agriculture news in Marathi colorful cotton production experiment Maharashtra | Agrowon

रंगीत कापसाचा प्रयोग यशस्वी

टीम अॅग्रोवन
मंगळवार, 19 जानेवारी 2021

शेतीचा व्यासंग जपलेल्या मारेगाव येथील परवेज मुजफ्फर पठाण यांनी प्रायोगिक तत्त्वावर रंगीत कापसाचे उत्पादन घेतले आहे.

यवतमाळ  ः शेतीचा व्यासंग जपलेल्या मारेगाव येथील परवेज मुजफ्फर पठाण यांनी प्रायोगिक तत्त्वावर रंगीत कापसाचे उत्पादन घेतले आहे. त्यांचा हा प्रयोग परिसरात चर्चेचा विषय ठरला असून, आंतरराष्ट्रीय स्तरावर नैसर्गिक रंग असलेल्या कापसाला चांगला दर असल्यामुळे बीजोत्पादनाच्या माध्यमातून लागवड क्षेत्र ५० एकरांपर्यंत विस्तारण्याचा त्यांचा मनोदय आहे. 

बुरांडा (ता. मारेगाव) येथील मिर्झा सलीम बेग हे परवेज पठाण यांचे नातेवाईक. मध्य प्रदेशातील एका महाविद्यालयात प्राध्यापक असलेल्या मिर्झा बेग यांनी शेती संशोधनात स्वतःला झोकून दिले होते. निवड पद्धतीने त्यांनी राजहंस नावाचे कापसाचे वाण विकसित करून शेतकऱ्यांना लागवडीसाठी दिले. या वाणाची उत्पादकता अधिक असल्याने शेतकऱ्यांकडूनही त्याला पसंती मिळाली होती. परंतु या वाणाचा व्यावसायिक वापर आणि विस्तार मिर्झा सलीम बेग यांना करता आला नाही. त्यांच्याकडूनच रंगीत कापसाचे बियाणे परवेज मुजफ्फर पठाण यांना मिळाले. 

बारा वर्षांपूर्वी पांढऱ्या कापसात खाडे (गॅप) भरण्याकामी याचा वापर परवेज पठाण करायचे. त्या वेळी रंगीत कापसाला मागणी नसल्यामुळे खाडे भरण्यापुरताचा त्याचा वापर होत होता. आता मात्र जागतिक आणि स्थानिकस्तरावर नैसर्गिक रंग असलेल्या कापसाला मागणी वाढली. त्या पार्श्‍वभूमीवर केंद्रीय कापूस संशोधन संस्थेने रंगीत कापूस वाणाच्या बीजोत्पादनाचा करार ‘महाबीज’ आणि डॉ. पंजाबराव देशमुख कृषी विद्यापीठासोबत केला आहे. या बाबतची माहिती मिळाल्यानंतर परवेज पठाण यांनी देखील आता रंगीत कापसाचे व्यावसायिक उत्पादन घेण्याचा निर्णय घेतला.

थेट लागवड शक्य
सरळ वाण असल्यामुळे याची थेट लागवड शक्‍य आहे. सुमारे ५० एकरांत त्याची लागवड येत्या हंगामात करण्याचा त्यांचा विचार असून, त्याकरिता कुटुंबाच्या १० एकर शेतीसोबतच उर्वरित क्षेत्र करारावर केले जाणार आहे. परवेज पठाण यांचा हा प्रयोग आत्महत्याग्रस्त यवतमाळ जिल्ह्यासाठी गेमचेंजर ठरणार का, हे पाहणे औत्सुक्‍याचे राहणार आहे.

प्रतिक्रिया
केंद्रीय कापूस संशोधन संस्थेने रंगीत कापूस लागवडीला प्रोत्साहन देण्याचा निर्णय घेतला आहे. त्यामुळे या कापसाच्या उत्पादनाला चांगले भविष्य असल्याची बाब हेरत येत्या हंगामात ५० एकरांपर्यंत रंगीत कापसाच्या लागवडीचा निर्णय घेतला आहे. 
- सलीम शेख, शेतकरी
 


इतर बातम्या
बुलडाण्यात बीजोत्पादनाचा भार महिलांच्या...बुलडाणा ः पूर्वापार होत असलेल्या शेतीत महिलांचे...
‘मागेल त्याला शेततळे’च्या ८४ कोटी...नगर ः कृषी विभागाच्या मागेल त्याला शेततळे...
कृषिपंप रिवाइंडिंग करणाऱ्या महिला...हिंगोली ः जिल्ह्यातील आखाडा बाळापूर (ता.कळमनुरी)...
बीज परीक्षण करतात ‘मिळून साऱ्याजणी’ परभणी ः परभणी येथील कृषी विभागाच्या ‘आयएसओ’...
अडीच कोटी उलाढाल करणाऱ्या शेतकरी...जळगाव ः वर्षाला सुमारे अडीच कोटी रुपये एकूण...
मनीषाताईंनी विकसित केले तीन गुंठ्यांत...सोलापूर ः पोषण मूल्यावर आधारित अवघ्या तीन...
शेतकरी, ग्रामीण भागाचे राज्याच्या...पुणे : राज्याचा अर्थसंकल्प आज (ता. ८) अर्थ व...
पोलिस पाटलांना दरमहा १५ हजार मानधन द्यानाशिक : पोलिस पाटील पद शासन यंत्रणेतील गाव...
महिलांची शेतकरी कंपनीच्या माध्यमातून...पुणे ः महिला उत्पादक शेतकऱ्यांचे संघटन करून...
...त्या तिघींनी पापड उद्योगातून जपली...कोल्हापूर : ‘त्या‘ तिघी एकमेकाला सावरणाऱ्या....
कांदा चाळीचे अखेर मिळाले अनुदाननगर ः कृषी विभागाने पूर्वपरवानगी दिल्यानंतर २०१८-...
हरभऱ्‍याचा उतारा यंदा घसरला, एकरी ३ ते...सुलतानपूर, जि. बुलडाणा : यंदाच्या हंगामात चांगला...
मुलींनी सांभाळली वडिलांची शेती नांदेड : हदगाव तालुक्यातील बनचिंचोली येथील गणेश...
‘समृद्धी’च्या सोबतीने बुलेट ट्रेन...अकोला : राज्यात साकारत असलेल्या नागपूर-मुंबई...
दीड एकरातील डाळिंबावर फिरवला नांगर रिसोड, जि. वाशीम : अपेक्षित उत्पादन मिळत नसल्याने...
हळदीला दराची झळाळी, उत्पादनातील घटीने...नागपूर : यंदा मागील दोन महिन्यांत हळदीच्या भावात...
अर्हता डावलून दिली जातेय कृषी विभागात... नागपूर : वर्ग चार ते कृषी सहाय्यक पदोन्नतीसाठी...
विदर्भात अवकाळीची शक्यता पुणे : दक्षिण आसामच्या परिसरात चक्रीय स्थिती तयार...
सरकारी आकड्यांपेक्षा हरभरा उत्पादनात घट यंदाच्या हंगामात सुरुवातीपासूनच पिकांना बदलत्या...
म्हैसाळ योजनेचे पाणी तिसऱ्या टप्प्यात... सांगली : म्हैसाळ योजनेचे पंप धिम्या गतीने सुरू...