agriculture news in marathi, Complaints about the issue of insurance returns | Agrowon

विमा परताव्याच्या प्रश्नांवर तक्रारींचा पाऊस

टीम अॅग्रोवन
शनिवार, 14 जुलै 2018

औरंगाबाद : लातुरातील प्रधानमंत्री पीकविमा योजनेच्या लाभधारकांचं कोडं सुटलं तरी विमा परतावा मिळाला नाही, मिळाला तर संरक्षित रकमेच्या तुलनेत कमी मिळाला, काहींना मिळाला काहींना नाही. यांसह अनेक तक्रारींचा पाऊस प्रत्येक जिल्ह्यात होत असून, जालन्यात तर जिल्हाधिकारी कार्यालयात उघडलेल्या कक्षात विम्याविषयीच्या कैफियती मांडण्याची वेळ शेतकऱ्यांवर आली आहे.

औरंगाबाद : लातुरातील प्रधानमंत्री पीकविमा योजनेच्या लाभधारकांचं कोडं सुटलं तरी विमा परतावा मिळाला नाही, मिळाला तर संरक्षित रकमेच्या तुलनेत कमी मिळाला, काहींना मिळाला काहींना नाही. यांसह अनेक तक्रारींचा पाऊस प्रत्येक जिल्ह्यात होत असून, जालन्यात तर जिल्हाधिकारी कार्यालयात उघडलेल्या कक्षात विम्याविषयीच्या कैफियती मांडण्याची वेळ शेतकऱ्यांवर आली आहे.

विमा भरल्याची पावती आहे. मंडळात त्या पिकाचा विमा मंजूर आहे. काहींना विमा परतावा मिळाला तर काहींना मिळत नाही, असं का? असा प्रश्न शेतकऱ्यांना पडला आहे. जालना जिल्हाधिकारी कार्यालयात तर विमा परतव्याविषयी आपली गाऱ्हाणी मांडण्यासाठी एक कक्ष सुरू करण्यात आला आहे. त्या कक्षात संबंधित विमा कंपनीचे प्रतिनिधीही आहेत. या कक्षात आपली गाऱ्हाने मांडण्यासाठी शेतकरी मोठ्या संख्येने येत आहेत. ही बाब विमा परतवा शेतकऱ्यांना अजूनही मिळत नसल्याचे अधोरेखित करणारी ठरली आहे. सर्व पुरावे, विमावाले लोक व प्रशासन असताना लगेचच प्रश्न का सुटत नाही, असा प्रश्न शेतकरी उपस्थित करीत आहे.

बॅंकेत कुटुंबातील सहा खात्यांत विम्याचा हप्ता एकाच वेळी भरला. पाच खात्यांवर कंपनीने संरक्षित रकमेच्या तुलनेत परतावा कमी मंजूर केला. तर एका खात्यावर अजून काहीच मिळालं नाही.
- ईश्वर पाटील,
तिडका, ता. सोयगाव, जि. औरंगाबाद.

गतवर्षी विमा भरण्यासाठी तारीख वाढविल्याचा फायदा कुणालाच मिळाला नाही. गत हंगामात १ हेक्‍टर ७० आर क्षेत्राचा विमा उतरविला त्याचा परतावा अजून नाही. अनेक ऑनलान विमा भरणाऱ्यांना परतावाच नाही.
- ज्ञानोबा तिडके,
पांगरी, ता. परळी, जि. बीड.

आम्ही गत हंगामात सोयाबीन, मूग, उडदासाठी ११०४ रुपये विमा हप्ता भरला. त्याचा परतावा म्हणून मूग, उडदाचे १६२३ रुपये खात्यावर आले. सोयाबीनचा अजून रुपया नाही. जिल्हाधिकारी कार्यालयात तक्रार निवारण कक्ष सुरू झाला. त्यात याविषयी माहिती दिली, तर महिन्यानं येईल म्हणतात.
- अंगद डिक्‍कर, रेवगा, ता. जि. जालना

