Agriculture news in marathi In the collection of government milk scheme An increase of two thousand liters | Agrowon

अमरावतीत शासकीय दूध योजनेच्या संकलनात दोन हजार लिटरची वाढ 

टीम अॅग्रोवन
मंगळवार, 20 एप्रिल 2021

दुधाची उचल होत नसल्याने दूध व्यवसायिकांनी शासकीय दुग्ध योजनेला दूधाचा पुरवठा करण्यावर भर दिला आहे. त्यामुळे शासकीय दुग्ध योजनेच्या संकलनात दोन हजार लिटरची वाढ नोंदविण्यात आली आहे. 

अमरावती : कोरोनामुळे हॉटेल आणि दुग्धजन्य पदार्थ तयार करणारे व्यवसाय बंद आहेत. परिणामी दुधाची उचल होत नसल्याने दूध व्यवसायिकांनी शासकीय दुग्ध योजनेला दूधाचा पुरवठा करण्यावर भर दिला आहे. त्यामुळे शासकीय दुग्ध योजनेच्या संकलनात दोन हजार लिटरची वाढ नोंदविण्यात आली आहे. 

कोरोना प्रतिबंधात्मक उपाय योजना अंतर्गत जिल्ह्यात सुरुवातीला आठवडाभराचे लॉकडाउन जाहीर करण्यात आले होते. त्यानंतर राज्य सरकारने सरसकट पंधरा दिवसांची टाळेबंदी जाहीर केली. हॉटेल चालकांना पार्सल सुविधा देण्याची मुभा असली तरी मिठाई सारख्या पदार्थांना ग्राहकांची मागणी नाही. प्रतिबंधात्मक आदेशामुळे बाहेर फिरण्यावर देखील निर्बंध असल्याने चहा व्यवसायिकांनी देखील आपला व्यवसाय बंद ठेवण्यावर भर दिला आहे. त्यामुळे दुधाची मागणी घटली आहे. या साऱ्याच्या परिणामी दररोज संकलित होणाऱ्या दूधाचे करावे तरी काय असा प्रश्न दुग्ध व्यवसायीकांसमोर निर्माण झाला होता. त्यांच्याकडून आता शिल्लक दुधाचा पुरवठा शासकीय दुग्ध योजनेला केला जात आहे.

शासकीय दुग्ध योजनेला जानेवारी महिन्यात २४८७ लिटर दररोजची आवक होती. फेब्रुवारी महिन्यात शासकीय दूध योजनेला होणारा पुरवठा कमी झाला. फेब्रुवारी महिन्यात २१०० लिटर दुधाची आवक होत होती. आता एप्रिल महिन्यात मात्र शासकीय दुग्ध योजनेला होणारी आवक तब्बल दोन हजार लिटरने वाढली आहे. ती सरासरी चार हजार लिटरवर पोहोचल्याची माहिती जिल्हा दुग्ध विकास अधिकारी गिरीश सोनोने यांनी दिली.

आठ तालुका दुग्ध संकलन संघ, बावीस जिल्हा दुग्ध संकलन संघाकडून सध्या दुधाची खरेदी करण्यात येत आहे. त्यानंतर ते दूध जिल्हा दुग्ध विकास कार्यालयाला पाठविण्यात येते. येथे दुधावर प्रक्रिया होऊन पाकीट बंद दूध तयार करून त्याची एजन्सीमार्फत विक्री केली जाते. दूध पावडर निर्मिती करता १००० लिटर दूध भंडारा जिल्हा शासकीय दुग्ध उत्पादन संघाकडे पाठविण्यात येत असल्याची माहिती देखील देण्यात आली. 

खासगी खरेदी मंदावली 
३.५ व ८.५ एसएनएफ असलेल्या गाईच्या दुधाची खरेदी शासकीय दूध योजना अंतर्गत २५ रुपये लिटर नुसार करण्यात येत आहे. खासगी व्यावसायिकांकडून या तुलनेत ज्यादा दर मिळतात. मात्र कोरोनामुळे हॉटेल व्यवसाय प्रभावित झाल्याने खासगी खरेदी मंदावली आहे. दुसरा पर्याय नसल्याने शेतकरी दुग्ध योजनेला दुधाचा पुरवठा करीत आहेत. 
 


इतर बातम्या
विदर्भात पूर्वमोसमीचा जोर वाढणार पुणे : हिंद महासागराचा परिसर आणि अरबी समुद्राचा...
कांदाकोंडी टाळणेच योग्य पुणेः कोरोना संसर्ग रोखण्यासाठी नाशिक जिल्ह्यात...
मंत्री साहेब, कोटींच नुकसान होईल हो ! नाशिक: जिल्ह्याचे पालकमंत्री छगन भुजबळ यांनी...
साखर निर्यातीचा यंदा विक्रम? कोल्हापूर: साखर निर्यातीची गती पाहता यंदा...
कृषी निविष्ठा केंद्रे सुरू ठेवण्याचा...सांगली ः जिल्ह्यात १५ मे नंतर लॉकडाउन संपल्यानंतर...
नगर जिल्हा बॅंकेकडून मुख्यमंत्री...नगर ः कोरोना संकटाच्या सामन्यासाठी मदत म्हणून नगर...
बुलडाण्यात शेतकऱ्यांना पेट्रोल, डिझेल...बुलडाणा ः कोरोना संसर्गाची साखळी मोडून...
पारनेर बाजार समितीत कांदा खरेदी-विक्री...नगर ः कोरोनाची साखळी तोडण्यासाठी पारनेर कृषी...
कृषी निविष्ठा विक्रेत्यांच्या...पुणे ः राज्यातील कृषी निविष्ठा विक्रेत्यांच्या...
पूर्व विदर्भात ४५ लाख क्विंटल धान खराब...गोंदिया : भात उत्पादक पूर्व विदर्भातील पाच...
समूह सहायक, कृषी सहायकांनी पोकराच्या...अकोला : नानाजी देशमुख कृषी संजिवनी प्रकल्पात निवड...
`किमतीची शहानिशा करूनच रासायनिक खते...औरंगाबाद : ‘‘शेतकऱ्यांनी बॅगवरील किमतीची शहानिशा...
जळगावात वितरकांकडे कापूस बियाणे दाखल जळगाव ः जिल्ह्यात खरिपासंबंधी शेतकरी जशी उमेदीने...
साखर संघातर्फे मुख्यमंत्री सहायता निधीस...कोल्हापूर : महाराष्ट्र राज्य सहकारी साखर कारखाना...
खानदेशात कांद्याच्या दरात सुधारणाजळगाव ः खानदेशात कांद्याच्या दरात सुधारणा होत आहे...
कांदा बियाणे मळणीला खानदेशात आला वेगजळगाव ः खानदेशात कांदा बियाणे मळणी सुरू आहे. मळणी...
नांदेड जिल्ह्यात वीज पडून तिघांचा मृत्यूनांदेड : जिल्ह्यात पूर्व मोसमी पावसाने मागील काही...
एकाच अर्जाद्वारे शेतकऱ्यांना अनेक...सोलापूर : शेतकऱ्यांना सर्व योजनांचा लाभ एकाच...
हळदीच्या मुल्यसाखळीचा अभ्यास करावा ः...हिंगोली ः ‘‘शेतकऱ्यांनी हळद पिकाच्या मुल्यसाखळीचा...
नाशिकमध्ये पूर्वमोसमी पावसाचा ४५९...नाशिक : जिल्ह्याच्या विविध भागात एप्रिल...