पुणे बाजार समितीत पावटा, बटाट्याचे दर वधारले

पुणे  ः गुलटेकडी येथील कृषी उत्पन्न बाजार समितीत रविवारी (ता. ९) भाजीपाल्याची सुमारे १६० ट्रक आवक झाली हाेती. गेल्या आठवड्याच्या तुलनेत आवक आणि दरदेखील स्थिर हाेते. बटाटा आणि पावट्याला मागणी वाढल्याने त्यांच्या दरात १० ते २० टक्क्यांनी वाढ झाली हाेती.

आवकेत परराज्यातून कर्नाटक आणि गुजरात येथून सुमारे ६ ट्रक कोबीची, गुजरात, कर्नाटक आणि आंध्र प्रदेश येथून सुमारे २२ टेम्पो हिरवी मिरचीची, बंगळूर येथून २ टेम्पो आलेची, आंध्र प्रदेश आणि तमिळनाडू येथून ४ टेम्पो शेवग्याची, इंदोर येथून २ टेम्पो गाजराची, कर्नाटकमधून भुईमूग शेंगांची ३ टेम्पो, मध्य प्रदेश आणि गुजरातमधून लसणाची साडेचार ते पाच हजार गोणी आवक झाली हाेती.

स्थानिक आवकेमध्ये सातारी आल्याची सुमारे १५०० पोती, टॉमेटोेची पाच हजार क्रेट, फ्लॉवर आणि काेबीची प्रत्येकी सुमारे १२ टेम्पो, गवारीची ४ टेम्पो, भेंडीची १० टेम्पो, शेवग्याची ४ टेम्पो, ढोबळी मिरचीची १२ टेम्पो, हिरवी मिरचीची ४ टेम्पो, मटारची १०० गोणी, काकडी आणि कारलीची प्रत्येकी सुमारे ८ टेम्पो, पावट्याची ६ टेम्पो, भुईमुगाची १०० पोती, कांद्याची सुमारे १२५ ट्रक, आग्रा, इंदौर आणि तळेगाव येथून बटाट्याची सुमारे ५० ट्रक आवक झाली हाेती.

फळभाज्यांचे दर (प्रति दहा किलो) ः कांदा : ८०-११०, बटाटा : १५०-२००, लसूण : १५०-३००, आले : सातारी : ४००-५००, बंगलाेर ३५०-४००, भेंडी : १५०-२००  गवार : ३००-४००, टोमॅटो : ४०-८०, दोडका : २००-३०० हिरवी मिरची : १५०-२००, दुधी भोपळा : ६०-१४०, चवळी : १५०-२००,काकडी : १००-१४०, कारली : हिरवी २५०-३००, पांढरी : १८०-२००, पापडी : २००-२५०, पडवळ : १६०-१८०, फ्लॉवर : १२०-१८०, कोबी : ४०-८०, वांगी : १५०-२५०.

डिंगरी : १६०-१८०, नवलकोल : ८०-१००, ढोबळी मिरची : १५०-२००, तोंडली : कळी २५०-३००, जाड : १२०-१४०, शेवगा : ३००-३५०, गाजर : १००-१६०, वालवर : २५०-३००, बीट : ६०-१००, घेवडा : २००-२५०, कोहळा : १५०-२००, आर्वी : २५०-३००, घोसावळे : १६०-१८०, ढेमसे : २००-२५०, भुईमूग : ३००-३५०, पावटा : २५०-३००, मटार : ६००-७००, तांबडा भोपळा : ४०-१००, सुरण : २२०-२४०, मका कणीस : ५०-१००, नारळ (शेकडा) : १०००-१६००.

पालेभाज्यांमध्ये कोथिंबिरीची सुमारे दीड लाख तर मेथीची सुमारे एक लाख जुड्या आवक झाली हाेती. पालेभाज्यांचे दर (शेकडा जुडी) ः कोथिंबीर : ५००-१२००,  मेथी : ३००-७००, शेपू : ५००-७००, कांदापात : ५००-८०० चाकवत : ५००-६००, करडई : ४००-५००, पुदिना : २००-३००, अंबाडी : ५००-६००, मुळे : ५००-८००, राजगिरा : ४००-६००, चुका : ५००-८००, चवळई : ४००-६००, पालक : ४००-५००.

