agriculture news in marathi, corn area Increase in Nandurbar district | Agrowon

नंदुरबार जिल्ह्यात मक्याच्या क्षेत्रातही वाढ

टीम अॅग्रोवन
बुधवार, 15 नोव्हेंबर 2017

नंदुरबार : जिल्ह्यात रब्बी पेरणीला गती आली आहे. थंडी वाढू लागल्याने गहू पेरणीलाही सुरवात झाली आहे. जिल्ह्यात जवळपास १९ हजार हेक्‍टरवर हरभऱ्याची पेरणी झाली असून, १३ हजार हेक्‍टरवर मक्याची लागवड झाली आहे. यंदा चारा व उत्पन्न देणारे रब्बी पीक म्हणून मक्‍याकडे शेतकरी वळले असून, मक्‍याची पेरणी अनेक भागात वाढली आहे.

जिल्ह्यात नंदुरबार, नवापूर, तळोदा व शहादा भागात रब्बीची अधिक पेरणी होते. अक्कलकुवा, धडगाव तालुके सातपुडा पर्वतात असल्याने या भागात रब्बीची फारशी पेरणी होत नाही. शहादा, तळोदा आणि नंदुरबार तालुक्‍यातील तापी काठालगतच्या भागात रब्बीची पेरणी अधिक होते.

नंदुरबार : जिल्ह्यात रब्बी पेरणीला गती आली आहे. थंडी वाढू लागल्याने गहू पेरणीलाही सुरवात झाली आहे. जिल्ह्यात जवळपास १९ हजार हेक्‍टरवर हरभऱ्याची पेरणी झाली असून, १३ हजार हेक्‍टरवर मक्याची लागवड झाली आहे. यंदा चारा व उत्पन्न देणारे रब्बी पीक म्हणून मक्‍याकडे शेतकरी वळले असून, मक्‍याची पेरणी अनेक भागात वाढली आहे.

जिल्ह्यात नंदुरबार, नवापूर, तळोदा व शहादा भागात रब्बीची अधिक पेरणी होते. अक्कलकुवा, धडगाव तालुके सातपुडा पर्वतात असल्याने या भागात रब्बीची फारशी पेरणी होत नाही. शहादा, तळोदा आणि नंदुरबार तालुक्‍यातील तापी काठालगतच्या भागात रब्बीची पेरणी अधिक होते.

अर्थातच यंदा खरिपातून फारसे हाती न आल्याने अनेक शेतकरी रब्बीबाबत आशादायी आहेत. जिल्ह्यात यंदा रब्बीची जवळपास ७८ हजार हेक्‍टरवर पेरणी अपेक्षित आहे. यातील ७० टक्के क्षेत्रावर पेरणी झाली आहे.

परतीच्या पावसामुळे पूर्व शहादा व पूर्व नंदुरबार भागात काही प्रमाणात हरभऱ्याची पेरणी झाली आहे; परंतु नंदुरबारमधील खोंडामळी, चौपाळे, रनाळे आदी भागात हवी तशी पेरणी होत नसल्याची माहिती आहे. अशीच स्थिती शहादा तालुक्‍यातील पूर्व भागात म्हणजेच कलसाडी, सारंगखेडा, बामखेडा, मोहीदे आदी भागात आहे.
शहादा तालुक्‍यातील नांदरखेडा, पुसनद, पाडळदे, धुरखेडा, म्हसावद, काथर्दा, प्रकाशा आदी भागात पिकांची स्थिती चांगली आहे. गहू, हरभरा, मका पेरणी या भागात जोमात सुरू आहे. दिवाळीनंतर पेरणी सुरू झाली. सध्या मक्‍याची पेरणीही सुरू आहे. तळोदा तालुक्‍यातील आमलाड, बोरद, प्रतापपूर आदी भागात हरभरा जोमात उगवला; पण त्यावर मर रोग आल्याच्या तक्रारी शेतकऱ्यांमधून येत आहेत.

नंदुरबार तालुक्‍यातील कोठली, पिंपळोद, लहान शहादे, न्याहली भागातही रब्बी पिकांची पेरणी बऱ्यापैकी झाली आहे. आता कपाशीवर बोंड अळी अधिक असल्याने कपाशी मोडून त्यावर मका, हरभरा पेरणीचे नियोजन काही कृत्रिम जलसाठा उपलब्ध असलेल्या शेतकऱ्यांनी केले आहे.

