आमचे सरकार आल्यास करप्रणालीत बदल करू : अशोक चव्हाण

राज्यात सरकारचा पोलिस तसेच प्रशासकीय कामात मोठ्या प्रमाणावर हस्तक्षेप वाढला आहे. सर्वच ठिकाणी नागरिकांच्या हक्कांवर गदा आणण्याचा प्रयत्न होत आहे. पोलिसांसह सर्वच अधिकाऱ्यांना आता भाजपचे पदाधिकारी म्हणून काम करण्यास भाग पाडले जात आहे. - अशोक चव्हाण, प्रदेशाध्यक्ष
काॅंग्रेसच्यावतीने बैठकीचे आयोजन
काॅंग्रेसच्यावतीने बैठकीचे आयोजन

जळगाव  : वस्तू व सेवाकर (जीएसटी) लावण्याचा निर्णय आमच्या सरकारच्या कालावधीतच घेण्यात आला होता. मात्र या सरकारने तो आणला आणि चुकीच्या पद्धतीने लागू केला. परिणामी तो आता जाचक झाला आहे. आमचे सरकार आल्यास आम्ही निश्‍चित त्यात बदल करणार आहोत. ‘एक राष्ट्र, एक कर’ हेच आमचे धोरण राहणार आहे, अशी ग्वाही काँग्रेसचे प्रदेशाध्यक्ष अशोक चव्हाण यांनी येथे दिली.

काँग्रेसच्या वतीने जनसंघर्ष यात्रेच्या निमित्ताने जळगाव येथे ‘परामर्श बुद्धिवंताचा'' कार्यक्रमाचे आयोजन शुक्रवारी (ता. ५) सकाळी करण्यात आले होते. या वेळी माजी कृषिमंत्री बाळासाहेब थोरात, रत्नाकर महाजन, प्रवक्ते सचिन सावंत, आमदार भाई जगताप, विनायक देशमुख, जिल्हाध्यक्ष ॲड. संदीप पाटील, उल्हास पाटील, सत्यजित तांबे आदी उपस्थित होते. यात शहरातील वैद्यकीय, बांधकाम, अकाउंटंट, शैक्षणिक क्षेत्रातील मान्यवर उपस्थित होते.

या वेळी श्री. चव्हाण म्हणाले, की राज्यात कायदे आहेत, परंतु त्याची अमंलबजावणी केली जात नाही. सत्ताधारी पक्षाचा राजकीय हस्तक्षेप मोठ्या प्रमाणात वाढला आहे. प्रशासनाने सत्ताधारी पक्षाच्या विचारसरणीचा व्यक्ती मिळेपर्यंत जागा राखीव ठेवण्याचा प्रकार सुरू केला आहे. भाजप कार्यकर्ता म्हणूनच आज प्रशासनासह पोलिस विभागातील अधिकारी काम करीत आहे. राज्यातील ही परिस्थीती अतिशय गंभीर आहे. देश व राज्यातील सरकार समाजा-समाजात सामाजिक संघर्ष उभा करून त्या माध्यमातून आपली मतपेटी भरण्याचा प्रयत्न करीत आहे, असा आरोप श्री. चव्हाण यांनी केला. यानंतर जनसंघर्ष यात्रेनिमित्त काँग्रेस नेत्यांच्या जळगाव जिल्ह्यातील एरंडोल, पारोळा व अमळनेरात सभा झाल्या.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com