फळबाजार : रविवारी (ता. ९) येथील फळबाजारात मोसंबीची सुमारे ८० टन, संत्रीची ४० टन, डाळिंबाची ४०० टन, पपईची २५ टेम्पोे, चिक्कूची १ हजार गाेणी आणि बॉक्स, पेरूची ४०० क्रेटस्, कलिंगडाची २० टेम्पो, खरबुजाची ७ टेम्पो तर सीताफळाची ८ टन आवक झाली हाेती. फळांचे दर : लिंबू (प्रति गोणी) : १५०-४००, मोसंबी : (३ डझन) : १००-२००, (४ डझन) : ४०-१००, संत्रा : (३ डझन) १००-२५०, (४ डझन) : ४०-१००, डाळिंब (प्रति किलोस) : भगवा : २०-७५, गणेश ५-२५, आरक्ता १०-४०. कलिंगड : ५-१३, खरबुज : १०-३०, पपई : ५-२५, चिक्कू : ३००-७००, पेरू (२० किलो) : ४००-५००, सीताफळ : २०-८०, सफरचंद - सिमला (२५ ते ३० किलो) १३००-२६००.

फुलांचे दर (प्रति किलो) : झेंडू : ५-३०, गुलछडी : ८०-१५०, बिजली : २०-५०, कापरी : १०-३०, शेवंती ४०-६०, ऑस्टर : ८-१४, गुलाबगड्डी (गड्डीचे भाव) :१५-२५, गुलछडी काडी : १०-४०, डच गुलाब (२० नग) : ७०-१२०, लिलिबंडल : ८-१२, जर्बेरा : ३०-६०, कार्नेशियन : ८०-१५०, शेवंती ४०-६०

मटण-मासळी श्रावण महिना संपल्यामुळे मटण, मासळी, चिकन आणि अंडी यांच्या मागणीत वाढ होऊ लागली आहे. मात्र पुढील आठवड्यात गणेशोत्सव सुरू होत असल्याने त्या कालावधीत मागणी मर्यादित राहण्याचा अंदाज असल्याने गरजेनुसारच मालाची आवक केली जात आहेत. रविवारी (ता. ९) खोल समुद्रातील मासळीची सुमारे ८ टन, खाडीची सुमारे ५०० किलो आणि नदीची सुमारे ८०० किलो आवक झाली हाेती. आंध्र प्रदेशातील रहू, कतला, सीलन आदी मासळीची सुमारे १० टन आवक झाली. मागणीत वाढ झाल्याने गावरान आणि इंग्लिश अंड्याच्या भावांत शेकड्यामागे ४० रुपयांनी वाढ झाली हाेती.

भाव (प्रतिकिलो) : पापलेट : कापरी : १३००-१४००, मोठे : १४००, मध्यम : ७५०-८५०, लहान : ५५०-६५०, भिला : ४००-५००, हलवा : ४००-४८०, सुरमई : लहान : ३६०-४००, मोठी : ५००-५५०, रावस : लहान : ४८०-५५०, मोठा : ६५०, घोळ : ५५०, करली : २८०-३२०, भिंग : २८०, पाला : ७००-८००, वाम : पिवळी : ३२०-३६०, काळी : २४०-२८०, ओले बोंबील : लहान : ८०, मोठे : १००-१२०.

कोळंबी : लहान : १६०-२००, मोठी : ४००-४४०, जंबोप्रॉन्स : १२००, किंगप्रॉन्स : ६५०-७५०, लॉबस्टर : १२००, मोरी : २००, मांदेली : १००, राणीमासा : १६०, खेकडे : १८०, चिंबोऱ्या : ४००-४४०. खाडीची मासळी :  सौंदाळे : २४०-२८०, खापी : १६०-२००, नगली : लहान : २००-२४०, मोठी : ४००-४४०, तांबोशी : ३००, पालू : २००, लेपा : १००-२००, शेवटे : १२०-२४०. बांगडा : लहान : १००-१२०, मोठा : १६०-१८०, पेडवी : ४०, बेळुंजी : १००, तिसऱ्या : १६०, खुबे : १२०, तारली : १००.

नदीची मासळी :   रहू : १२०, कतला : १४०, मरळ : २८०, शिवडा : १४०, चिलापी : ४०-५०, मांगूर : ८०, खवली : १४०, आम्ळी : ६०, खेकडे : १२०, वाम : ४००. मटण : बोकडाचे : ४८०, बोल्हाईचे : ४८०, खिमा : ४८०, कलेजी : ५२०. चिकन : चिकन : १३०, लेगपीस : १६०, जिवंत कोंबडी : १००, बोनलेस : २४०. अंडी : गावरान : शेकडा : ६५०, डझन : ९०, प्रति नग : ७.५० इंग्लिश :  शेकडा : ३७०, डझन : ५४, प्रतिनग : ४.५०.