सोलापूर : राज्य शासनाच्या विरोधात काँग्रेसच्या वतीने राज्यभर रथयात्रा काढण्यात येणार आहे. त्याची सुरवात पश्‍चिम महाराष्ट्रातील पाच जिल्ह्यांतून होणार आहे. 1 जानेवारीला कोल्हापूर येथून रथयात्रेला सुरूवात होईल. समारोप पुण्याला होणार आहे. मुंबईतील टिळक भवन येथे प्रदेशाध्यक्ष खासदार अशोक चव्हाण यांच्या उपस्थितीत झालेल्या बैठकीत हे नियोजन निश्‍चित करण्यात आले. फसलेल्या कर्जमाफी योजनेसह घोटाळेबाज मंत्री-आमदारांना पाठीशी घालण्याच्या राज्य शासनाच्या भूमिकेविरोधात जनजागृती करण्यासाठी ही रथयात्रा असणार आहे. प्रत्येक जिल्ह्यात तीन दिवस मुक्काम असेल. या कालावधीत ही यात्रा गावपातळीवर जाऊन सरकारविरोधी प्रचार करणार आहे. प्रदेशाध्यक्ष श्री. चव्हाण रथयात्रेत सहभागी होणार आहेत. कोल्हापूर, सांगली, सोलापूर, सातारा आणि पुणे या क्रमाने रथयात्रेचे नियोजन करण्यात आले आहे.
जिल्हा व प्रमुख समन्वयक या प्रमाणे : कोल्हापूर - राजन भोसले व यशवंत हाप्पे, सांगली : प्रकाश यलगुलवार व धर्मा भोसले, सोलापूर : मोहन जोशी व रोहित टिळक, सातारा : अभय छाजेड व तौफीक मुलाणी, पुणे : आमदार रामहरी रूपनवर आणि अलका राठोड.
या संपूर्ण रथयात्रेत महिला काँग्रेसच्या अध्यक्षा चारुलता टोकस, प्रदेश युवक काँग्रेसचे अध्यक्ष विश्‍वजीत कदम, सेवादलाचे मुख्य संघटक विलास औताडे, एनएसयुआयचे अध्यक्ष अमिर शेख, अल्पसंख्याक विभागाचे अध्यक्ष एम. एम. शेख, इंटकचे अध्यक्ष जयप्रकाश छाजेड, अनुसूचित जाती विभागाचे अध्यक्ष राजू वाघमारे आणि ओबीसी विभागाचे अध्यक्ष प्रमोद मोरे सहभागी असणार आहेत.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.