डिजिटल सातबारावर मिश्रपिकांची नोंद होईना

डिजिटल सातबारावर मिश्रपिकांची नोंद होईना
डिजिटल सातबारावर मिश्रपिकांची नोंद होईना

जळगाव  : डिजिटल सातबारावर यंदाही मिश्रपिकांची नोंद होत नसल्याची स्थिती आहे. एक हेक्‍टर तुरीच्या पिकात मुगाचे आंतरपीक किंवा मिश्रपीक घेत असलेल्या शेतकऱ्यांना हा अनुभव आला असून, ते तलाठी कार्यालयाचे खेटे घालून कंटाळले आहेत. जिल्हाधिकारी यांनाही या समस्येबाबत पत्र त्यांनी दिले असून, शेतकरी हितासाठी तातडीने कार्यवाही करण्याची मागणी शेतकऱ्यांनी केली आहे.

गाळण (ता. पाचोरा) येथील शेतकरी आतीष पाटील यांना हा अनुभव आला आहे. ते म्हणाले, ‘‘मागील वर्षी एक हेक्‍टर तुरीत मुगाचे आंतरपीक घेतले. तूर व मुगाचे दर खासगी बाजारात कमी असल्याने ते शासकीय धान्य खरेदी केंद्रात विक्री करण्याचे ठरविले. तेथे सातबारा मागतात. तलाठ्याकडे पीकपेऱ्याची आंतरपीक किंवा मिश्रपिकाची नोंद करून मागितली; पण त्याने ऑनलाइन किंवा डिजिटल सातबारात मिश्र पिकांची नोंदच नाही, असे म्हटले. या समस्येवर उपाय म्हणून तलाठ्याने ५० गुंठे तूर व ५० गुंठे मुगाची नोंद करा, असा सल्ला दिला. तसा होकार देऊन नोंद करून घेतली; पण जेव्हा शासकीय खरेदी केंद्रात तूर विक्रीसाठी गेलो तेव्हा हेक्‍टरी १० क्विंटलच तूर खरेदी करण्याची अट या केंद्राने लावली होती. मला तर हेक्‍टरी २५ क्विंटल तुरीचे उत्पादन आले. मग उर्वरित तुरीची विक्री खासगी बाजारात करण्याची वेळ आली.’’

मिश्रपिकांची नोंद डिजिटल सातबारावर करण्याबाबत मिश्रपिकांचा पर्यायच (ऑप्शन) डिजिटल यंत्रणेत दिलेला नसल्याचे तलाठी सांगतात. मिश्रपिकांची नोंद असलेला डिजिटल सातबारा हवा आहे. ती नोंद होत नसेल तर हस्तलिखित नोंद गृहीत धरावी, अशी मागणी पाटील यांनी केली आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com