजेपर्यंतच्या चोवीस तासांत गोंदिया येथे सर्वांत कमी १५.४ अंश सेल्सिअसची तापमानाची नोंद झाली आहे. 

सध्या मराठवाडा व विदर्भातील काही भागांत हवामान कोरडे आहे. यामुळे या भागात काही प्रमाणात थंडी असल्याने किमान तापमान १५ ते १९ अंश सेल्सिअसच्या दरम्यान आहे. मराठवाड्यातही किमान तापमानात १६ ते १८ अंश सेल्सिअसच्या दरम्यान असून, सायंकाळनंतर हवेत गारवा तयार होत आहे. रात्री बारानंतर थंडीत वाढ होत असून, पहाटे किमान तापमानाचा पारा खाली येत आहे.

मध्य महाराष्ट्र व खानदेशातही ढगाळ हवामानामुळे किमान तापमानात किंचित वाढ झाली आहे. या भागात किमान तापमान १६ ते २१ अंश सेल्सिअसच्या दरम्यान आहे. कोकणातही तापमान २३ अंश सेल्सिअसच्या दरम्यान असून, या भागातून थंडी गायब झाली आहे.  

सोमवारी (ता. २) सकाळी आठ वाजेपर्यंतच्या चोवीस तासांतील विविध ठिकाणचे किमान तापमान, अंश सेल्सिअसमध्ये, कंसात वाढ, घट ः अकोला १७.० (२), अलिबाग २३.२ (३), अमरावती १६.६, औरंगाबाद १६.७ (४), बीड १८.७ (५), बुलडाणा १७.६ (२), चंद्रपूर १९.२ (५), डहाणू २३.४ (४), गोंदिया १५.४ (१), जळगाव १८.० (५), कोल्हापूर २१.१ (५), महाबळेश्वर १६.१ (२), मालेगाव १९.४ (७), मुंबई २३.४ (४), नागपूर १६.१ (३), नाशिक १७.६ (६), परभणी १७.४ (३), लोहगाव १८.५ (५), पुणे १६.८ (४), रत्नागिरी २४.१ (३), सांगली २१.६ (६), सातारा १८.७ (४), सोलापूर २१.९ (५), ठाणे २३.०, वर्धा १७.६ (३), यवतमाळ १६.०.


इतर अॅग्रो विशेष
बदनापूर येथे कडधान्य पिकांचे आदर्श ‘...वसंतराव नाईक मराठवाडा कृषी विद्यापीठांतर्गत...
बोराच्या दोनशे झाडांची उत्कृष्ट बागढवळपुरी (जि. नगर) येथील सुखदेव कचरू चितळकर यांनी...
खानदेशात साखर कारखान्यांना भासतोय उसाचा...जळगाव  : खानदेशातील जळगाव, नंदुरबार चार साखर...
हापूस आंब्याची पहिली पेटी कोल्हापूरला...सिंधुदुर्ग ः जिल्ह्यातील कुंभारमाठ (ता. मालवण)...
बाजार समित्यांत शेतकऱ्यांना थेट मतदान...मुंबई : राज्यातील कृषी उत्पन्न बाजार समित्यांच्या...
नीरेपासून साखरनिर्मितीचा रत्नागिरीत...रत्नागिरी ः नारळाच्या झाडातून काढल्या जाणाऱ्या...
परवाना निलंबनातही बिनदिक्कत खतविक्रीपुणे : ‘नियमांची पायमल्ली करून विदेशातून...
शेतकरी प्रश्न सुटण्यासाठी...मुंबई : राज्यात तालुकास्तरावर उद्यापासून...
शनिवारपासून किमान तापमानात घट होण्याची...पुणे : उत्तरेकडून येणाऱ्या थंड वाऱ्यांचे प्रवाह...
विमाभरपाई प्रक्रिया रिमोट सेन्सिंगशी...पुणे : पीककापणी प्रयोगाच्या आधारावर पंतप्रधान...
बाजार समिती निवडणुकीत शेतकऱ्यांना थेट...मुंबई : राज्यातील कृषी उत्पन्न बाजार...
मटण दरवाढीचा लाभ पशुपालकांना कधी?शेळीपालनाबरोबरच मेंढीपालनातही समस्यांचा ऊहापोह...
जैवविविधतेची नोंदणी गांभीर्याने घ्याराज्यातील खेड्यापाड्यांसह शहरांमध्ये असलेल्या...
‘पोकरा’अंतर्गत तांत्रिक सहकार्यासाठी...औरंगाबाद: नानाजी देशमुख कृषी संजीवनी प्रकल्पाच्या...
अनियमित थंडी ऊस रिकव्हरीच्या मुळावरकोल्हापूरः जानेवारीच्या पहिल्या आठवड्यातही ऊस...
देशात केवळ ३५ तेलबिया हबनिर्मितीनवी दिल्ली: देशातील तेलबिया उत्पादन वाढावे आणि...
राज्यात गारठा कमी, उकाडा वाढलापुणे : उत्तरेकडून येणाऱ्या थंड वाऱ्यांचे प्रवाह...
अलिबागचा पांढरा कांदा ‘जीआय’च्या वाटेवरपुणे : औषधी गुणधर्मांसाठी प्रसिद्ध असलेल्या...
बेकायदा विदेशी खत आयातीचे परवाने रद्दपुणे : विद्राव्य खतांची बेकायदा आयात व विक्री...
‘सुधाकर सीडलेस’ द्राक्ष वाणाचे...नाशिक : शिवडी (ता. निफाड) येथील शेतकरी सुधाकर...