जिल्हाधिकारी कार्यालयातील तक्रार कक्षात भरलेलेल्या विमा रकमेचा परतावा नाही, म्हणून चौकशी केली तर माझा परतावा दुसऱ्याचा खात्यात गेल्याचं कळलं. त्यांनी पैसे कोणत्या खात्यात गेले हे टिपलंय. पाहू काय होतं ते.
- दीपक जगताप,
घोटन, ता. जि. जालना

३२० रुपये विमा हप्ता भरला. एक रुपयाही आला नाही. महिन्यापूर्वी विमा कंपनीच्या हेडऑफीसला भेटलो ते महिन्यानं येईल म्हणे. आता जिल्हाधिकारी कार्यालयातील कक्षात कळवलं तर तेथेही तेच उत्तर. पावती आहे, परतव्यासही पात्र, विमा मंजूर, कंपनीचेही लोक आहेत, मग लगेच प्रश्न का सुटत नाही कळत नाही.
- सखाराम गोल्डे,रेवगा, ता. जि. जालना


इतर अॅग्रो विशेष
सोयाबीन दर विक्रमी पातळी गाठण्याचे संकेतनवी दिल्ली : देशातील महत्त्वाच्या सोयाबीन...
`उज्ज्वला` योजनेत मोठा भ्रष्टाचारनवी दिल्ली (वृत्तसंस्था) : पंतप्रधान नरेंद्र मोदी...
गारठा पुन्हा वाढणारपुणे  ः राज्यात अंशतः ढगाळ हवामान असून...
पूरबाधित ऊस तोडीस कारखान्यांकडून टाळाटाळपुणे  ः राज्यातील गाळप हंगाम सुरू होऊन...
नाशिक जिल्ह्यात द्राक्षमणी पोखरणाऱ्या...नाशिक  : जिल्ह्यात द्राक्ष पीक फुलोरा व मणी...
मराठवाड्यातील ५५ प्रकल्प कोरडेचऔरंगाबाद : ऑक्‍टोबरमधील पावसाने दुष्काळाने...
पंजाबचे पशुपालक वापरतात सुधारित तंत्रलुधियाना (पंजाब) येथे प्रोग्रेसिव्ह डेअरी...
शेती, दुग्धव्यवसायाने बनविले...कोल्हापूर जिल्ह्यातील शेळेवाडी (ता. राधानगरी)...
म्हणे शेतात, पीक असल्याने वीज जोडणीस...अमरावती  ः शेतात पीक असल्यामुळे शेतकरी वीज...
देशी गोसंगोपन, गांडूळखतासह दूध...सातारा जिल्ह्यातील कोपर्डे हवेली (ता. कऱ्हाड)...
दर्गनहळ्ळी येथे वाढलाय पक्ष्यांचा...सोलापूर : पूर्वी सूर्यकिरणांसोबतच पक्ष्यांचा...
अवकाळी पावसामुळे बाधितांसाठी साडेचार...मुंबई : ऑक्टोबर, नोव्हेंबर महिन्यांतील अवकाळी...
डाळिंब बियाच्या तेलापासून ‘सॉफ्टजेल...सोलापूर ः येथील राष्ट्रीय डाळिंब संशोधन केंद्राने...
मध्य महाराष्ट्र, मराठवाडा, विदर्भात...पुणे  ः मध्य महाराष्ट्र, मराठवाडा व...
आव्हाने खूप सारी, तरीही मधमाशीपालनात...नाशिक येथे पूर्वा केमटेक या कंपनीतर्फे नुकताच...
आकस्मिकता निधीच्या मर्यादेत तात्पुरत्या...मुंबई : महाराष्ट्र आकस्मिकता निधीच्या...
खासगी प्रवासी बसमधून शेतमाल वाहतुकीला...सोलापूर : राज्याच्या ग्रामीण भागातून मुंबई,...
राज्यात बोरं ८०० ते ४००० रुपये...सोलापूर : सोलापूर कृषी उत्पन्न बाजार समितीच्या...
विदर्भात वादळी पावसाची शक्यता पुणे ः विदर्भाच्या काही भागांत हवामान ढगाळ आहे....
मूळ समस्यांशी थेट भिडावे लागेल ऑगस्टपर्यंत पावसाची वाट पाहणारा शेतकरीवर्ग...