जिल्ह्यात जवळपास १९ हजार हेक्‍टरवर हरभरा, १३ हजार हेक्‍टरवर मका, ११ हजार हेक्‍टरवर गहू, जवळपास तीन हजार हेक्‍टरवर बाजरी आणि त्यापाठोपाठ कांदा पिकाची लागवड झाली आहे. पुढील १५- २० दिवसात रब्बी पिकांची पेरणी जवळपास पूर्ण होईल, असे सांगण्यात आले.

युरियाची मागणी
नंदुरबार जिल्ह्यातही युरियाची मागणी अधिक आहे. त्यावर उपाय म्हणून अधिकचा युरिया कृषी विभागाने राज्य शासनाकडून उपलब्ध करून घेतला आहे. रब्बी हंगामासाठी २४ हजार मेट्रिक टन युरियाचा पुरवठा लक्ष्यांक मंजूर आहे. यातील ५० टक्के पुरवठा झाल्याची माहिती मिळाली.

रब्बी पिकांमध्ये शेतकरी मका पिकाकडे वळले आहेत. हरभराही अधिक दिसून येत आहे. पुढील २० ते २२ दिवस पेरणी सुरूच राहील. गव्हाची पेरणी तापी काठावरील गावांमध्ये अधिक दिसून येईल.
- दशरत धारू पाटील, शेतकरी समशेरपूर ता. नंदुरबार.


इतर ताज्या घडामोडी
फूल उत्पादकांना आस दसरा, दिवाळीचीपुणे : टाळेबंदीत सर्वाधिक फटका बसलेल्या फूल...
लातूर विभागात २३ लाखावर शेतकऱ्यांना...उस्मानाबाद / लातूर : लातूर येथील विभागीय कृषी...
औरंगाबादमध्ये कांदा २०० ते ३२०० रूपये...औरंगाबाद : येथील कृषी उत्पन्न बाजार समितीमध्ये...
पुणे जिल्ह्यात पीककर्जाची होणार सहा...पुणे :  नियमित कर्ज फेडणाऱ्या...
मूग, उडीद खरेदीसाठी सोलापूर, बार्शी,...सोलापूर  : मूग, उडदाच्या आधारभूत किंमती...
खानदेशातील दुष्काळी भागातील प्रकल्पांत...जळगाव  ः खानदेशातील दुष्काळी भागातील निम्मे...
वाशीम जिल्ह्यात पिकांच्या नुकसानीचे...वाशीम  : ‘‘जिल्ह्यात गेल्या काही दिवसांत...
खानदेशात सोयाबीनची कापणी, मळणी लांबणीवर...जळगाव  ः खानदेशात काळ्या कसदार जमिनीत वाफसा...
हिंगोली, परभणीत एक लाख हेक्टर पिकांवर...हिंगोली, परभणी : अतिवृष्टी, ओढे - नाले, नद्यांचे...
साखर कारखान्यांचे वजनकाटे सुधारा, ‘...कोल्हापूर : साखर कारखान्यांच्या वजन काट्याबाबत...
सांगलीत मूग, उडीद खरेदीसाठी नोंदणी सुरूसांगली : बाजार समितीच्या आवारातील विष्णूअण्णा...
कृषी विधेयकाच्या समर्थणार्थ ‘रयत’ने...नाशिक  : केंद्र सरकारने कृषी विधेयकाच्या...
राज्यात ढगाळ हवामानाची शक्यताईशान्य मॉन्सून म्हणजेच परतीच्या मॉन्सूनला सुरुवात...
खानदेशात पाऊस थांबला, वाफशाची प्रतीक्षाजळगाव : खानदेशात गुरुवारी (ता.२५) पाऊस थांबला....
सांगलीत नियोजनाअभावी थेट शेतमाल विक्री...सांगली : लॉकडाउनच्या काळात संपूर्ण बाजारपेठा बंद...
सोलापुरातील उपबाजार समित्यांचा प्रस्ताव...सोलापूर ः सोलापूर कृषि उत्पन्न बाजार समितीच्या...
कोल्हापुरात शेतकरी संघटनांकडून कृषी...कोल्हापूर : राज्यसभेत मंजूर झालेल्या कृषी...
नुकसानग्रस्त पिकांचे तातडीने पंचनामे...सोलापूर ः अतिवृष्टीमुळे नुकसान झालेल्या...
शेतकऱ्यांचे प्रश्‍न शासनाकडे पोचवणार :...नाशिक : ‘‘मी देखील शेतकऱ्याचाच मुलगा आहे. कांदा...
मराठवाड्यात कृषी विधेयकांची होळीऔरंगाबाद / परभणी /  नांदेड :...