सांगली येथे गूळ ३२०० ते ३८७५ रुपये क्विंटल

सांगली  : येथील बाजार समितीत शनिवारी (ता. १४) गुळाची १८६४ क्विंटल आवक झाली. गुळास ३२०० ते ३८७५ रुपये तर सरासरी ३४३० रुपये क्विंटल असा दर मिळाल्याची माहिती बाजार समितीच्या सूत्रांनी दिली.

येथील शिवाजी मंडईत शनिवारी वांग्याची ३० ते ४० बॉक्स (एक बॉक्स २० किलोचे) आवक झाली. त्यास ४०० ते ५०० रुपये प्रतिदहा किलो असा दर होता. कारल्याची १२५ पिशव्यांची (दहा किलोची एक पिशवी) आवक झाली. कारल्याला २५० ते ३०० रुपये प्रतिदहा किलो असा दर मिळाला. हिरवी मिरचीची ५० पोती (एक पोते ५० किलोचे) आवक झाली. मिरचीला ३५० ते ४५० रुपये प्रतिदहा किलो असा दर मिळाला. ढोबळी मिरचीची ५० बॉक्स (एक बॉक्स २० किलोचे) आवक झाली. या मिरचीला ३०० ते ४०० रुपये प्रतिदहा किलो असा दर मिळाला. टोमॅटोची ३०० क्रेट आवक झाली.

टोमॅटोला १०० ते १२० रुपये प्रतिदहा किलो असा दर मिळाला. कोथिंबिरीची १० हजार पेंड्या आवक झाली. कोथिंबिरीस प्रतिशेकडा ८०० ते १००० रुपये असा दर मिळाला. पालकाची १६०० ते २००० पेंड्या आवक झाली. पालकाला प्रतिशेकडा ५०० ते ६०० रुपये असा दर मिळाला. कांदा पातीची १२०० पेंड्या आवक झाली. कांदा पातीस प्रतिशेकडा ७०० ते ८०० रुपये असा दर होता. मेथीची ३००० पेंड्या आवक झाली. मेथीला प्रतिशेकडा ७०० ते ८०० रुपये असा दर मिळाला. चाकवतची ६०० पेंड्या आवक झाली. चाकवतास प्रतिशेकडा ७०० ते १००० रुपये असा दर होता. शेपूची १००० पेंड्या आवक झाली होती. शेपूस प्रतिशेकडा ६०० ते ७०० रुपये असा दर होता. लिंबाची ४० गोणीची आवक झाली. त्यास प्रतिशेकडा ३०० ते ४०० रुपये असा दर होता.