तेलंगणंमध्ये कृषी कायद्यांविरोधात आज कॉंग्रेसचे धरणे आंदोलन 

केंद्र सरकारने तिन्ही कृषी कायदे रद्द करावेत, या मागणीसाठी तेलंगण प्रदेश काँग्रेस समितीतर्फे आज (ता. ११) राज्यभरात जिल्हाधिकारी कार्यालयांसमोर धरणे आंदोलन केले जाणार
तेलंगणंमध्ये कृषी कायद्यांविरोधात आज धरणे आंदोलन 
तेलंगणंमध्ये कृषी कायद्यांविरोधात आज धरणे आंदोलन 

हैदराबाद : केंद्र सरकारने तिन्ही कृषी कायदे रद्द करावेत, या मागणीसाठी तेलंगण प्रदेश काँग्रेस समितीतर्फे आज (ता. ११) राज्यभरात जिल्हाधिकारी कार्यालयांसमोर धरणे आंदोलन केले जाणार असल्याचे प्रदेशाध्यक्ष खासदार एन. उत्तमकुमार रेड्डी यांनी रविवारी (ता.10) सांगितले. तसेच, ‘इंदिरा क्रांती पथम्‌’ योजना आणि खरेदी केंद्रे बंद करण्याच्या राज्य सरकारच्या निर्णयाचाही निषेध यावेळी केला जाणार आहे.  दिल्लीत सुरु असलेल्या शेतकरी आंदोलनाचा आज ४६ दिवस असून त्यांना समर्थन देण्यासाठी उद्या काँग्रेसतर्फे धरणे आंदोलन केले जाणार असल्याचे खासदार रेड्डी यांनी सांगितले. शेतकरी आंदोलनाला मानवतावादी दृष्टीकोनातूनही काहीच प्रतिसाद दिला जात नसल्याबद्दल त्यांनी पंतप्रधान नरेंद्र मोदी यांच्यावरही टीका केली. अखिल भारतीय काँग्रेस समितीने दिलेल्या हाकेला प्रतिसाद देऊन राज्यातील काँग्रेस पक्ष १५ जानेवारीला राजभवनालाही घेराव घालणार असल्याची माहिती रेड्डी यांनी दिली. या सर्व आंदोलनांत काँग्रेसच्या प्रत्येक पातळीवरील कार्यकर्त्यांनी सहभागी व्हावे, असे आवाहनही त्यांनी केले आहे. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com