Agriculture news in marathi For the completion of 'Takari', the need is 490 crore | Agrowon

‘ताकारी’च्या पूर्णत्वासाठी ४९० कोटींची गरज

टीम अॅग्रोवन
बुधवार, 4 डिसेंबर 2019

ताकारी उपसा सिंचन योजनेची अपूर्ण कामे पूर्ण करण्यासाठी कामे सुरू केली आहेत. लवकरच ही कामे पूर्ण होऊन या योजनेच्या लाभक्षेत्रातील सर्व शेतीला पाणी मिळेल.
- प्रकाश पाटील, कार्यकारी अभियंता, ताकारी योजना

सांगली : ताकारी उपसा सिंचन योजनेसाठी सुधारित मान्यतेनुसार अंदाजे ११८० कोटी मिळाले आहेत. त्यापैकी ७५० कोटी खर्च झाला असून, ताकारी सिंचन योजना पूर्णत्वासाठी सुमारे ४९० कोटींची गरज आहे. जलसंपदा विभागाकडे या निधीची मागणी केली असून, निधी लवकर मिळेल. त्यानंतर लवकर अपूर्ण कामे पूर्ण केली जातील, अशी माहिती पाटबंधारे विभागाच्या सूत्रांनी दिली.

ताकारी उपसा सिंचन योजनेअंतर्गत कडेगाव, पलूस, खानापूर आणि तासगाव तालुक्यांतील गावांचा समावेश येतो. या चार तालुक्यांतील शेतीला पाणी मिळते. या योजनेचे लाभक्षेत्र २७ हजार ४३० हेक्टर असून, १२ हजार हेक्टर क्षेत्र सिंचनाखाली आले आहे. ताकारी योजनेचे एकूण चार टप्पे आहेत. या चार टप्प्यांतून कृष्णा नदीचे पाणी उचलले जाते. पहिल्या टप्प्यात दोन हजार अश्‍वशक्‍तीचे सोळा पंप आहेत. तर दुसऱ्या टप्प्यावरही दोन हजार अश्‍वशक्‍तीचे सोळा पंप आणि तिसऱ्या टप्प्यांवर एक हजार दोनशे पन्नास अश्‍वशक्‍तीचे चार पंप आहेत व चौथ्या टप्प्यांवर दोनशे पन्नास अश्‍वशक्‍तीचे तीन पंप आहेत.

आत्तापर्यंत या योजनेचे १०८ किलोमीटर लांबीचा मुख्य कालवा, तसेच ११ किलोमीटर लांबीचा चिंचणी भरण कालवा, २३ किलोमीटर लांबीचा सोनसळ डावा कालवा तडसर हद्दीपर्यंत यासह योजनेचे ४ टप्पे, भूसंपादन आदी कामांसाठी ७०० कोटी इतका खर्च झाला आहे. तर १०८ ते १४४ किलोमीटर अशा ३६ किलोमीटर अंतरातील मुख्य कालवा तसेच चिंचणी भरण कालवा अस्तरीकरण, सोनसळ डावा कालवा, वितरिका आणि उपवितरिका कामे अद्याप अपूर्ण आहेत. 

योजनेचे एकूण ४० ते ४५ किलोमीटरचे कालव्याचे लायनिंग व बहुतांश अस्तरीकरणाचे काम अपूर्ण आहे. कडेगाव तालुक्यातील देवराष्टे, कुंभारगाव व खानापूर तालुक्यांतील जधावनगर, बलवडी तसेच पलूस तालुक्यातील कुंडलचा काही भाग व कोयना वसाहत, पलूस व आंधळी आदी गावांच्या २४०४ हेक्टर लाभक्षेत्राला बंदिस्त पाइपलाइनद्वारे पाणी देण्यासाठी ११ कोटी ८२ लाख इतक्या खर्चाच्या ताकारी योजनेच्या वितरिका क्रमांक २ चे काम आता सुरू आहे. 


इतर बातम्या
देशी कपाशीतील संशोधनाची शंभरीपरभणी येथील कापूस संशोधन केंद्र, मेहबूब बागची...
‘पांडुरंग', 'विठ्ठल’च्या निवडणुकांकडे...सोलापूर : आगामी वर्षात जिल्ह्यातील आघाडीच्या...
शेतीमधील गरज ओळखा ः डॉ. सिंगजालना : ‘‘कृषी विज्ञान केंद्रातील शास्त्रज्ञांनी...
सिद्धेश्‍वर कारखान्याची चिमणी तीन...सोलापूर : सिद्धेश्‍वर साखर कारखान्याची चिमणी...
लोणंद बाजार समितीत कांद्याला ११...लोणंद, जि. सातारा : कांद्याची आवक घटल्याने लोणंद...
किमान तापमानात घसरण, थंडीत चढ-उतार...महाराष्ट्राच्या समुद्र किनारपट्टीवर उत्तर दिशेने...
सिंधुदुर्ग जिल्ह्यात ढगाळ वातावरणाचा...सिंधुदुर्ग : गेले पाच दिवस जिल्ह्यात असलेल्या...
उसाला प्रतिटन चार हजार रुपये दर द्यावासातारा : ‘‘उसाला प्रतिटन चार हजार रुपये द्या, दोन...
टेंभू, ताकारी, म्हैसाळच्या पूर्णत्वाची...सांगली : टेंभू, ताकारी आणि म्हैसाळ योजनांच्या...
चोरट्यांपासून कांद्याच्या रक्षणासाठी...नगर ः बाजारात टंचाई असल्याने महिनाभरापासून...
नांदेड जिल्ह्यात मूग, उडदाच्या...नांदेड : यंदा खरीप हंगामात जिल्ह्यात मुगाची...
जैवविविधता संवर्धनासाठी सामूहिक...नाशिक: पर्यावरणाची योग्य ती काळजी न घेतल्याने...
नगरमध्ये ज्वारीवरील लष्करी अळीबाबत...नगर ः ज्वारीवर लष्करी अळी पडल्याने ज्वारीला...
नमुने निकषात, मात्र शेतमालाला मिळतोय...अकोला  ः शेतकरी शेतमाल पिकवतो. मात्र, छोट्या...
आघाडी सरकारचे खातेवाटप दोन दिवसांत ः...मुंबई ः मुख्यमंत्री उद्धव ठाकरे यांच्या...
नांदेड जिल्ह्यात हरभरा पेरणीच्या...नांदेड : जिल्ह्यात बुधवार (ता. ४) पर्यंत एकूण १...
देशी कापसाचा ब्रॅंड आवश्‍यकपरभणी ः आंतरराष्ट्रीय बाजारपेठेत लांब धाग्याच्या...
सिंचन घोटाळ्यात अजित पवार निर्दोष;...मुंबई ः राज्यातील बहुचर्चित सिंचन घोटाळ्यात...
साखर कामगारांच्या प्रश्नांकडे लक्ष...पुणे ः साखर कामगारांची अवस्था दयनीय झाली आहे....
...'या' बॅंकांचे थकले चौदा हजार कोटी...पुणे : कोरड्या दुष्काळानंतर ओला दुष्काळ आणि त्यात...