गृहनिर्माण संस्थांमध्ये घरपोच धान्य, भाजीपाला; सहकार विकास महामंडळाचा उपक्रम

सहकार विकास महामंडळाने गृहनिर्माण संस्थांमध्ये थेट धान्य, भाजीपाला आणि फळे पुरवण्यासाठी महत्त्वाचे पाऊल उचलले आहे. संस्थांमधील सदस्यांनी मागणी नोंदविल्यास धान्य आणि किराणा दोन दिवसांत तर, ताजा भाजीपाला दुसऱ्या दिवशी घरपोच मिळणार आहे.
गृहनिर्माण संस्थांमध्ये घरपोच धान्य, भाजीपाला
गृहनिर्माण संस्थांमध्ये घरपोच धान्य, भाजीपाला

पुणे : कोरोना विषाणूचे संकट दिवसेंदिवस अधिक भयावह होत असताना, नागरिकांची किराणा माल आणि भाजीपाल्याची गैरसोय होऊ नये यासाठी राज्य सरकारच्या सहकार विकास महामंडळाने गृहनिर्माण संस्थांमध्ये थेट धान्य, भाजीपाला आणि फळे पुरवण्यासाठी महत्त्वाचे पाऊल उचलले आहे. संस्थांमधील सदस्यांनी मागणी नोंदविल्यास धान्य आणि किराणा दोन दिवसांत तर, ताजा भाजीपाला दुसऱ्या दिवशी घरपोच मिळणार आहे. "घराबाहेर पडून नका येऊ कोरोनाच्या सांनिध्यात, आम्ही पोचवू शेतमाल आपल्या दारात'' हे ब्रीदवाक्‍य घेऊन महाराष्ट्र सहकार विकास महामंडळ प्रत्येक सोसायटीत पोचणार आहे. सहकार व पणन मंत्री बाळासाहेब पाटील यांच्या सूचनेनुसार विशेष कार्याधिकारी संतोष पाटील, राज्य सहकार महामंडळाचे व्यवस्थापकीय संचालक मिलिंद आकरे, जिल्हा उपनिबंधक नारायण आघाव यांच्या मार्गदर्शनाखाली ही योजना राबविण्यात येणार आहे. सोसायट्यांमधील सभासद आणि शेतकरी, शेतमाल उत्पादक कंपन्यांमध्ये महामंडळ समन्वयाची भूमिका बजावणार आहे. एखाद्या सभासदाने संकेतस्थळावर जाऊन धान्य किंवा भाजीपाल्याची मागणी नोंदविल्यास त्यानुसार महामंडळाचे अधिकारी संबंधित शेतकरी आणि कंपनीसोबत संपर्क साधतील. त्यानुसार सोसायट्यांना घरपोच पुरवठा करण्यात येईल. संकेतस्थळावर अर्जात भरावयाची माहिती ः गृहनिर्माण संस्थेचे नाव, पत्ता, सदस्याचे नाव, मोबाईल क्रमांक व शेतमालाचा तपशील : गहू, ज्वारी, बाजरी, तांदूळ, पीठ, डाळी, किराणामाल, तेल, मसाले, सुकामेवा, लोणचे, पापड, भाजीपाला, फळभाज्या, फळे, बेकरी पदार्थ, अंडी, दुग्धजन्य पदार्थ याची मागणी नोंदविता येईल. अशी नोंदवा मागणी... 

  • महाराष्ट्र राज्य सहकार महामंडळाच्या www.mahamcdc.com या संकेतस्थळावर जाऊन धान्य, किराणामाल, पालेभाज्या आणि फळांची मागणी नोंदविता येईल.
  • गृहनिर्माण संस्थेमधील प्रत्येक सदस्याला मागणी नोंदवता येईल. यामध्ये समन्वयक म्हणून संस्थेचे अध्यक्ष, सचिव काम पाहतील.
  • प्रत्येक संस्थेला विशिष्ट सांकेतांक क्रमांक देणार आहे. त्याचा वापर करून सभासद मागणी नोंदवू शकतील
  • नोंदणीसाठी येथे साधा संपर्क... ९४०४५१५५३७, ९२२५५६३९८७ ८४८३८८१०१८ कोरोनाचा प्रादुर्भाव वाढू नये यासाठी सोसायट्यांमधील सभासदांना रास्त दरात घरपोच धान्य, भाजीपाला आणि फळे मिळावीत यासाठी सहकार महामंडळाने हा निर्णय घेतला आहे. भविष्यात प्रत्येक सोसायटीसाठी बाराही महिने ही सुविधा उपलब्ध करून देणार आहे. — मिलिंद आकरे, व्यवस्थापकीय संचालक, राज्य सहकारी महामंडळ

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Related Stories

    No stories found.
    Agrowon
    agrowon.esakal.com