agriculture news in marathi, confusing situation about msp decision, akola, maharashtra | Agrowon

हमीभाव सक्तीच्या निर्णयाचा आदेशच पोचला नाही

टीम अॅग्रोवन
मंगळवार, 28 ऑगस्ट 2018

व्यापाऱ्यांप्रमाणेच शेतकऱ्यांसाठी हा निर्णय घातक ठरणार अाहे. व्यापाऱ्यांनी खरेदी न केल्यास शेतकऱ्यांनी काय करावे. भविष्यात निर्माण होणारे अनेक प्रश्न पाहता अाम्ही शेतकऱ्यांच्या हितासाठी या कायद्याला विरोध करीत अाहोत.
-अनिल घनवट, अध्यक्ष, शरद जोशी प्रणित शेतकरी संघटना.

अकोला   ः आधारभूत किमतीपेक्षा (एमएसपी) कमी दराने शेतीमाल खरेदी करणाऱ्या व्यापाऱ्यांना एक वर्ष कैद व ५० हजार रुपयांचा दंड करण्याचा निर्णय राज्य शासनाने गेल्या आठवड्यात घेतला. हा निर्णय जाहीर होताच काही संघटना, खरेदीदारांमधून विरोधाचा सूर उमटू लागला. काही बाजार समित्यांमध्ये खरेदी थांबवण्यातही अाली. प्रत्यक्षात मात्र अद्याप असा शासन निर्णय कुठल्याही बाजार समितीपर्यंत पोचलेला नाही. त्यामुळे या निर्णयाबाबत एकूणच गोंधळाचे वातावरण आहे. यासंदर्भात महिनाभरात शासन आदेश जारी होण्याची शक्यता असल्याचे ‘पणन’मधील सूत्रांनी सांगितले.

शासनाने गेल्या अाठवड्यात केंद्र शासनाने जाहीर केलेल्या आधारभूत किमतीपेक्षा कमी दराने अडत व्यापाऱ्याने माल खरेदी केल्यास १ वर्ष तुरुंगवास व ५० हजार रुपये दंड अशी तरतूद केली आहे. बाजार समिती कायद्याच्या कलम २९ अन्वये परवाना रद्द करण्याची तरतूद पूर्वीपासून होतीच. त्यात सुधारणा करून कैदेच्या शिक्षेची व दंडाची भर घालण्यात अाली अाहे. यामुळे सहकार व पणन क्षेत्राशी निगडित काम करणाऱ्यांमध्ये एकच गोंधळ उडाला. या कायद्याला विरोधाचा सूर सुरू झाला. शेतकरी संघटनेने हा कायदा शेतकऱ्यांसाठी घातक असल्याचे सांगत शेतकऱ्यांच्या पाठीशी उभे राहणार असल्याची घोषणा केली. काही बाजार समित्यांमध्ये व्यवहार करण्यास व्यापारी, अडतदारांनी विरोध दर्शविला.

बुलडाणा जिल्ह्यातील सर्वांत मोठी असलेली खामगाव बाजार समिती बंद ठेवण्यात अाली अाहे. मुळात ज्या कायद्याचा विरोध दर्शविणे सुरू झाला. त्याबाबत अद्याप कुठलाही अधिकृत अादेश जिल्हा यंत्रणांपर्यंत पोचलेला नाही. काही बाजार समित्यांमध्ये व्यापाऱ्यांमध्ये याच विषयावर चर्चा होत अाहेत. वऱ्हाडात या शासन निर्णयाविरोधात खामगावमध्ये व्यापाऱ्यांनी खरेदी-विक्री बंद ठेवली अाहे.

वाशीम बाजार समितीतही बंद ठेवण्यात अाला होता. मात्र, प्रशासकांनी चर्चा करून तोडगा काढला. तेथील व्यवहार पूर्ववत सुरू करण्यात अाले.  काही बाजार समित्यांमध्ये व्यापारी संघटनांनाकडून हा अादेश येईपर्यंत प्रतीक्षा करतानाच जुन्या पद्धतीने खरेदी-विक्री व्यवहार सुरू ठेवण्याचे मान्य करण्यात अालेले अाहे. या नव्या सुधारणांची अंमलबजावणी करण्याची जबाबदारी शासन निभावणार अाहे, असे सांगितले जाते.

