सोलापूर जिल्ह्यात पीकविम्याबाबत कंपन्या सुस्तच

तीन हेक्‍टरवर सोयाबीन आहे. पण गेल्या आठवड्यातील पावसाने ते पूर्णपणे पाण्यात गेले आहे. सोयाबीनचा विमा उतरवला आहे. पण झालेल्या नुकसानीचे पंचनामे अद्याप झालेले नाहीत. विम्याची भरपाई कधी आणि कशी मिळणार? - वासुदेव रेळेकर, शेतकरी, शेळगाव (आर), ता. बार्शी
सोलापूर जिल्ह्यात पीकविम्याबाबत कंपन्या सुस्तच
सोलापूर जिल्ह्यात पीकविम्याबाबत कंपन्या सुस्तच

सोलापूर : परतीच्या पावसाने जिल्ह्याला यंदा चांगलाच दणका दिला. पण खरीप हंगामातील पीकविम्याबाबत अद्याप प्रशासन आणि विमा कंपन्यांच्या स्तरावर काहीच हालचाली नाहीत. नुकसानीच्या पंचनाम्याबाबतच अद्याप काही स्पष्ट झालेले नाही. तिथे विम्याच्या भरपाईचे काय? अशी स्थिती आहे. 

गेल्या आठवड्यात झालेल्या पावसाने जिल्ह्यातील खरीप आणि रब्बीच्या पिकांचे मोठे नुकसान झाले. या पार्श्‍वभूमीवर कृषी विभागाकडून प्राथमिक स्तरावर नुकसानीची माहिती नजरअंदाजाने गोळा करण्याचे काम सुरू आहे. पण खरिपातील विम्यासाठी प्रशासन, बॅंका वा विमा कंपन्यांकडून अद्यापही काहीच हालचाल नाही. जिल्ह्याचा मुख्य हंगाम रब्बी असल्याने खरिपातील पेरणी आणि विम्याचा टक्काही अगदीच कमी असतो.

जिल्हा प्रशासन आणि कृषी विभागाकडेही याबाबत माहिती नाही, काही तालुक्‍यात नुकसानीची माहिती भरून घेण्यासाठी काही कंपन्यांकडून फॉर्म दिले जात असल्याचे सांगितले गेले. पण त्याची अधिकृत माहिती प्रशासनाकडे नाही. केवळ नुकसानीची माहिती येऊ द्या, त्यानंतर विम्याबाबतही कार्यवाही सुरू होईल, असे सांगण्यात आले. 

विम्याच्या भरपाईबाबत निराशा

गेल्या दोन वर्षात मात्र सततच्या दुष्काळाच्या स्थितीमुळे शेतकरी जागृत झाले आहेत, विमा भरत आहेत. पण परताव्यासाठी त्यांची ससेहोलपट होत आहे. गेल्या वर्षी याचा अनुभव शेतकऱ्यांनी घेतला आहे. अनेक शेतकऱ्यांना विमा भरूनही भरपाई मिळालेली नाही. गतवर्षी सुमारे ५३ कोटीपेक्षाही अधिक रक्कम शेतकऱ्यांना विम्यापोटी मंजूर झाली होती. पण गेल्या वर्षीच्या विम्याची रक्कम अजून काही शेतकऱ्यांना मिळाली नाही. अनेक गावात विमा हप्ता भरूनही केवळ ५ ते १० टक्के शेतकऱ्यांनाच तो मंजूर झाल्याचे चित्र होते. त्यामुळे विम्याच्या भरपाईबाबत निराशाच आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com