agriculture news in marathi Complete all works before monsoon: Collector Chaudhary | Agrowon

सर्व कामे पावसाळ्यापुर्वी पूर्ण करा : जिल्हाधिकारी चौधरी

टीम अॅग्रोवन
शनिवार, 23 मे 2020

औरंगाबाद : पावसाळ्यापूर्वी आवश्यक असणारी सर्व कामे वेळेत पूर्ण करण्याच्या सूचना जिल्हाधिकारी उदय चौधरी यांनी शुक्रवारी (ता २२) जिल्ह्यातील सर्व वरिष्ठ अधिकारी, उपविभागीय अधिकारी, तहसीलदार, मुख्याधिकारी यांना दिल्या.

औरंगाबाद : पावसाळ्यापूर्वी आवश्यक असणारी सर्व कामे वेळेत पूर्ण करण्याच्या सूचना जिल्हाधिकारी उदय चौधरी यांनी शुक्रवारी (ता २२) जिल्ह्यातील सर्व वरिष्ठ अधिकारी, उपविभागीय अधिकारी, तहसीलदार, मुख्याधिकारी यांना दिल्या. 

मॉन्सूनपूर्व करावयाची सर्व कामे, घ्यावयाची खबरदारी, आवश्यक साधनसामुग्री, बचाव साहित्याबाबत सविस्तर आढावा जिल्हाधिकारी यांच्या अध्यक्षतेखाली शुक्रवारी झालेल्या बैठकीत घेण्यात आला. यावेळी मनपा आयुक्त आस्तिककुमार पांडेय, जिल्हा परिषदेचे मुख्य कार्यकारी अधिकारी मंगेश गोंदवले, अप्पर पोलिस अधीक्षक गणेश गावडे, निवासी उपजिल्हाधिकारी संजीव जाधवर, जिल्हा आपत्ती व्यवस्थापन अधिकारी अजोय चौधरी आदींसह वरिष्ठ अधिकारी यांची उपस्थिती होती. ऑनलाइन माध्यमातून जिल्ह्यातील सर्व उपविभागीय अधिकारी, तहसीलदार, नगर परिषदेचे मुख्याधिकारी यांची उपस्थिती होती. 

तालुकास्तरावर आवश्यक असणाऱ्या साधनसामुग्रीची तत्काळ मागणी जिल्हा आपत्ती व्यवस्थापन अधिकारी यांच्याकडे करावी, अशा सूचनाही चौधरी यांनी दिल्या. जिल्ह्यातील रस्ते, पूल यांची तपासणी करून तसा अहवाल सादर करा. शासकीय वैद्यकीय महाविद्यालय आणि रुग्णालयाने आपत्तीजनक परिस्थिती लक्षात घेऊन आवश्यक असणाऱ्या पथक प्रमुखांची नियुक्ती करावी. ग्रामपंचायत स्तरावर जिल्हा परिषदेने पाण्याचे नमुने तपासणीसाठी घेऊन दूषित पाण्याचा पुरवठा होणार नाही, याची खबरदारी घ्यावी. 

महावितरण कंपनीने दुरूस्तीची कामे वेळेत पूर्ण करावी. महानगरपालिकेनेही स्वतंत्र नियंत्रण कक्ष स्थापन करावा. रस्त्यावरील उघडे मॅनहोल तत्काळ बुजविण्याचे कामही करावे. शहरातील धोकादायक इमारतींना तत्काळ नोटीस बजावा. बीएसएनल कंपनीने त्यांचे चेंबर्सही बुजवावे. यावेळी त्यांनी गंगापूर, वैजापूर आणि पैठण येथील बोटीची सद्यस्थिती आणि करावयाची कार्यवाही याबाबतही निर्देश दिले. 

तालुकास्तरावरील रस्त्यांची स्थिती तपासून पाण्याखाली जाणाऱ्या रस्त्यांबाबत योग्य ती कार्यवाही करावी. तालुकास्तरावर मॉन्सूनपूर्व तयारी बैठक घ्यावी. जलतरणपटू, मदतीसाठी धावून येणारे स्वयंसेवक आदींची मुख्य संपर्क यादी तयार ठेवावी. दैनंदिन पर्जन्यमान योग्य आणि वेळेत घेण्यात यावे, अशा सूचनाही चौधरी यांनी केल्या. 
 


इतर ताज्या घडामोडी
शैक्षणिक वर्ष जूनपासूनच : मुख्यमंत्री...मुंबई : ‘‘शिक्षण हे जीवनावश्यक आहे ते...
राज्यात नवे २४८७ रुग्ण; सध्या ३४,४८०...मुंबई : राज्यात आज दिवसभरात २४८७ नवीन रुग्णांचे...
परवानगी नसलेल्या एचटीबीटी बियाण्यांचा...अमरावती ः घरपोच बियाणे वाटपाच्या माध्यमातून...
लोकांना पूर धोक्‍याची जाणीव करुन द्या ः...भंडारा ः वैनगंगा नदी तसेच इतर नदीकाठावरील खोलगट...
गोंधळी शिवारात ६२ हजारांचा एचटीबीटी...यवतमाळ ः कृषी विभागाच्या पथकाने अमरावती, यवतमाळ...
प्रतिबंधित क्षेत्राबाहेरील यंत्रमाग...मालेगाव, जि. नाशिक : ‘‘लॉकडाऊनमुळे यंत्रमागाची...
टोळधाड प्रादुर्भावग्रस्त क्षेत्राला...भंडारा ः भंडारा जिल्ह्यातील टोळधाड...
शेतकऱ्यांनी डिजिटल व्यासपीठाचा वापर...पुणे ः कोरोनामुळे शेतीक्षेत्राचे चित्र बदलणार आहे...
नांदेड जिल्ह्यात पाच हजारावर...नांदेड : किमान आधारभूत किंमत खरेदी योजनेअंतर्गंत...
विदर्भ राज्य आंदोलन समितीचे ७ जूनला...अकोला ः कोरोनामुळे उद्योगधंदे, व्यापार, शेती,...
‘कुकडी’चे उन्हाळी आवर्तन सहा जूनला...नगर : ‘कुकडी’च्या उन्हाळी आवर्तनासाठी पुणे येथे...
नगर अर्बन बॅंकेला चाळीस लाखांचा दंडनगर : नगर अर्बन को-ऑपरेटिव्ह बॅंकेला रिझर्व्ह...
नांदेडमधील कापूस संशोधन केंद्रात...नांदेड : वसंतराव नाईक मराठवाडा कृषी...
‘सोयाबीन लागवड तंत्रज्ञान व प्रक्रिये’...परभणी : वसंतराव नाईक मराठवाडा कृषी विद्यापीठातील...
दोन वाहनांतील कापूस घेण्याचे आदेश द्या...परभणी : भारतीय कापूस महामंडळाच्या (सीसीआय) मानवत...
दुग्ध व्यवसायाने घराला आधारशेतीपूरक व्यवसायामध्ये दुग्ध व्यवसाय पूर्वीपासूनच...
पंतप्रधान मोदी यांच्याकडून संशोधक...नाशिक : जिल्ह्यातील वऱ्हाणे (ता.बागलाण) येथील...
ग्रामविकास विभागामार्फत मोफत आर्सेनिक...कोल्हापूर  : नागरिकांची रोगप्रतिकारक शक्ती...
कापसाच्या वाती करून शासनाची आरती...अमरावती  ः पूर्व विदर्भातील पांढऱ्या...
एचटीबीटीबाबत केंद्र सरकारकडे पाठपुरावा...नागपूर  ः एचटीबीटीचा विषय केंद्र सरकारच्या...