अशा परिस्थितीत बाजार समित्यांची भूमिका नेमकी काय असू शकते, कायद्याची अंमलबजावणी कधीपासून सुरू होईल, याबाबतचे अादेश कधी येतील. यासंदर्भात सर्वत्र गोंधळाची स्थिती बनलेली अाहे. सोमवारी या खात्याशी संबंधित वरिष्ठ अधिकाऱ्यांशी संपर्क केला असता, याबाबततचा शासन अादेश अद्याप अापणापर्यंत पोचलेला नसल्याचे स्पष्ट करण्यात अाले.


इतर अॅग्रो विशेष
शाश्‍वत पर्यायी पीक ः बांबूनिसर्ग चक्र बदलत चालले आहे. आतापर्यंत आपण रेल्वे...
‘जीआय’चे अधिकृत ब्रॅंडींगकोविड महामारीनंतर जागतिक बाजारातही खूप उलटफेर...
अमळनेरच्या भाजी बाजारात शेतकऱ्यांकडून...अमळनेर, जि.जळगाव ः येथील मासळी बाजारानजीकच्या...
लाच घेताना कृषी विद्यापीठातील लिपिकाला...नगर : कोरोना पुणे सेवानिवृत्तीची कागदपत्रे...
राज्यात पीक नुकसान ५० लाख हेक्टरच्या...पुणे: राज्यात खरीप पीक नुकसानीची माहिती गोळा...
जुन्या निकषांनुसार कामाला विमा...जळगाव: जुन्या निकषानुसार केळी पिकासाठी काम...
शेती, जलसंधारण, सामाजिक कार्यात...पुण्यापासून हाकेच्या अंतरावर असलेल्या केंदूर (ता....
किती अन् काय सांगावं...हात टेकलेत आमचेजालना : कुणाला किती अन् काय सांगावं...सततच्या...
पावसामुळे शेतीकामात अडथळे पुणे ः परतीच्या पावसाचा दणका अजूनही सुरूच आहे....
तुरळक ठिकाणी पावसाचा अंदाज पुणे ः अरबी समुद्राच्या पश्चिम मध्य भागात चक्रीय...
बुडून गेलं रान देवा, वाहून गेलं शिवार...कोल्हापूर : उसवलं गणगोत सारं, आधार कुनाचा न्हाई...
पांढऱ्या कापसाचे काळे वास्तवदेशातील सूत गिरण्या आता ९५ टक्के कार्यक्षमतेने...
शेतकऱ्यांच्या कष्टाचे झाले निर्माल्यरिमझिम पाऊस, थेंब पाकळीवर पडला ओघळून जाताना...
अतिवृष्टीचा मराठवाड्यात २३ लाख हेक्टरला...औरंगाबाद : यंदा खरिपात अतिवृष्टी व सततच्या...
केळी पीक विम्याबाबत आज बैठकजळगाव ः हवामानावर आधारित फळपीक विमा योजनेत केळी...
राज्यात पावसाचा प्रभाव कमी झालापुणे ः राज्यात गेल्या काही दिवस जोरदार पाऊस...
राज्यात तुरळक ठिकाणी मुसळधार पाऊसपुणे ः राज्यातील काही भागात पावसाने उघडीप दिली...
पीक विमा तक्रार निवारणासाठी कोठे जाल?राज्यात यंदा खरीप हंगामात उत्तम पेरा झाला होता....
राज्यात पावसाचा कमीअधिक जोर राहणारपुणे ः राज्यातील अनेक भागात पावसाने काहीशी उघडीप...
पणन सुधारणा कायदे शेतकरी हिताचेच!शेतीमालाच्या मार्केटमध्ये दराच्या बाबतीत कधीही...