परभणी जिल्ह्यातील ‘शेतकरी सन्मान निधी’ नोंदणी करा

‘शेतकरी सन्मान निधी’ लाभार्थी नोंदणी तत्काळ पूर्ण करा
‘शेतकरी सन्मान निधी’ लाभार्थी नोंदणी तत्काळ पूर्ण करा

परभणी ः पंतप्रधान शेतकरी सन्मान निधी योजनेअंतर्गंत परभणी जिल्ह्यातील शेतकऱ्यांचे नोंदणी काम संथगतीने सुरू असल्याबद्दल असमाधान व्यक्त करत. जिल्ह्यातील सर्व तहसीलदार, गटविकास अधिकारी आणि कृषी विभागाच्या अधिकाऱ्यांनी जास्तीत जास्त गतीने नावनोंदणीचे काम पूर्ण करावे, असे निर्देश विभागीय आयुक्त सुनील केंद्रेंकर यांनी दिले. कामचुकारपणा करणारे अधिकारी, कर्मचारी यांची गय केली जाणार नाही, त्यांच्यावर कडक कारवाई करण्यात येईल, असा इशारा श्री. केंद्रेकर यांनी या वेळी दिला. 

विभागीय आयुक्त सुनील केंद्रेकर यांनी गुरुवारी (ता. २१) परभणी येथील जिल्हाधिकारी कार्यालयात आढावा विविध योजनांची आढावा बैठक घेतली. यावेळी जिल्हाधिकारी पी. शिवशंकर, मुख्य कार्यकारी अधिकारी पृथ्वीराज बी.पी., पोलिस अधीक्षक कृष्णकांत उपाध्याय, अप्पर जिल्हाधिकारी अण्णासाहेब शिंदे, निवासी उपजिल्हाधिकारी अंकुश पिनाटे प्रकल्प संचालक प्रताप सवडे आदीसह विविध विभागाचे अधिकारी उपस्थित होते.

विभागीय आयुक्त केंद्रेकर म्हणाले की, बंधारे आणि धरणांच्या कामांना गती देण्यात यावी. जलसंपदा विभागातर्फे केली जाणारी जलसंधारणची कामे तात्काळ पूर्ण करण्यात यावेत. पाणी टंचाई परिस्थिती लक्षात घेऊन शासकीय यंत्रणांनी पाणीपुरवठा योजनांची कामे तत्काळ पूर्ण करावीत. परभणी शहरातील नागरिकांना नळांद्वारे १३ दिवसांनी होणारा पाणीपुरवठा ही बाब योग्य नाही. त्यामध्ये लवकरात लवकर सुधारणा कराव्यात, असे निर्देश श्री. केंद्रेकर यांनी दिले. वाळू लिलाव, रस्ते विकास, पशुसंवर्धन विभागाचा आढावा घेतला.

वृक्षारोपणाचा कृती आराखडा तयार करण्याच्या सूचना त्यांनी दिल्या. तसेच प्लॅस्टिक बंदीचा निर्णय प्रभावीपणे राबविला जाईल, याची महानगरपालिका, नगर पालिकेने दक्षता घ्यावी. ओला आणि कोरडा कचरा वेगवेगळा जमा करून विल्हेवाट लावण्याचे निर्देशही त्यांनी दिले. यावेळी त्यांनी अधिकाऱ्यांच्या अडचणीही समजावून घेतल्या. लोकसभा निवडणुकीच्या पार्श्वभूमीवर जिल्हा प्रशासनाने केलेल्या तयारीचा आयुक्तांनी आढावा घेतला. संवेदनशील आणि अति संवेदनशील मतदान केंद्राची निश्चिती निवडणूक आयोगाच्या निकषानुसार करण्यात यावी. निवडणूक निर्भय आणि शांततापूर्ण वातावरणात पार पाडण्यासाठी सर्वांनी प्रयत्नशील रहावे, असे आवाहन श्री. केंद्रेकर यांनी केले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com