Agriculture news in marathi Commodity mortgage scheme of five market committees started | Agrowon

पाच बाजार समित्यांची शेतमाल तारण योजना सुरू

टीम अॅग्रोवन
रविवार, 1 डिसेंबर 2019

शेतकऱ्यांच्या शेतमालाला योग्य भाव मिळावा, यासाठी शेतमाल तारण योजना आहे. बाजार समित्यांना योजनेसाठी पाच लाख अग्रीम देण्याचीही तरतूद आहे. त्यामुळे शेतकरी व बाजार समित्यांनी योजनेचा लाभ घ्यावा.
- जी. सी. वाघ, उपसरव्यवस्थापक,  राज्य कृषी पणन मंडळ, विभागीय कार्यालय, औरंगाबाद

औरंगाबाद : येथील राज्य कृषी पणन मंडळाच्या कार्यालयांतर्गत येत असलेल्या ३६ पैकी पाच बाजार समित्यांनी शेतमाल तारण योजना राबविण्यास सुरुवात केली आहे. २९ नोव्हेंबर २०१९ अखेर पाचही बाजार समित्यांतर्गत ८४ शेतकऱ्यांनी आपला शेतमाल तारण योजनेंतर्गत तारण ठेवून त्या बदल्यात आपला शेतमाल अपेक्षित दर मिळेल, या आशेने न विकता राखून ठेवला आहे. 

शेतकऱ्यांना हमी अथवा अपेक्षित दरापेक्षा कमी दराने आपला शेतमाल विकण्याची वेळ येऊ नये. प्रसंगी गरज भागविण्यासाठी शेतमाल अत्यल्प व्याजदराने तारण ठेवून त्यांना हवी असलेली रक्‍कम मिळावी, त्यांची गरज भागली जावी, यासाठी राज्य शासनाच्या कृषी पणन मंडळाने शेतमाल तारण कर्ज योजना आणली. त्याला अनुसरून औरंगाबाद येथील राज्य कृषी पणन मंडळाच्या विभागीय कार्यालयांतर्गत येत असलेल्या औरंगाबाद, जालना, परभणी व हिंगोली या चार जिल्ह्यांत परिणामकारकरीत्या राबविण्यासाठी कृषी पणन मंडळातर्फे जागृती केली गेली. त्याचा परिणाम म्हणून २०१८-१९ मध्ये औरंगाबाद जिल्ह्यातील सिल्लोड, हिंगोली जिल्ह्यातील हिंगोली, जवळा बाजार, वसमत, परभणी जिल्ह्यातील सेलू, परभणी, पाथरी, मानवत, जिंतूर तसेच जालना जिल्ह्यातील परतूर, जालना, मंठा, घनसावंगी, अंबड मिळून जवळपास १४ बाजार समित्यांनी ही योजना राबविली. 

या चारही जिल्ह्यांतील ५८५ शेतकऱ्यांनी २५९३४ क्‍विंटल मका, हळद, सोयाबीन, तूर, चना, गहू, मुग, उडीद आदी शेतमाल शेतकऱ्यांनी तारण योजनेंतर्गत तारण ठेवला होता. जवळपास ६ कोटी ३१ लाख १३ हजार ४ रुपये बाजार समितीने अदा केले. पणन मंडळाने त्यापैकी ३ कोटी ७० लाख ४७ हजार ३२४ रुपयांची प्रतिपूर्ती केली होती. काही बाजार समित्यांनी स्वनिधीतून ही योजना राबविली होती. साधारणपणे १ ऑक्‍टोबर ते ३० सप्टेंबरदरम्यान राबविल्या जाणाऱ्या या योजनेंतर्गत जालना जिल्ह्यातील परतूर, जिंतूर, परभणी, पाथरी, मानवत या पाच बाजार समित्यांनी शेतमाल तारण कर्ज योजना राबविण्यास सुरुवात केली.

८४ शेतकऱ्यांचा शेतमाल तारण

२९ नोव्हेंबरअखेरपर्यंत जवळपास ८४ शेतकऱ्यांनी सोयाबीन, हळद आदी ३८९२ क्‍विंटल ७२ किलो शेतमाल तारण ठेवला. १२ कोटी ४७ लाख ५ हजार ४७०रुपयांच्या या शेतमालासाठी बाजार समितीने ९१ लाख ४७ हजार १७ रुपये ६ टक्‍के कर्ज रूपात अदा केले. त्यापैकी ३० लाख ८३ हजार ९४४ रुपयांची प्रतिपूर्ती केल्याची माहिती पणन मंडळाने दिली.


इतर ताज्या घडामोडी
अंजीर-सिताफळ संशोधन केंद्राचे प्रमुख डॉ...पुणे : महात्मा फुले कृषी विद्यापिठाच्या ...
तोलाई मजुरीसाठी सांगली बाजार समितीच्या...सांगली : कृषी उत्पन्न बाजार समितीमध्ये तोलाई...
परभणी जिल्ह्यात सिंचनाची ५० कोटींवर...परभणी : जिल्ह्यातील लघू, मध्यम, मोठ्या...
खानदेशात रब्बी ज्वारी, मक्यावर लष्करी...जळगाव : खानदेशात खरिपात शेतकऱ्यांना फटका बसलेला...
परभणीत गाजर ८०० ते १५०० रुपये...परभणी  : येथील पाथरी रस्त्यावरील फळे...
औरंगाबाद, जालना, बीड जिल्ह्यांत साडेआठ...औरंगाबाद : औरंगाबाद, जालना, बीड या तीन...
अमरावती विभागात सहा लाख ८३ हजार शेतकरी...अमरावती ः महात्मा जोतिराव फुले शेतकरी कर्जमुक्ती...
एम्प्रेस गार्डनच्या पुष्पप्रदर्शनाला...पुणे ः एम्प्रेस बोटॅनिकल गार्डनच्या वतीने आयोजित...
अकोल्यात भारिप, वाशीममध्ये...अकोला ः जिल्हा परिषदेच्या अध्यक्ष-उपाध्यक्ष...
पुणे जिल्ह्यात उद्या पल्स पोलिओ लसीकरण...पुणे : पोलिओच्या आजाराचे उच्चाटन करण्याच्या...
पत्नीच्या नावे कामकाजासाठी येणाऱ्या...बुलडाणा ः स्थानिक स्वराज्य संस्थांमध्ये महिलांना...
पाणी, शेती विकासासह समाजकारणाला...नगर : निवडणुकीत पराभव मी मानत नाही. लोकांचे...
पुणे जिल्ह्यात ज्वारी पिकावर चिकट्याचा...पुणे ः पुणे जिल्ह्याच्या पश्चिम जिरायत भागात...
प्रशासकीय कामकाज सेवा हमी कायद्यानुसार...अकोला ः शासकीय योजनांचा लाभ लाभार्थ्यांपर्यंत...
वीज रोहित्र ४८ तासांत बदलून द्या;...अकोला ः वीज रोहित्रांबाबत शेतकऱ्यांच्या असंख्य...
अर्थसंकल्पात शेतकऱ्यांना न्याय न...मुंबई ः केंद्र सरकारचे कृषीविषयक धोरण सातत्याने...
पुणे, मुंबई बाजार समितीच्या निवडणुका...पुणे ः उच्च न्यायालयाच्या आदेशाने सुरू असलेल्या...
फडणवीस सरकारच्या टेंडर मॅनेजमेंट...मुंबई ः काँग्रेस पक्षाने २६ ऑगस्ट २०१९ व २९ ऑगस्ट...
शेतीमाल निर्यातबंदी उठवण्यासाठी लढा...औरंगाबाद : शेतकऱ्यांना दिलेली आश्‍वासने पूर्ण...
साखर उद्योग सक्षम करण्यासाठी प्रयत्नशील...पुणे ः साखर उद्योगाचे एक चक्र असून, या उद्योगाला...